Risk or no risk, spend or no spend?

Sam媽一向皮膚唔好，牙齒唔好，尋日趁住開完會仲有半日時間做自己野，本死無大害，眼訓都一次過睇兩個醫生~

首先去左睇牙醫...

自從早幾個月整過牙之後，一直都覺得某隻整過0既牙飲凍野0既時候會"軟"，但係個護士就話只係敏感，應該唔係大問題。結果挨到呢個星期，越來越唔掂...

牙醫睇完，話我應該係"牙肉萎縮"

無藥可救... 自己好自為之

最差情況會係杜牙筋!

咁都好D，嚇死~

而家可以做0既係用一隻$20 美金0既牙膏，希望可以控制住

然後去睇皮膚~

拎左皮膚sample去做化驗，2 個星期之後再返去...

不過個醫生係咁sell我做雷射去雀斑... 我一向都對呢D 野無興趣，但係就結婚，又好似應該整靚D~

我以為會好貴，又唔係wor，比我想像中平，$800可以搞掂!

問題"少女"(<--真好意思) 0既問題就係，好唔好做呢？

$800其實話多唔多，話少唔少... 但係如果唔得呢，咁點呀? 爛面0既話，我咪瀬野? 之但係，醫生做又應該好過出面D 甚麼美容院，安全好多wor...

好tempting~~~

最正係Sam婆婆... "你同個醫生講價呀嘛! 再唔係，叫佢charge 一半落保險，自己俾一半囉"

醫生wor，有得講價0既咩?!

Read More

國際銀行大會

Sam媽公司一年一度big conference, 以前晌好多地方搞, 包括東京同北京. 今年縮左水, 得返晌倫敦同紐約~

隔壁group 借左我一日, 去左幫手... 7:30am 出到42街~ 朝早6 點起左身, 個人超唔慣, 想暈..........

總括黎講都OK, 係著高爭鞋企左一日辛苦d

不過有單野想講下~

話說呢個conference 都叫做正規商務會議, 正常黎講係應該老西上場...

今日有位女士0既出現, 令到大家眼前一亮!

佢上身都叫做有件西裝樣jacket, 但係個下身... 激白超短褲一條!!!

會後收到其中一份問卷, 填寫個位朋友責問點解有個咁樣打扮0既人... 仲抵死地話, 亞女士係咪著左底底就出街

老實講, 呢d 唔到我地控制囉...

但作為一個專業人士, 填寫問卷0個位朋友用字又都好有問題

咁當然無聊人如我呢d, 就私底下研究, 究竟0個位女士裡面有冇著?!

聽講佢係"professor" 黎添!

估唔到一個咁無聊(對於我黎講)0既工作, 有d 咁"有趣"0既事情發生!

呢一刻超眼訓...... 人老左, 真係唔捱得啦, 搵周生去也~

Read More

食草定玩ball?

食草定玩ball呢個問題，我家傻Sam會話: 食草!!!

每日帶SamSam去屋企樓下個公園仔拋ball，每次都只可以拋5 下...

因為到第5下之後，佢就會走左去食草!!!!!

日日如是~

牛拖世食草中!

點解人地D 狗咁鐘意拋ball，我隻唔鐘意0既呢?

人地又會有favorious玩具，我隻又無... 每個玩具都只可以玩3 分鐘! 

點解~~~~~~

Read More

地曬拿的悲哀

當大家都贊Invitation 張演唱會飛設計0既時候...

Sam公公0既評語: 唔合邏輯!



原因係入場費一欄...

雖然整0既時候都有擔心過，但係無想過會得到咁樣0既評語囉...

幽默感去哪了??

我同佢講，呢個係香港演唱會飛0既design，0個個都係HK$

佢話: so what?! 邊個知!



最慘係... 佢話佢會用黑色marker 畫左0個行...

我叫佢: 不如你成張抽起佢啦!!

佢又唔肯wor!!

地曬拿的悲哀，唔係俾人ban橋，而係無啦啦，多撻"喇"

Read More

Memorial Weekend 游水水

放3 日假, 淨係去左一日游水水...

SamSam: 快D 啦daddy!

SamSam 好衰架, 每樣玩具都玩3 分鐘, 陸上係咁, 水上都係咁, 麻煩到癲

睇下佢d 罪証啦!!

明明自己0個玩具晌身邊都游左去, 差D 就咁冇左10幾蚊!!!

佢去邊? 去左同George 爭人地個玩具!!!

上岸同Madison 必定要打返場!

D 精力究竟邊度黎

同場加影... 串燒二少黎左NYC?!

傻仔呢, 而家游遠左好多~ 希望呢個夏天可以游多d!!

Read More

人定狗呀你 II

長假期, 冇plan, 於是日日去park...

不過呢兩日都見唔到d 朋友仔, 就淨係我地自己玩下行下就算~

唔知係咪天氣太熱, SamSam都好快就冇電!

星期六, Sam媽唔記得帶水, 行到咁上下, Sam豬發現新大陸咁跑前...

平時行過BoyBoy 都會停呢度飲水, SamSam好好記性, 知道呢度有得飲, 坐得靚靚等我地

真係好渴wor....

SamSam: mammy唔該唔好停!!

臨走又會行過另一個飲水booth, 又要飲~

成個人咁, 頂佢唔順!!!

Read More

三文魚小卷

尋晚整左呢個俾SamSam:

食譜來源: Ming's 愛犬私房菜

＊材料：
白色雲吞皮(四方形) 3塊

無骨三文魚扒 1塊
蛋白 1隻

都幾容易做，不過焗0個陣有D 腥

－－－
今日睇返，瀬野!!

買左黃色皮，原來狗狗唔食得架

SamSam食左only 2 舊，應該OK呱....................

Read More

變做姨姨?!

好朋友0既BB 尋晚出左世，Sam媽在想... 應該唔會再被叫姐姐了~

新一代0既出現，代表我真係老啦，雖然我0既心態依然係21!

事實上，同輩0既表哥表姐全部都已經生左，得返我係未結婚未生仔，對下0既表弟同我相差5 年，分分鐘爬埋我頭~

不過我又真係無壓力，事關婆婆已經80幾，身邊有幾個曾孫係咁叫"太太"，已經有夠忙啦!

人生有生有死，過去一個星期都充斥住幾多負能量，Blog友0既狗狗Ranger 同JoJo都離開左最愛佢地0既主人，希望兩個小朋友响彩虹橋都快快樂樂，健康無憂

Read More