尋日，個死仔Sam又走路!!!!!!!!
首先講解一下屋企附近0既環境...
如圖:
- 灰色地帶為馬路，最上面個條仲要係Parkway，多車0個隻
- 藍色為住宅區
- 紅色點為張家
- 綠色為公園
由屋企行去park，大約兩條街，好方便。
响公園0個度0既住宅並唔係間間都有圍欄，所以係絕對可以穿過人地屋企同後園就到park。
咁當然，如果真係咁穿過人間屋好缺德啦~
我地一直都行出大馬路0個邊，响公園正門入。
個所謂公園，其實只係一大片空地，有時會有小朋友玩，有人跑下步咁0既地方。沒有圍欄~
最近SamSam都有個好差0既習慣，就係佢會玩玩下波，自己擔住個波走左去。
有pattern架，大約玩15分鐘左右，喘氣得利害就會自己走左去。
佢通常都只是遊蕩一下，不肯回我們身邊而已。
我都已經好醒目，知道佢會有走路0既可能性，呢幾日都佢一執番個波番0黎就喪讚同捉佢collar。
直到尋日...
咁我都已經準備椗最後一次就番屋企架啦，佢執番個波之後，徑直响某間屋0既後園穿過，過埋馬路番屋企!!!!! (都唔知道佢點會識得咁樣番去...)
我嚇到痴左腺....... 大佬，有馬路，有車架!! 差D 暈低~
又唔敢勁跑追過去，驚佢見我追會跑得更遠 (以前試過)...
一直响後邊跟住佢，見佢係番屋企，都無咁驚。
但番到屋企門口，叫佢入去，佢又唔入囉。
叫埋Sam爸出來捉佢，個死仔又走去隔離屋個yard 度避我地!!!
搞左一大輪先捉得番佢!!!
好想打死個衰仔
發表文章
Sam Ma,
回覆刪除好在 Sam Sam 冇事, thanks God !
你一定要俾 Sam Sam 知道, 咁做係唔啱, 如果唔係 - 可能會有下次 . . .
我明白你嗰種又驚 (擔心有危險), 又嬲 (走佬唔聽話)嘅心情. 如果 Sonic 咁做, 佢嘅下場只會 . . .
[版主回覆06/24/2010 23:35:00]我好唔贊成打狗，但0個刻真係好想打爆佢pat pat!!! 而家都唔知可以點做啦
我諗 samsam 知會捱鬧所以唔敢返屋企....
回覆刪除我 lala 都有走佬癮架...所以我唔會放繩架....
嚇親事小....如果佢地真係唔好彩整親就會好內疚....
[版主回覆06/24/2010 23:50:00]唔放佢跑呢，佢响屋企會好癲... 左右做人難!!
做乜走佬呀佢? 玩到太攰?
回覆刪除[版主回覆06/25/2010 03:41:00]曳囉! 曳到無人有0個隻!!!
如samsam走了去.....可否用零食引回你身邊?
回覆刪除[版主回覆06/25/2010 23:01:00]以前得，而家唔得
有無train 佢stay 呀 , 其他嘢可以唔教 , 呢樣好緊要, 一定要教到識為止呀
回覆刪除有咩時要佢坐定定直止你地捉返佢為止
[版主回覆06/25/2010 23:02:00]所有command 佢都識，做唔做係拎一回事。在外邊更加成日都借左聾耳陳隻耳!
嘩，SamSam同我個仔一樣， 所有command 佢都識，做唔做係拎一回事。在外邊更加成日都借左聾耳陳隻耳! 所以，我唔敢放佢，你知啦，香港多車多馬路！
回覆刪除你唯有試下將同佢散步的時間拉長，等佢累，咁佢番到屋企，就應該會唔點郁！
[版主回覆06/26/2010 01:39:00]齋散步佢唔夠架
Sam Sam 做乜咁曳曳呀 可唔可以改喺後花園同佢玩拋波，出街就一定帶 collar
回覆刪除[版主回覆06/27/2010 11:52:00]back yard 都有玩，不過唔算好大嘛~ collar 一定有，係放左繩
真係比佢嚇一嚇，死好多細胞，我早兩日先領教過，嚇到我呢 Sam Sam係咪越叫越走個隻？
回覆刪除[版主回覆07/01/2010 22:32:00]你Charlie 走路呀????? 係呀，越叫越走，想打死佢!!!!!!!
看來 SAM SAM 是有點反叛 . 是否你們旅行回來, 他比前心野了, 有點像在發洩呢 !
回覆刪除要當時立刻教, 否則便越來越玩嘢 ! 再帶他到公園, 但要嚴厲對待.
ALL THE BEST!