唱 K!
K 完大概6 點到, 繼續我地0既行程, 去流浮山食海鮮!!
坐上MTR先發現, 完來係冇人知點去....
結果, 坐MTR去元朗站, 再坐綠的!
第一次坐綠的, 同司機講去流浮山, 司機就問, 去食海鮮0個度呀?
係丫!!!!!!!!!!!!!!!!
大概60蚊左右就到啦~
咁靜0既? 我地黎錯地方??
結果幾條水魚行左兩轉, 決定揀明星效應0既酒樓, 應該冇死啦呱?!
行行下, 見到有檔野有好幾個人圍住揀野, 4 條友你眼望我眼, 就呢間啦, 有人揀野即係掂啦!?!
揀完一輪, 個亞姐話, 你地揀左酒樓未呀? 介紹你去XXX啦!
好呀~
坐低發現, 原來正係我地之前決定去0既"明星"店 (門口有滔滔定唔知蔡生到此一遊相)
呢餐真係拍爛手掌~
超鮮甜白綽基圍蝦
啖啖彈口椒鹽賴尿蝦
無沙兼好味0既豉椒聖子
薑蔥鮑魚仔, 好味到癲...
呢個係全餐最掂, 粉絲蒸扇貝, 為左佢d 鮮味汁, 一人叫左碗飯黎撈汁!!!
蟹~ 唔係大閘都咁多膏, 事前一d 都估唔到
食完埋單1200港紙!
其實真係好平架啦, 不過張單到見佢橙都收$, 唔開心囉~ 米國係免費送架!
上年Sam媽晌鯉魚門食個餐, 又貴又唔得, 呢餐真係無得彈!!!
不過其實呢次入黎係因為聽到人話呢度有即開海膽食, 點知..... 係冇囉
出返大路, 見到有Van仔去天水圍站, 位位5 蚊!
如果之前知就唔使坐的士啦~
未有十成飽, 出旺角~
朗豪坊d 燈幾靚wor!
費事周圍行, 滿記食甜品啦!
芒果pancake, Sam爸話好一般
一人一碗~
上左: 西瓜涼粉, 兔話ok, Sam媽食過, 覺得幾好
上右: 芝麻豆腐, 糖話唔得
下左: 杏仁湯圓, 個湯圓可以, 杏仁唔得
下右: 芒果涼粉, Sam爸話, 涼粉好硬, 芒果唔甜, 完全唔掂
超滿足的一日~
發表文章
嘩..你地一日都去左好多地方呀!~~~
回覆刪除aiya i should go eat with u la, i live in tin shui wai ji ma...but i used to go to sai kung to eat seafood... ;)
回覆刪除[版主回覆12/08/2008 22:29:00]i thought u said u live in ching yee???
我都好鍾意食聖子，可惜我地哩邊唔多見有。
回覆刪除[版主回覆12/08/2008 07:54:00]ny 都係好少, 好彩0既有時會晌d 酒樓食到
你再嚟香港時,我哋一齊去食"橋底辣蟹"吖!!
回覆刪除[版主回覆12/08/2008 22:29:00]邊度有得食呀??
攪錯呀......來元朗都唔通知聲.......我帶你去流浮山嗎.......不過要你請.........
回覆刪除[版主回覆12/09/2008 01:58:00]車，你都無講過你住邊!
咁出名你都唔知??
回覆刪除http://www.hkwm.com/underspicy.htm
你去睇下個重點推介啦!!
[版主回覆12/09/2008 03:46:00]真係未聽過wor....
睇到我流哂口水呀
回覆刪除香港食海鮮, 真係無得彈.
回覆刪除食甜品, 去西環源記丫嘛, 仲ok架.