07日本遊 - 第一日, part 2

終於到左札幌啦, 响新千歲機場坐火車去札幌站...

我張車飛

到站!

間酒店話响南站wor, 個牌得東同西, 即係點先?

搞左一大輪, 終於知道邊度出, 但係原來要行幾遠, 拖住兩個行李, 又肚餓, 感覺好悽涼

到酒店check in, 好好service!
有個哥哥見到我地, 一支箭咁標出來幫我地拎行李, 等我地搞好晒再送我地上房, 大和人真有禮貌!

好肚餓，問哥哥附近咁夜，邊度仲有野食，佢介紹左呢間一國堂

細細間, 仲有好多人食野wor...

睇下食乜先...

第一次食糖心蛋, 好好味呀!
D 叉燒仲好肥美........

點解餃子都好食D?

食飽散步返酒店, 一國堂隔離幅牆, 幾得意呀~

咦, 呢度有間立吞wor, 不過到走都無試

酒店對面有間7 仔, 入去8 下先....
Mask 好平wor, 我個樣咁殘, 係時候補下!

之前太肚餓, 未睇清間房, 四圍望下先
都好大下, 唔係初初擔心咁細!

我好care 廁所, 第一時間望下咩樣!

好乾淨仲好齊全, 唔錯唔錯

累得要死, 拿拿聲沖涼訓覺!!!

(後記: 差唔多成年先出遊記, Sam爸仲睇死我寫唔晒...盡力啦~ )
(後後記: 呢間酒店叫京王, 自由行package內包的)