細路大個仔左!

好記得半年前去睇獸醫，當時SamSam興奮到爆，係咁吠係咁想撲人... 阿獸醫講左句: "Can you hold on to Sam? I can't focus"

0個句說話深深印左入我腦，令到我好想轉獸醫!

結果... 一直都無再搵過其他獸醫~

到帶SamSam去睇瘡瘡0既時候，終於發現，原來我個傻仔開始大個仔啦!

今次再去診所，連vet technician都記得佢，大家一致都讚我傻Sam乖左，聽話左!!!

雖然離聽話仲有一段距離，但係起碼而家無再狂撲，一叫佢，佢會坐定定! 甚至無吠過~ Sam媽真係已經老來安慰啦~~~~~

除左睇獸醫乖左，好人叔叔都話SamSam乖左，因為而家夜晚都少左好多傻Sam 0既吠聲咁話!

壞人太太都有讚SamSam 架，佢話而家SamSam 少左跳佢~ No 佢都會stop 到!

Sam豬開始大個仔啦!!!

Read More

SamSam生瘡瘡

早兩個星期SamSam 嘴邊就開始有粒野爆左出黎，一日一日睇住0個粒野好似爆谷咁爆到開晒花... 好得人驚

(艾瘋影得唔清，不過應該都睇到0個粒野...)

用手搞佢，SamSam 又好似無乜感覺咁，Sam爸又未忙完，結果一直拖到星期六先帶佢去睇獸醫.

醫生睇完，同我地講，SamSam係俾人傳染左canine papilloma virus，不過唔需要做手術或食藥，過一頭半個月就會好。不過，由於呢種病毒會傳染，建議我地困佢幾個月唔好同其他狗接觸!

0個刻我癲左... 唔係呱，要困呢隻野幾個月，佢無得發洩D 精力，真係佢唔癲我癲呀!!!

返到屋企，我狂做research，結果發現，呢隻病菌基本上係只會响D young dog and puppies 身上發生，因為佢地0既免疫系統未得，比較容易感染到。不過一D 無生命危險或者會有D 咩致命情況出現~

真係俾亞獸醫嚇死!!

星期日落大雨，但係我地都帶左SamSam去park，橫掂都唔會有人好似我地咁癲架啦，應該唔會撞到其他狗啦呱。

點知原來，George 主人都係傻0既!

同佢地傾開，佢地話George 8 個月0既時候已經試過呢個問題，咩事都無，根本唔使困佢地，叫我地唔好擔心，仲介紹左隻藥俾我地，話3 個星期就會令到0個粒野消失(如果要佢自然消失，會係幾個月0既事!)

雖然隻藥要成$50蚊美金，我都係決定買! 皆因我見親0個粒野就會起雞皮..........

(p.s. Scotchie媽，或者你都帶阿boy去睇睇，睇下係咪同一樣野...)

Read More

回歸大草地

秋天已經到左紐約啦，SamSam 0既游水季節都要結束... 正式回歸大草地!

咬住個波幾開心!!

George 好鬼衰架，自己個波同SamSam個一樣佢都寧願放低自己0個個，'候'實SamSam 個!

Scotchie 又黎~

如果SamSam見到人地去追佢個波，佢會跑兩步就放棄，由其他狗狗(只限於佢D friend)去執!

同boyboy 都係打得好vocal，成日叫，好似好violence咁，但係其實乜事都無~

响park 又發生左一件事... 有隻狗狗唔鐘意share 野玩，咁有個人派cookies，呢隻狗同另一隻狗就想執跌左响地下0既一塊cookie，結果打起上黎。George爸之後就同我地講左句: "I am so glad our dogs share!"

都係架，我地幾隻傻狗由細玩大，點打點玩都無問題

同George 主人傾開，佢都話George 同SamSam 一樣淨係同返0個幾隻狗玩，其他狗都係聞下就走開，挑剔到爆! 唔似boyboy 個個都玩一餐，幾friendly~

Read More

唔好吠我

話說大家都知SamSam 有attention seeking 0既問題，成日都會吠我地，要我地陪佢玩。呢排出得多口罩，個情況開始有多少好轉，但係呢個細路極度無記性~

佢吠人就得，但係我隻仔越來越唔鐘意俾人吠...

試過同佢行街，行過間屋有隻惡狗0係門口係咁吠我地兩個，自此之後，SamSam就打死都唔行0個邊，一見我向0個個方向行就坐低，點扯都唔郁!!

佢最近發展到... 如果佢游緊水玩得好開心都好，有狗响水度吠0既話，佢寧願上水，遠離吠聲!

Sam媽：SamSam落水啦
SamSam: NO!

今次已經好好架啦，上次佢直頭坐响bench 後面，淨係凸個豬頭出黎望~ 笑死人!!

佢0既行為開始令到我覺得，問題需要正視，但係唔知應該點做，大家有無咩提議?

Read More

亞麻籽

今日去買萍果醋俾SamSam, 見到亞麻籽減價, 買左樽~

500mg 一粒, 90粒裝都係賣$3.97美金咋.

其實我想知呢, 500mg 一粒夠唔夠? 同埋亞麻籽實際對狗狗有乜好呢??

p.s. 呢期係咁買野, 係咁出血... 呢個星期已經買左3 對鞋, 3 件衫... 救命!!!

Read More

尋找米國夢 part 3

Sam爸一直都想要間唔使點整0既屋，寧願貴D 都好過自己搞。

Sam媽就覺得，如果間屋layout 係ok 0既，價錢又可以，要裝修都問題不大~ 而且自己仲可以按照自己喜好整，仲好啦!

0個兩間屋之後，一直都睇唔0岩。講真，邊有咁多整得靚靚又平0既屋架...

加上呢，見過間屋有個泳池之後，我地又多左樣野想要~  咁再睇0既時候呢，又難多一層...

中間都見過一間(house #3)落埋bid，又係有個泳池，但就我地兩個都覺得ok得黎又唔係話超級鐘意咁，所以最後俾人outbid 左都唔係咁唔開心。

跟住就睇左好多都唔0岩心水，直到中式大件事之後0個日(真係第二日就去，傻架!!)，我地又出動! 而且，又係一睇就睇中兩間

一間(house #4)就一層過，地方好大，價錢都top of our budget，不過我地兩個都幾鐘意。個賣家自己係agent，開頭都幾驚個價無乜得點傾。

另一間(house #5)就裝修過，地方比較細，但就好四四方方，仲有個地庫同泳池。Sam爸嫌人地唔夠開陽，Sam媽就嫌廚房細左D，之不過都好過好多我地睇過0既，價錢仲幾好添!

兩間都offer 左，兩間都有回頭，但第一間就拖耐左，到第二間差唔多傾好價0既時候，Sam爸又覺得唔係咁鐘意呢間，鐘意另外0個間多D，結果放棄左。

之後house #4，傾價0既時候比平常0既答覆慢好多，我地一路都幾擔心，連個經紀都覺得有D 野。到最後傾好價啦，我都call 埋驗屋師準備星期一驗屋，小喇叭，佢星期六同我個經紀話，唔賣啦!

原因係: 佢老公唔想賣!

大佬，你兩公婆唔係傾掂先決定賣唔賣屋0既咩??? 低能!!!!!!!

最慘係呢，我地一定要年底前買到屋，如果唔係，而家住緊呢度講明一係就簽多一年約，一係就到期即遷!

真係比0個家人玩死，waste 左我地咁多時間... 人地通常1 個星期搞掂0既野，佢搞左3 個星期不單只，仲end up 唔賣，你話激唔激死人啦!!!

我地兩個經過呢單野之後問自己，其實個天係咪唔想我地買屋呢? 我地究竟係咪唔可能搵到自己0既家呢?

Sam媽一直都有個朵: "邪神"，因為真係成日都好邪，而家邪到落買屋...

頂!!!!!!!!!!!!!!!!!

Read More

尋找米國夢 part 2

上回講到，我地又搞婚禮又睇屋，好stressful...

點解要咁趕? 因為今年第一次買屋有好多優惠，例如國家會俾$8000退稅額，另外今個月開始，紐約州自己再出多個稅務優惠添, 超正!

又因為咁，突然多左好多人買樓 (唔係話美國經濟差0既咩?!) 好多我地上網睇左，都未有機會去親自睇下，就已經被人落左訂...

呢到d 屋大多樓齡40年以上, 晌我地決定0既0個個區, 基本上係無新樓! 就算有新，其實我個人都唔太有興趣... 皆因Sam婆婆間屋新起架，但係當年入伙第一晚，個沖涼缸D 水就由2 樓流到落地庫!!! 仲有好多零碎問題，無想過新樓會有0既，都發生左~

之前都有提過，話覺得我地好好彩，搵到個幾好0既經紀。佢真係唔錯架，唔push 得黎，又成日講D 有用0既資料俾我地聽，例如點睇個屋頂新唔新呀，basement 有無問題咁~ 咁當然佢都有經紀常有0既打電話問我地幾時得閒再睇呀咁啦...

最開始，Sam媽好想搵D 屋係近火車站0既，因為好唔鐘意開車。我個牌都有7, 8年，但係極少會開，所以技術係停留响新牌仔level。

本來個火車0既交通費已經多而家好多，再加埋，如果黎火車站遠0既，就要養多架車，開支會大好多

想還想，結果發覺火車站附近D 屋唔多得，而且治安黎講，大家都話麻麻。唯有向外圍發展~

第一次睇中0既屋，其實有兩間，我地仲同一時間落晒offer，不過... 兩間最後都係無左0既...

一間係Sam爸超鐘意0既，中國人屋主，好多新0既電器，3 房2廁。可惜，Sam媽企硬唔接受seller 個counter offer，結果係無左0既~ (間屋0既價錢加埋地稅，我地會供得好吃力，所以... )

另一間係2 房2廁，個主人房係套房，新裝修，後院有泳池! 不過我地遲人一步，只可以做backup，最後咪又係無左囉~

(待續...)

Read More

尋找米國夢 part 1

其實我都唔係好明點解晌美國買屋要叫美國夢, 不過個個都咁講, 我估係因為好多都係移民黎, 大家都希望晌呢個地方擁有自己一個家, 一間屋啦~

幾年前Sam公公婆婆就買左間好細0既屋晌史島, 無yard, 唔使打理前後院, 都ok 啦.

一直都以為以後都會住史島, 但係因為Sam爸工作關係, 島就島, 我地搬左入Queens, 係近左長島... 一個東一個西~ 來回開車都接近成個鐘...

搬左出史島, 多左個傻Sam, 買屋有後院0既想法日漸成形, 希望有自己0既地方, 想點就點, 唔使擔心俾人complain!

5, 6 月左右, 開始左睇屋. 本來想晌SamSam玩開個park 附近0既, 但係睇過幾間, 完全唔掂, 又貴又爛......

跟住就睇長島屋, 但都查實幾risky, 我地兩個都唔熟悉地區, 盲中中走去睇下人地d open house, 再睇埋地區. 結果, 最後決定就Sam爸, 晌佢公司附近0個區~

不過一路攪兩個婚禮, 一路搵屋, 好stressful~

好彩某次去open house, 同個agent 好好傾之餘, 覺得佢好好人, 之後就一直搵佢幫手啦.

(待續...)

Read More

玩具定枕頭?

好少見SamSam枕枕頭, 又唔係咁tired, 點解突然間枕0既?

好似真係好舒服wor~

使唔使咁霖呀?

Read More