2009年3月9日 星期一

你咁想游水咩

我地去開0既Park有好幾個小湖,冬天結晒冰,睇就幾靚~

唔知有咩魔力,SamSam成日都會走落去行上D 冰度。我就梗係勁驚D 冰唔實,跌鬼左個傻仔落去啦~

上兩個禮拜佢又自己走左落去,我同Sam爸講,個天開始回暖,D 冰溶左呢,SamSam應該會叫唔返上黎,夏天行都唔知點算!

真係話口未完,今個禮拜個死仔就衝左落去!!!!!
http://s291.photobucket.com/albums/ll281/samchu_photo/icon/th_170748597.gif


本來同George 一家行緊,Sam媽已經醒目唔行以前D 路線,點知Sam豬咁醒,自己搵路落左去...

個湖其實唔深,不過一pat pat 黑色淤泥,臭到癲
http://s291.photobucket.com/albums/ll281/samchu_photo/icon/th_170748785.gif


Sam都係响個湖邊玩下水,但係已經嚇死左我地,Sam爸仲要想落去dik 返隻仔上黎... 個湖邊其實好斜,我望住佢兩個,真係心血少D 都嚇死左
http://s291.photobucket.com/albums/ll281/samchu_photo/icon/th_170748220.gif


George 一家勁叫住George 之餘,都幫我地嘗試叫返Sam豬返上黎~

結果Sam媽出絕招!

Bye Sam!!!!!!!!!! 講完就望都唔望佢,走~
http://s291.photobucket.com/albums/ll281/samchu_photo/icon/th_170748890.gif


Sam豬由細都好驚我地放低佢(又唔係領養返黎,都唔知點解會咁,癡身到爆~)

砰砰聲返上黎...

望住佢成個下半身黑卒卒,真係又好嬲又好笑
http://i291.photobucket.com/albums/ll281/samchu_photo/icon/170748108.gif?t=1236607920


係時候要搵過條Trial 可以避開D 湖啦... 唉~~~

Related Posts:

  • 傻Sam跳欄响Scotchie 度偷返黎... 笑死成班人~ (連字都懶打,照字搬紙!) 輪到Scotchie同Sam兩位選手一齊跳… Read More
  • Sam豬小時候 - BB 篇SamSam生日, 驚覺時間真係過得好快...帶Sam返屋企0個日, 用個盒仔就裝得住, 成程車冇叫過返屋企第一日, 訓左晌廁所張地氈度好耐好耐都冇見過0既乳豬全體~BB 仔0個陣真係好乖~ 而家? 第一次去獸醫間診所, 傻仔勁驚細細粒, 可以訓coffee table 底...… Read More
  • 腳腳無野呀嘛?尋晚walk 狗,驚見傻Sam行行下右邊隻後腳抬起,淨係用其他3隻腳行...Sam爸早上已經講過見到呢個情況,但係Sam媽第一次見,好得人驚........佢當時0既情況大概係突然間好似抽筋咁,係咁縮隻腳,跟住就3 隻腳行,行到跛跛下咁~嚇到Sam媽拿拿臨唔再同佢行,砰砰聲返屋企返到入室內佢有乜事都… Read More
  • 生日快樂, Sam第一個生日Sam同我地過0既第一個生日~ 買咁多禮物俾你都苦口苦面做乜丫?Sam: 你顧住影相都唔係俾我玩, 點開心...合作d, 笑下啦, 話晒你生日呀, 乖~自己整0既生日蛋糕, 醜就醜d, 心意搭救Sam: 又影? 俾我食啦.............黎啦, 食啦!我咬!咬咬咬!唔知係咪Sam媽功夫未到家… Read More
  • 雪之子今日係Sam一歲生日, 咁橋今日有假放 (Martin Luther King Day)一早又帶佢去Park又落左幾寸雪...Sam豬勁鍾意雪, 傻樣, 幾開心~一黎就見到Ginger, 講緊咩悄悄話呀?凈係見到George, 亞boy 無黎... 呢隻新黎0既狗狗好煩, 成日想un 佢兩個, 佢地… Read More

0 comments:

張貼留言

Comments


My Blog List

Followers