結果星期五交唔到，話星期六一定可以。
本來準備約裝修師傅睇下0既，咁唯有cancel啦。
星期六，又打黎話唔得!!!
再推遲到星期日...
好啦，到左星期日，中午時分都未有電話黎。我地都打定輸數...
點知3點幾個agent 打黎話，佢地可以7點鐘交鑰匙，問我地得唔得。
得!!
本來响街，都拿拿臨返屋企帶埋SamSam一齊去，費事唔知搞到幾點，佢一個响屋企好慘!
約好7 點，不過我地少少塞車，差唔多7點3 先到附近。
仲有一個街口左右，agent 再打黎，話個賣家想留多晚得唔得。
傻架? 唔得你又叫我入黎????
我地話已經响附近，到左先再講。
去到間屋，佢地仲搬緊，個agent 話因為賣家話女人之家夜媽媽揸車比較危險，所以希望我地可以俾佢地住多一晚。
Sam媽係衰人，一口拒絕左，佢地已經拖左我地幾日，如果佢响我地入黎之前話唔得我都會算，但係我已經滿心歡喜踩行油入黎，跟住你一盆冷水潑過黎? NO WAY!
佢地都明白，咁就繼續搬野。其實佢地都剩返唔係好多野要搬...
8點幾，佢地都七七八八，Sam爸同agent 就入去final walk，Sam媽就同Sam豬留响車度，等佢地搞掂晒先帶傻仔入去。
期間，賣家想將佢兩隻狗放埋同一架車度... 點知兩隻野打交!
佢地其實有兩架車，我估佢地最後應該係一狗一車啦...
正式交吉後，我帶埋SamSam入屋。
入到去，個傻仔勁聞，等個agent 走左，於是我放繩俾佢。
嘩，一放繩，甩繩馬騮!!
成個場巡左幾圈，係咁跑，係咁聞，笑死人!!!
SamSam: 我好快有大屋住啦!! 好開心呀~~~~~~~~
發表文章
samsam鐘意間新屋就好啦!當然要拒絶,唔點幾時才交到key喎.
回覆刪除[版主回覆12/01/2009 22:13:00]係啦，最憎等!
恭喜哂呀 ... 蛋撻: samsam你就好啦 .. 有大屋住 .. 又有大草地俾你跑 ...真係羨慕死狗啦 ...
回覆刪除[版主回覆12/01/2009 22:14:00]SamSam: 撻撻，你過黎玩啦，最多我俾張狗床你訓！
congrats!!! next time I will come to visit!
回覆刪除[版主回覆12/01/2009 22:14:00]if u wanna drive in, sure!
samsam一定好鍾意間屋喇, 佢個樣好開心呀!
回覆刪除[版主回覆12/01/2009 22:15:00]張相其實唔係响新屋影架
恭喜哂 ! 榮升業主 ! SAMSAM 一定好開心 !
回覆刪除前屋主如此拖法, 是根本無可能發生的事 !
ANYWAY, 幾時入伙大吉 ?
[版主回覆12/01/2009 22:15:00]多謝!! 要裝修，希望可以快D 入伙啦~
samsam好似好鐘意新屋呀!!! 笑得好開心~
回覆刪除[版主回覆12/01/2009 22:15:00]傻狗一隻~ hahahaha
真係恭喜哂！總算穩定咗，買屋係除咗結婚外另一樣大事！
回覆刪除[版主回覆12/01/2009 22:16:00]今年真係一次過做晒D 人生大事，好累.................
個prior owner傻架?玩野咩 仲有裝修bor,繼續努力呀!
回覆刪除[版主回覆12/01/2009 22:54:00]裝修先係最頭痛0個part
恭喜晒！睇黎Sam豬好似知道自己有新屋住咁喎...
回覆刪除[版主回覆12/01/2009 23:50:00]多謝!! 佢好醒架，人黎架嘛，點會唔知呀~~~
Sam Sam咁興奮呀？當然啦，要聞清楚 ，揀定個位做佢個兜呀!
回覆刪除恭喜你的米國夢成真~ 賣家又會咁 last minute 先搬走嘅...?
回覆刪除