ET 育成記: 0Y6M

第5 到第6 個月, 好像突然所有進度加速!

換片片成日係咁碌, 打仗一樣
仲成日會抓自己只腳趾咬, 有個星期發現兩邊腳趾頭都甩皮.....

6.25
從保姆姨姨接ET 仔的時候被告知, ET 嘔咗2 次大大鑊, 全身要換之餘, 姨姨的床鋪都要!

精神還可以, 夜晚都無因為嘔過而吵要早食.

6.26 一早起身, 肚屙!

本來就約咗睇醫生, 所以直接問醫生咩事.

醫生話應該係stomach virus, 因為小朋友開始四圍摸, 又放野入口, 很容易有細菌到肚.

加上兩個大人又感冒, 中招唔出奇.

只要肯食, 大小便ok, 就不會是大問題. 只要加大益生菌分量到double, 好快就無事, 可以開始固體食物 (你無睇錯, 我之前果篇blog 已經講過)  

6.27
6:30am 就大喊要食野, 好少有!
餵足8 安士, 即刻又倒頭睡...
 
不過起身後, Sam媽發覺片片無尿!

於是一日打幾次俾保姆問有無尿, 因為如果真係仲無, 可能尿道感染, 要即刻睇醫生.
終於, 下午有啦! 放心晒~

抖咗2 日, 個肚仔無事, 6.29 就開始固體食物
   

7.5 凌晨3 點, ET 仔突然放聲大哭.

自從4 個月開始, 其實基本上晚晚都哭醒, 平時俾番奶嘴就會訓番.

點知呢晚唔得. 完全喊到停唔到, 抱住又係咁掙扎.

摸額頭, 有點熱, 即刻探熱, 101F, 發燒?!

幸好一早買咗退熱貼, 可以馬上俾佢用.

但都係好似好辛苦, 不停扭計, 於是Sam爸抱住, Sam媽就火速開車出去買退燒藥.

番到屋企, ET 仔已經訓番!
第一次照顧發燒的發爛童, 雞手鴨腳

睇情況係出牙而引起~ 幾日後見到牙仔影~
第朝起身, Sam爸同SamSam去公園, 點知, SamSam 都出事, 又爆甲流血, 又拿拿臨去睇vet.

好彩Sam公公同婆婆之前一晚入咗0黎, Sam爸Sam媽可以補眠一下~
2 個小朋友一齊有事, 真係玩死!!!

7.7 似乎猛長期又開始啦~
夜晚最後一餐, 11安士 (請拍掌!)

總之唔食夠就死都唔肯訓!
Sam媽Sam爸對於猛長期已經屬於經驗老手, 佢要食就俾佢啦  

7.10 放工到屋企, 同平時一樣, 放低ET 仔係大床

Sam媽去廁所, Sam爸就換衫
點知, 突然間, 嘭一聲, 跟住就聽到ET仔喊
Sam媽個心即刻離一離, 即刻衝出廁所...
原來Sam爸行咗出廳, ET仔碌咗落地!!!!!!!

好彩係額頭落地, 唔係後枕, Sam媽即刻攬實ET 仔, 周身摸過, 其他地方都無事

哄一下, 大概5-10 分鐘左右, ET 仔就收聲, 真乖!!

額頭紅咗一片, 之後變咗青青一塊, 之後瘀黑都無就消失咗.
BB 復原能力真利害!

7.12
突然發覺, ET 仔可以自己坐得好穩
 
買咗新floor mat, Baby Care Play Mat - Pingko Friends (Large), 韓國出品, amazon買

相比puzzle mat, 比較容易清潔 但其實因為SamSam 成日出街, 邋遢野都係會攝入到pattern, 要成日抹
以為好容易俾SamSam D 指甲劃花, so far 用咗一個月, 依然完好無缺!

而家個setting 係, 木地板上第一層係puzzle mat, 加原來的地氈, 再加新floor mat, ET 仔點跌都唔痛啦!

7.17
猛長期終於結束, 為期10日, 好誇張

完全唔明咁細個胃點可以入到咁多奶奶
6個月檢查，重量去到81 percentile， 高度仲過分，28.5 inches， 96 percentile!!

醫生超級滿意進度，同埋只要ET 仔開始用手捉得起食物放入口，就可以開始試puff，甚至食table food

呢個醫生直頭話可以有鹽同糖的食物都可以俾，唔需要另外煮俾佢。Sam媽就覺得都係等下先，大概最快9 個月先會考慮!

對於ET仔可以全程坐住做檢查，連醫生都覺得犀利

固體食物方面，ET 真係食好多，但又未至於replace 一餐，醫生意見係，俾佢，食幾多俾幾多， 唔需要控制住~

至於話ET 未識用佢建議的straw cup 飲水，醫生就話繼續俾，最終有一日佢會識。

平時如果想佢飲下水，直接俾水杯，skip sippy cup!


 ---

其他零星記事：

經常起身會見到趴住訓, as long as 透到氣, 唔理佢~
 

禮拜尾早上會俾佢睇動畫片 

雖然好多人話2 歲前唔應該睇電視, 我地一家就覺得, 睇唔係問題, 睇幾耐同睇咩先最大問題

所以現階段都係俾廣東話舊卡通佢睇, IQ 博士呀, 叮噹呀, 宮崎駿之類

實際上, 佢真正睇的時間不多, 因為開電視佢睇的時候, Sam媽會做家務, 吸塵之類, 佢對Sam媽做緊咩有興趣多D, 望到實! 

  

喜歡音樂的玩具, 但最多玩5-10分鐘 

  

發牙痕, 最鍾意咩都放入口

  

手仔開始靈敏, 經常扯咗Sam 媽條電話繩玩

 (片中花花衫, UNIQLO 減價賣1.99, D 料又靚, 買0黎俾佢做睡衣都抵! XDDDD)  

仲有就係好鍾意噗口水同喪跳!!!

Read More

ET 固體食物之旅 – 第一個月

當醫生表示, 可以為小朋友添加副食品/固體食物的時候, 代表小朋友在成長路上又進一步.

Sam媽Sam爸一向採取中庸方法, 無論自身還是教仔都一樣.

ET仔的兒科醫生一早就講過, 起碼5 個月大才會建議添加, 及提供餵食資料.

一直睇開台灣媽咪群組, 好多都4 個月就開始.

但其實最新的研究指出太早餵固體食物並不是好事.

最新研究顯示，40%的母親過早給嬰兒餵食固體食物，早於專家建議的至少四個月大。與只靠餵嬰兒母乳的人相比，使用嬰兒奶的母親，早給嬰兒餵固體食物的多出一倍，分別占24%和53%。

報告指出，許多健康問題與早吃固體食物有關，家長早給孩子餵固體食物的原因很多，有的母親認為孩子已大，吃固體食物可延長睡覺時間。

美國兒科學會(AAP)認為，嬰兒的體質在四個月大前，還沒有發育到可安全地吃固體食物，過早給他們固體食物吃，有可能罹患糖尿病、肥胖、濕疹和過敏等慢性病的危險。

提早吃食固體食物減少了吃母乳時間，AAP建議，嬰兒在六個月大前吃母乳對健康大有裨益，如降低呼吸道感染、耳部感染、腹瀉、糖尿病、肥胖和嬰兒猝死綜合症等。

剛開始的時候, 絕對唔可以強逼小朋友進食, 因為一開始, 只是要訓練吞嚥的能力, 還有練習令腸臟消化的功能

如何進食固體食物係一門學問, Sam媽一早就出動睇書睇blog研究

過早開始，腸胃道尚未發育完全，腸道細胞間的空隙較大，一旦食物沒有消化完全，分子較大的蛋白質便會穿過空隙進入身體循環當中，可能會引發十分嚴重的過敏反應

太遲開始, 可能會造成寶寶鐵質與維生素D的營養吸收缺乏, 以後也容易產生偏食或嚴重過敏問題

醫生建議, 每次試新食物都應該試4 天, 而且每次都應該在上午時間餵, 如果有敏感問題, 比較容易發現. 假如晚上餵新食物, 而小朋友又敏感的話, 睡覺後很難發現, 可能會錯失治療時機.

香港衛生署有不錯的資料:

坐的位置

• 讓寶寶坐在固定的座位上；
• 與寶寶坐在同一高度，讓大家都看到對方，方便溝通。你可以容易觀察寶寶的表情和反應，從而了解到寶寶的吞嚥情況、他拿食物或匙羹的意欲、對新食物的反應、以及他飽餓情況。面向寶寶，你亦回應他的需要，令寶寶感到受重視。

移開干擾
寶寶離電視和玩具等干擾，讓孩子專心吃，與你互動、交流。另一方面，亦避免出現因一邊進食，邊玩玩具、看電視而進食過量，或者令年紀較大的寶寶習慣只顧看電視而不吃飯、不願自己進食，依賴別人餵食。

餵食者的心理預備
家長要理解寶寶有能力判斷自己的食量，不用怕他吃得太多或太少；也別怕弄髒手腳、地面、桌面等，可先做一些預防工夫，如鋪上報紙便不怕弄髒地板。

由寶寶主導進食節奏

• 按照寶寶進食的速度來餵食；
• 當寶寶好像對食物失去興趣時，輕喚他，讓他看到食物；
• 當寶寶表現已「吃飽了」，便停止餵食。

ET仔的第一餐係Sam媽用燜燒罐煮的10 倍粥 (下圖係第一次用燜燒罐煮大人食時, 唔係ET 仔的):


10 倍粥–
1 份米: 10 份水
1. 先將米洗好, 用水浸30 分鐘左右
2. 把米放入燜燒罐, 加入滾水(要煲到好熱好滾), 大約浸過米少少, 加蓋, 搖幾下 (這個動作叫預熱), 放2-3 分鐘
3. 把水倒掉, 加入10 份水, 依然要滾水, 放4 個小時就OK

米變到好綿~~~

最後放入攪拌器打爛就可以食


第一次食固體食物, ET 仔都食咗接近10 幾匙, 成績算不錯!

帶去保姆度, 姨姨話日日都清兜, 但便便比較水, 大概腸胃還在接受新食物中

之後停咗一日就開始試其他食物

醫生其實建議一開始應該食baby oatmeal cereal (中文叫麥粉?)

但Sam媽想ET 仔第一啖固體食物係媽咪親手做, 所以食完10 倍粥就食baby cereal.
呢個牌子係睇過咁多個比較好feedback 又全線都organic!




第一個月ET 仔試過的食物包括: 紅蘿蔔, zucchini (香港稱為翠玉瓜), 菠菜, 牛油果, butternut squash (胡南瓜)

有時會就咁俾, 有時會加入baby cereal

so far ET 仔食得好好, 以上除咗butternut squash係買, 其他都係Sam媽自己整.

Baby shower 收到的這部機, 可以做bottle warmer, 蒸同攪, 3 個功能, 超級方便!


只要切好放入機器, 加水就可以蒸.

蒸完如果水太多, 倒一點, 就可以直接打蓉.

最好係, 可以一部機, 洗一次就得!!

通常Sam媽禮拜尾會做好最少一個星期的分量, 有時會做多D, 再整冰磚.

將所有食物蒸好， 打蓉， 等凍咗就可以放冰格

Sam媽買咗3 款有蓋容器：
1. Fresh Baby So Easy Baby Food and Breast Milk Trays 呢個一格大約1 安士，都OK 容易甩冰，但蓋感覺麻麻，好似蓋唔穩咁

2. Munchkin Fresh Food Freezer Cups, Colors May Vary 一個可以放2 安士， 成冰後比較難脫，反而用來入冰磚帶去保姆還不錯

3. NUK Freezer Tray 一格大約2 安士， 脫冰方面表現， 因為材料係軟膠， 算不錯！

成功變冰後，可以放入密實袋，通常放1，2個月都無問題

最好做一下記錄，知道食物種類和製作時間，方面管理～

試過整牛油果和香蕉冰磚， 唔work！

2樣都會氧化，唔建議做冰磚


其他水果，例如桃，蘋果都無問題，要食之前一晚放到雪櫃解凍就得

蔬菜的話，可以直接從冰櫃放入微波爐或者開火整熱，再擺凍

最緊要多變化同記住每試一款新事物就要3-5日，而且每次應只試一款，唔係一次幾款，否則要搵過敏源會困難

總之要多款，多試唔同味道，第一個月食得唔錯，繼續努力！！

Read More

ET 育成記: 0Y5M

第4 到第5 個月，有時靜靜望住瞓覺嘅ET，幸福感會不自覺地滲出嚟。


以前會話人成日對住BB 話"你好CUTE" 係發神經，但原來我都有今日，我都會冇啦啦望住ET話，你好得意呀！


Week 18, 突然發現, 華麗轉身, 乾脆俐落那種!

之後一日去保姆度, 提醒要小心, 居然被告知, 已經見過!

媽咪的心, 散落一地...

從來唔覺得會想做Full time mom, 但這些小事, 這些時間, 確實令人沮喪得懷疑自己從新上班的決定.


May 29, 突然間深夜4 點開始，每個小時嘈一次。早上發現，有點鼻涕和鼻塞。以為是打完針的反應...

之後幾天晚上如是，而且鼻涕和鼻塞越來越嚴重！

又因為學識翻身，從仰到趴，卻未會從趴到仰，晚上會不自覺翻身後，因為轉不回來而大喊。

雖然除了鼻涕和鼻塞，ET 仔食奶和活動能力都很好，Sam媽還是打電話問吓醫生，睇吓應唔應該帶佢睇睇。

醫生話無必要，因為唔似症狀有bother到佢，就算帶佢去睇，都唔會俾藥。只要繼續用生理鹽水洗同吸鼻，令佢透氣無咁辛苦就OK。

ET仔可能開始大個，越來越反抗吸鼻，每次都好似逼佢上邢台。就算一個人夾住，一個做吸，都個個搞到一身汗～


拖拉將近2 個禮拜，終於好返，但睡眠情況有還原基本步的感覺，每晚至少起2次。

又唔係完全醒，半夢半醒嘈，俾奶嘴就訓返。

不過Sam媽就已經俾佢嘈醒，睡眠質素直線下跌

頂唔順，試下俾葆嬰丹啦，好多人都話有幫助... 都係唔得。

唯有繼續頂硬上！


每月檢查，醫生繼續超級滿意生長指數。

高度係86 percentile，重量就80 percentile!

睇醫生前2 日有少少肚仔唔舒服，仲嘔咗3 次，又係精神同食都無問題。

基本上全家都病（感冒）！

醫生話可能係感冒引起stomache virus，問題不大，加大益生菌分量到double 就ok。
 
食幾日，然後肚仔無事就可以開始食固體食物～

雖然未開始有得食，我地都習慣食飯時間放ET 仔落high chair，俾佢習慣同台。


真係一眨眼... 由前手臂咁大嘅粉團到18磅，出世到呢刻，重咗成3倍，又話可以開始食固體。

突然覺得，時間去哪了？

---
其他零星記事：

繼續set 好個位等佢學坐，屁股尖的，不停郁！


某朝出門，Sam媽順手將奶樽放入car seat再上車。

從另一邊上車就看到呢個情景，好肚餓咩你？


ET仔識翻身後，似乎也開始‘爛訓’。

睡的時候，頭本來是在相的下方，睡醒後，變成這個狀況...


p.s. ET 仔一向用wearable blanket，呢個aden and anais 的東東超級好用，尤其怕熱的小朋友，真心推介!


 一向麻麻喜歡呢張網床的小鬼，最近開始習慣在裡面玩

終於物有所值！


從ET 3 個月左右開始，SamSam突然開始玩自閉。

只要有ET仔的地方，佢都會避開，甚至搵家中唔同角落，最慘最僻的位置趴下。叫他都不應，或會用極度幽怨的眼光望望你就算。

有一段時間，Sam媽真的好心up...

自問已經嘗試俾多D 時間理佢，但畢竟同以前唔一樣，唔再係唯一的attention。

接近2 個月後，慢慢開始好少少。

唯有努力平衡~

相反ET 仔好鍾意SamSam，就算只係見到佢行過，都會舞手動腳！

最後，今個月買咗新car seat。

因為有2 部車，成日要換來換去，極度唔方便之外，ET仔好大汗，坐infant car seat經常後枕都濕透。

於是做足功課，下手呢部 Evenflo Symphony DLX Platinum All-in-One Convertible Car Seat。

佢有幾個selling point：

1. 透氣，太空署研發的布料喎 - 用後，確實比較透氣，好熱的天氣還是會見到有汗印，但比以前好好多。

2. Bucket pockets，可以將安全帶插入旁邊的小袋固定，再放BB，咁就唔使要從BB 身後搵返個扣。

3. 超級all in one，從5磅可以坐到110磅!

總體來說，呢個car seat 好正，而家唯一唔方便就係無咗個位吊玩具!!!

Read More