手停不了

Sam爸進入Busy Season，開始十點以後先返到屋企，星期六都係咁，我估下星期開始，應該12點左右先返到黎。再遲D，會凌晨3、4點... 一直捱到4月15之後~

同時，Sam媽又都進入手唔停0既日子。

平日Schedule 大概係咁:

放工馬上撲返屋企，好彩0既6點半前返到去。响雪櫃拎晒D 要煮0既野出黎，換衫帶Sam豬出去。行一個大圈，大概20、25分鐘，跟住去區內個park仔椗下野，玩下laser pointer。7點半到就返上樓，但係如果見到樓上都柏文就會玩耐D (一個星期最多見一兩次)。返到上去，抹乾淨D 手腳，command train 5-10分鐘先等佢calm down返。

之後就turbo手煮飯~ 雖然夜晚得一個人自己食，但係要煮埋第二日兩個人帶0既飯餸，所以起碼要搞45分鐘。又，好多時會加料俾Sam豬，煮飯時間更長。咁我煮飯0既時間，Sam豬都算乖，通常都自己訓，最多聞到味走入黎八下，我通常都踢返佢出去~

一個人開飯，唔食得幾多，20分鐘就搞掂(通常Sam爸busy season之後Sam媽係會輕減左~ ) 食完就開飯俾Sam豬，我就收拾餐桌，pack lunch。

Sam豬食飽就會開始搞搞陣，呢個時候就會同佢玩陣搶繩，5-10分鐘佢就會悶，走左去。餘下0既時間就係用唔同0既玩具撩佢玩...

10點咁上下就又帶佢出去行，30分鐘左右。上樓後就洗碗，清潔，掃地。Sam豬就唔係走去望街就搞自己張床。

搞掂晒就坐低陪佢咬骨骨，好彩0既佢就俾我上下網，唔好彩0既佢就响度搞搞陣，吠下你撲下你... 佢呢D 情況通常都會end up俾人time out

一晚大概佢會俾人time out 4-5次~

11點如果Sam爸返到黎就會係咁意陪佢玩陣玩具，太累0既話就唔理佢係咪仲精力旺盛，照沖涼訓覺~

一日24小時，我估我可以見到Sam爸0既時間係大概2 個小時...

咁樣0既生活仲要捱一個月...