2008年8月31日星期日

07 日本遊 – day 2 (札幌 – 小樽 – 札幌) part 3 (完)

凌晨12:37:00 2007日本之旅 3 comments

行到天黑 (其實當時只係 4 點鬆 d), 到小樽運河喇

真係幾靚, 好想去多次睇俾白雪覆蓋住0既小樽運河

Sam爸 sam 媽幸福合照 (獨身者慎入

)

..
..
..

..
..

..

..
..
..
..
..
..
..

擾攘完一輪, 當然係醫肚時間

0黎得小樽, 當然係去壽司通搵將太的壽司食啦 (宅男上身)

我地揀0左旭壽司,
其實0係日本,揀到一間油麻地壽司店0既機會率同0係 NY 想搵間好食0既壽司店一樣, 都係難

Sam 爸0既蟹飯

Sam 媽0既壽司 set

Yum yum~~

食飽又番歸, 準備聽日
check out 出發去函館 (sam 爸好緊張, 成晚無覺好訓)

欲知 sam 爸為咩而緊張,
請看下回分解, 篤撐

今日出血報告 (由於睇見都心0翕, 所以今晚係唯一一晚有影出血報告)

迷之聲 “咁叫出血, 唔係0下 fa?”

其實 sam 爸同sam 媽都係麻麻地 shopping, 真係唔 sale 到花園街咁0既價位, 我地都唔會出手,
我地d 錢都係俾我地食晒落肚多, wakaka

07 日本遊 – day 2 (札幌 – 小樽 – 札幌) part 2

晚上11:58:00 2007日本之旅 1 comment

初時以為位車主好鐘意tamama, 後來先知個 sign 係代表駕駛者係初心者, 即係香港渣電單車要掛 P 牌一樣道理

到喇

蒸汽鐘

破財0既地方, 不過無可否認入面d 0野係真係幾靚

暗暗0既燈光, 各種音樂盒發出0既音樂聲加上水晶玻璃0既反光, 真係俾人一種好夢幻既感覺, 好想買番幾個音樂盒番屋企

美中不足0既, 應該係一團又一團0既遊客, 加上你一句我一句0既喧嘩聲, 硬生生咁將你由夢幻之中扯番番0黎現實入面

好想買呢 set 0野, 不過太貴喇, 0岩0岩駛0左一大筆錢(之後有講點解, 繼續睇 07日本遊就知), 所以都係算啦

基本上, 我地0係北海道0既行程, d 姐姐全部都係短裙仔, 我地兩個就全程攬住件 down 做人, 真係唔怪得我地俾人叫東亞病夫咯

More 小樽景

行行0下都要搵0野食

一隻係燒帶子, 一隻係燒北極貝

又係味皇上身“好好味呀~~~~”

完全無喳0既粟米, 又係甜到無朋友

哈蜜瓜味軟雪糕, 香, 軟, 滑

Oh no, 我諗我要換 keyboard, 好多口水呀

(又要待續.......)

07 日本遊 – day 2 (札幌 – 小樽 – 札幌) part 1

晚上10:46:00 2007日本之旅 3 comments

開場白

由於以 sam 媽寫遊記0既速度, 可能寫到 2010 都未寫晒我地呢十日0既行程, 所以 sam 爸決定粉墨登場, 代筆寫幾篇。如果有 d 咩拋錯0左書包或者令人“R”晒頭0既情形出現, 就請各位讀者念在 sam 爸會考得個 E(10) 0既程度份上 (咦, 好似無0左 grade + 數字好耐, 有 d 出賣0左年齡0既秘密添), 唔好恥笑得太過厲害。

好喇, 入番正題
07年11月6號 – 星期二
如果大家有睇第一日 part 1 的話, 心水清0既讀者就會記得 sam 媽係星期日先由紐約飛到香港, 星期一就出發去日本, 所以今朝 sam 媽仍然係處於非常攰0既狀態。今日0既行程係屬於比較無咁密0既一日, 而亦係咁, 今日我地訓到成 10 點先起身, 酒店0既自助早餐都無食。

札幌京王 plaza, 其實0係札幌 JR 站0既南口西邊大約 3、4 個街口左右, 所以由個窗口望出去會見到 JR 0既路軌。

Sam 媽心諗 “仲影, 捨得行未呀?” (設計對白, 不過應該差無幾)

咁遠0黎到, 影多張先啦

今日第一站就係0黎 JR 札幌站買 Sapporo-Otaru 0既 welcome pass, 同埋第三日到第五日用0既 Hokkaido 3 days rail pass。1 day welcome pass 個 package 都好抵0下, 1500 yen, 有一張札幌市內一日 unlimited use 0既地鐵飛加一張一日之內任搭 JR line 由札幌至小樽0既 JR 飛, 最抵係在於呢兩張飛係可以分開兩日0黎用, 唔駛0係同一日用0既, 所以如果有機會0係札幌市內留一日同埋會有一日去小樽自由行0既朋友, 呢個 package 絕對係值0既。

買完都已經接近中午, 所以0係 JR 站上面0既大丸同 STELLAR PLACE 係咁意行0左一陣睇0下有咩店舖, 跟住就去0左網上受到 5 粒星推介0既 “根室花 MARU”回轉壽司店食中午。

根室係道東一個重要0既港口, 2005 年根室港卸貨量更加係北海道之冠, 可想而知佢0既漁獲會係幾咁豐富同新鮮。都未夠 12 點, 已經排緊隊, 我諗當時 sam 媽同sam 爸大概係排緊第 10 枱咁上下啦。

叫名入到去, 滿心歡喜諗住有得食, 點知係入面仲有一條隊, 再等

終於坐低, 影0下個價錢, oh no, 平過0係 NY 食成半咁滯

肥美的鰻魚

Very fluffy 同甜0既蛋 sushi

好似係 salmon

呢個 octopus 非常甜加脆, 唔會0趙到牙軟都未咬得開

Uni 係 sam 媽至愛, comment 係甜到癲

個帶子令到一向比較冷靜0既 sam 爸都突然味皇上身 “好~~~好~~~味呀~~~”

都係0個個字 – “甜”

甜蝦 – 當然係登…登…登…登 “鮮”啦

(群眾 “樣樣你都甜, 甜蝦走去鮮, 反呀??” sam 爸 “哈哈哈, 咁易俾你估到, 我就唔係食神啦”)

呢碗蟹湯, 只要 260 yen, 真係抵到無朋友

Tuna, 又係甜, 無0係 NY 食0個 d 咁一陣血味, 仲要 d 肉係爽0架

食飽飽, 埋單只要 2,517 yen, 0係 NY 可能齋隊 California roll 都要呢個價錢

食完出發去小樽

坐 airport express 去小樽, 0係網上睇到其實0係南小樽站落車會好行 d, 所以跟住照做