米國要死了嗎?

Breaking New – 7千億美元的救市方案胎死腹中!

個市跌左700 點，米國要死了嗎?

呢檀野真係估佢唔到，個個大安旨意國會會批，而家大X穫!

好彩手頭無閒錢投資，如果無係真係跳樓都無掂~

唉，而家最緊要係保住份工...

Read More

有人俾人罰!

衰仔成日跳起咬人丫拿!

Time Out + 戴口罩~
 

唔係話金毛好聰明0既咩, 俾人罰咁多次都學唔識?!

Read More

SamSam 小時候 - 飲水篇 (video)

SamSam 細個飲水樽, 成日都聽到佢飲好耐

有次晌佢飲左成分鐘之後先拍片, 佢都繼續左成30 秒

可以入健力士嗎?

Read More

第一次落雨行街

次次落雨Sam媽都可以捱到好細雨又或者無晒雨先出去，今早趕時間，變相係第一次落狗C 帶SamSam出去。

3個字，喱咁HEA~

喱咁HEA~ 同佢著雨衣... 咬咬咬!!!

喱咁HEA~ 一手擔傘一手拖佢... 扯扯扯!!!

喱咁HEA~ 返到屋企, 一邊除雨衣一邊No, 再一邊控制佢唔好四圍走... 跳跳跳!!!

幾經辛苦，好艱難先令佢坐定影張相

尋晚已經落狗C，搞到無得行街，今朝又無得行，SamSam D energy 爆燈，發晒癲

仲有幾日雨，如果今晚佢再無得行街我就死梗!!!

Read More

地鐵驚魂, 好驚~

Sam媽日日都坐個幾鐘地鐵返工放工, 平時坐車唔係訓覺就係睇電視劇去打發時間

今日發生左一單好得人驚0既事........

部車好多人, 逼到撞醒左我幾次

訓訓下, 突然有人好大力咁踢左我一腳, 即刻醒晒, 點知一開眼...

撞我0個個人, 晌我面前砰一聲跌低, 抽搐左兩下, 嘔左一大灘血出黎, 再不醒人事!

好驚呀, 嚇到大家散開, 我就成個彈起, 我驚人血架
(叫做叻左架啦, 冇尖叫)

部車又咁0岩停站, 我嚇到澎澎聲行出車廂, 有人就去搵車長

轉頭, 30秒到我行返入去睇下個人點啦, d 人話0個個人起返身走埋!

咁即係點呀????

最後車長黎睇過, 因為驚d 血唔知會有冇野, 所以赶晒d 人去第個車卡,  繼續運行...

Sam爸話好彩個人唔係仆落我度, 嘔落我身, 唔係我實係下一個暈低!!!

但係我而家都仲驚緊.........................................

Read More

迷?

唔知點解，同SamSam行街行到某D 個位，佢聞聞下就會突然好似四腳無力，側身'噼啪'一聲倒地，四腳朝天，跟住好high 咁响個地度喪典幾下，然後又起返身繼續行... 萬試萬靈!

而家我盡量都會避開0個D 位，費事隻仔索得多更加癲!!

聽某個狗主話，佢隻狗响同一個位，都係會咁...

究竟點解呢?

究竟係D 咩味令到佢地有D 咁0既反應呢?

點樣先可以解開呢個... 迷?

Read More

大長征

為求有安樂日子過，Sam媽增加左SamSam0既行街路程，結果Sam媽自己都行到死狗咁...

以下係新增後之路線圖... 行走時間大概係1個鐘~

呢個係上次Sam爸0既路線圖 (詳情請參閱你嘈夠未呀!! PART II)

基本上Sam媽加左0既果段係大斜坡，一於行死人 + 行死狗!


p.s. 平時係行一半路程架咋
p.p.s. 夜晚臨訓前再行多次一半路程，死未?!
p.p.p.s. Sam媽真係好累呀~~~~~~~~~~~~~~~~~~~~~~~

Read More

阿叔睇住呀

中秋去左費城做野, 晌街到見到呢位亞叔...

佢d 坐法真係'冇得頂'...不得不偷拍佢一下~

Read More

買到啦買到啦~

搵左好耐, 終於買到牛肝啦!

晌唐人街搵黎搵去都淨係得豬內臟, 但係竟然俾我晌鬼佬超市見到有!

即刻焗俾隻豬... 佢超鍾意, 鍾意到口震~

Read More

SamSam&床床

SamSam由細都唔訓床~

床, 對於佢黎講係一件玩具, 又或者係一個洩慾工具?!

Read More

第一次發惡

平時SamSam幾曳都好，佢都無會growl，不過尋日，對住Sam媽第一次growl。

個情況係，帶佢落街，佢突然間係咁跳起咬手，咁咪好似平時咁choke 佢No 佢囉。

結果，佢越choke越咬得利害，越跳得勁...

突然... 佢growl, 對住Sam媽出牙!

果一刻，Sam媽好想喊，點解教左咁耐，日日訓練，對佢咁好，事事以佢為先，佢都會咁?

係咪我唔識教?

係咪我用錯方法?

係咪我... 跟本唔應該養狗??

Read More

Sam Cheung你想死呀?!!!!!!!!!!

食完飯, 裝好飯盒, 冇kam 實個盒, Sam爸Sam媽又坐左晌廳睇電視...

突然間唔見左隻仔一輪, Sam爸行入廚房, 發覺隻衰b 晌度偷野食!

偷乜? Sam媽個飯盒!!!!!!!!!!!!!

成盒南瓜唔見晒.........................

個口仲擔住隻雞脾!

Sam Cheung 你係咪想死呀???????????????!!!!!!!!!!!

Read More

The Famous Sam

唔知係咪附近無金毛，再加上SamSam一見到人就狂fing尾呢，好多人都認得佢同知佢叫Sam。

早兩晚仲好笑，有個女仔坐响部車到停响路邊。我帶SamSam 行過，個女仔突然好開心咁對住我地叫Hi Sammy, Hello Sammy... 我定左定，笑一笑就帶傻Sam走...

好多時D 人叫佢，我都唔認得0個D 人，惟有陪笑say hello。

但係隻仔係成日都好興奮想撲人，我勁拉住佢都好啦，D 人都會走埋黎摸佢...
我話唔好，D 人就會話無相干，唔緊要...

而家唔係你唔介意就OK，我好介意你搞到我教唔到狗!!

衰Sam仲要係你無人理過佢，佢就會一路行得好好。一見過其他人同狗佢就會發癲係咁跳，係咁跳高咬我隻手...

你地放過我啦

Read More

可憐的...

可憐的...主角係Sam爸!

事關Sam媽又去左做野，無返屋企。Sam爸星期六又去左返工...

結果, 當Sam爸放工返到屋企，發現... SamSam瀬左臭臭!!

SamSam第一次!

但係無得怪佢，因為佢個肚肚唔舒服左成個星期。而呢個星期一直佢都可以忍到，又食住藥...

不過Sam爸帶佢去睇醫生0既時候，佢好唔聽話，激到Sam爸生蝦咁跳~

可憐的Sam爸次次都係Sam媽唔响度，隻豬就會整單傑野佢歎

p.s. 今次睇醫生好貴，成250美金!!! 因為醫生開左隻特別糧...

Read More

扮野狗!!!

我發覺SamSam係好識扮野的...

每晚我地都會赶佢返走廊訓, 因為佢仲未可以自遊行, 會整爛野!

而佢呢, 通常就會扮野: 扮聽唔明, 扮訓, 扮睇你唔到, 聽你唔到

今晚發現, 佢又上左一個層次...

我晌度執野, 佢晌度攪自己張床(床佢係要黎玩, 唔訓架), 仲係好興奮0個隻!

望下個鐘都11 點幾, 我咪入房放好d 衫, 準備沖涼啦~

佢聽到開/關門聲, 即刻劈啪一聲訓低, 意思係: 媽咪我訓左啦, 唔好過黎攪我~

動作極度快速同俐落~

0個下好想大笑出黎

Read More

新的訓練

一直都係用Food-Reward Training 辦法去訓練SamSam，上星期好人叔叔介紹左個免費training program，星期日帶左SamSam去...

聽說呢個program已經好多年，起碼有13年。免費係因為有間Dog Training 學校個校長為左俾佢D 學生有多D 真正對狗的經驗，同時又可以幫到社區咁成立0既。除左校長之外，佢D 學生同Staff 都會到，所以隻隻狗狗都會有人留意到同work on。

基本上佢地係用chock chain 去訓練，完全唔用野食。

初初SamSam唔肯行，個trainer 行埋黎，大力扯起佢。望到Sam媽Sam爸眼都凸埋... 心痛~ 好似好慘咁~~

但係當睇到之後SamSam真係有進步，又覺得...其實都OK丫...

人地練習中，遠處的張家... 幾唔專心! hahaha~ 見唔見到我地呀?? heeeeee

到Sam媽同SamSam表演啦... Sam媽好似‘男女男’左成村人咁!
SamSam行得幾好!

Sam媽同隔黎隻Pit Bull媽咪傾計! Pit Bull 係隻Rescue 黎，好慘架，俾人切左半條利... (D 賤人有心咁做架!)

仲經過好多慘無人道的經歷~ Pit Bull 仔仲選擇相信人類!! 佢媽咪又咁有愛心救左佢~ 讚!!!!!

其實Sam媽個心都仲係十五十六，唔知好唔好繼續俾SamSam 用呢種方法訓練......

Read More

夾到尾尾...

Sam媽抵打!!!

SamSam肚痛, Sam媽拿拿淋帶SamSam出去.

電梯有人, 咪拉住隻仔囉, 點知就咁就出事...

SamSam 條尾尾俾個"lip"夾住左!!!

慘叫~~~~~~~~~~~~~~~~~~~~~~~~~~~

Sam媽六神無主, "lip"入面個叔叔即刻按下一層停, Sam尾先收得返....

SamSam 嚇到夾住尾尾...

Sam媽呢... 一出"lip" 先醒, 攬住隻仔喊

SamSam, 對唔住呀..............................................

Read More