SamSam變左?

自從SamSam响寄養返黎之後，Sam媽覺得佢有D 唔同左...

星期二晚，Sam爸响樓下接返傻Sam，Sam媽煮飯，但係都有响個窗度裝下...

傻Sam見到Sam爸好興奮，係咁想撲，不過寄養Mom扯住佢要佢Sit。呢個係寄養家庭加分位，起碼我知道佢地會教狗先！

Sam爸同Sam豬行左個圈pee埋先返上樓，Sam豬見到Sam媽係咁fing尾，不過又唔係勁興奮0個種~

唔知係咪玩左4 日太累，成晚佢都好似唔想郁咁!

星期三朝早起身，SamSam無再好似以前咁fing尾走黎我面前，淨係攤左响佢張地毯度望望我就算。我行埋去，佢都無多理我。我摸佢，佢先fing尾望我...
阿仔，你在怪媽咪呀??

放工返屋企，Sam豬又係一pat 野咁攤响個籠度... 想點呀?

好彩帶佢出去玩，佢都仲肯跑，如果唔係我會以為佢病病!

不過呢兩日成日都見到傻Sam呆呆地，目光好似無焦點咁，究竟佢係未累完，定係唔開心呢?

仲有一個問題... 帶SamSam出街，條友仔好似唔記得點行咁，勁扯繩, 衰過之前!!!
好難想像3個星期以後佢仲會記得D咩...