狂食一周~

上個星期真係食到開晒"項"~

最慘係Sam爸，第一個星期開始佢0既游水大計，因為不停0既食食食，結果簡直係負數!

首先，响屋企附近0既韓國supermarket 買左包勁肥Pork Belly...

grill 兩野再加韓式sauce，搞掂!

其實搬左呢度之後，最近買亞洲野就係呢間韓國超市，所以變相食多好多韓國野! 亦因為佢有勁平海膽，加埋今次0既pork belly，膽固醇爆燈指日可待~

某日，因為公司有人帶墨西哥飯，Sam媽俾0個個人撩起條筋，又發癲要食墨西哥野~

夜晚去左Grand Lux Cafe食好鐘意0既Asian Nacho!

飽到主菜都食唔到，但又死都要食甜品...

星期五晚，好耐無同班朋友食飯，又去左食韓國All-you-can-eat BBQ buffet...

星期日，同好耐無出過Manhattan 0既"鄉下仔" - Sam爸出左city，食佢好耐都無食過0既迴轉壽司。

不過戰跡麻麻啦~

因為之前再食左個好耐都無食0既Takoyaki!

p.s. 再上個星期影0個D 相呢(Hanami 2010)，好慘呀

個個都問我係咪肥左囉... 度度唔肥，先肥塊面再到個腩位... 肥師奶上身

唔信邪，尋晚上磅，真係肥左呀......... (無言)

Read More

[轉載] 狗狗急救大法

見到呢篇野，我覺得大家都應該要知道一D 急救0既方法，如果咁唔好彩，家中狗狗有D 咩事都唔會“拿手唔成世”!


Pet Book
教你狗狗急救大法
2010年04月21日
(轉載自"交易通" 952期)

意外唔止發生喺我哋身上，如果發生喺自己愛犬身上，你會點做？現實中陷阱處處，好似狗狗誤吞玩具、出街擦傷撞損、天氣熱中暑等，狗主幾咁愛錫自己嘅狗狗都好，意外嚟到，最緊要識點做最佳嘅急救方法。

想學番幾招狗狗急救傍身，可以請教獸醫葉枝坤，葉醫生會針對狗狗常見嘅意外，好似中毒、皮外傷同中暑，教我哋點樣即時進行急救！

救命 3寶 
下列嘅急救物品，人狗都用得，唔驚狗主心急救狗嗰時拎錯嘢，勁方便，係愛心狗主必備物件。

紗布 , 繃帶, 鹽水
(所有物品可以响Watsons & Mannings搵到)

中毒要點做？

 1 Check眼底
毒狗事件不時發生，狗主實在防不勝防。獸醫葉枝坤話：「當懷疑狗狗中毒時，可以同狗狗檢查眼底、牙肉，同埋量度心跳，眼底同牙肉位置原本係粉紅色，變成紫黑色就好大機會中咗毒，中毒一定要搵獸醫診治。」

2人工呼吸
狗狗中毒後可能會休克，會冇呼吸或冇心跳，去搵獸醫前可做急救，「狗狗冇呼吸，要向外拉佢條脷，等佢可以唞番氣；亦可以同佢做人工呼吸，狗主要合上狗狗口部，用口覆蓋狗狗全個鼻，再吹氣；狗狗冇心跳，可以用力按佢心臟位置，最好 1分鐘按 80至 120下。」

3扣喉
狗狗好多時為食，唔小心食咗 panadol、細件嘅玩具、朱古力（愈深色愈毒）、天拿水等，「如即時發現，狗主可以伸手指入狗狗口內嘅吊鐘位置，等佢嘔番啲物件出嚟，幫狗狗扣喉時，要注意狗狗多會掙扎反抗，小心咬到手指；狗狗吞咗雞骨等尖銳嘅物件，則唔好刺激佢，因為嘔嘅過程好易割傷狗狗喉嚨，最好咩都唔好做，即刻帶佢睇醫生。至於天拿水等嘅腐蝕性液體，必要時可以畀狗狗飲牛奶，中和毒性。」


皮外傷要點做？
1按傷口止血
帶狗狗出外時，狗狗好易被沙石割傷、甚至同其他狗狗打架受傷等。狗狗出現皮外傷時，主人唔好見外表傷口細就忽略佢，「首先要幫狗狗止血，當然最好用紗布，冇嘅話用手都 ok，邊度流血就按邊度；按極都止唔到血，可以使用繃帶包緊受傷地方，幫助止血，但要留意每 10分鐘鬆一鬆，以免阻礙血液循環。即場可以用水清潔傷口，返屋企之後，最好剷走嗰部分嘅毛，再用鹽水清洗傷口。」

2唔好掂縮腳
狗狗不幸俾車撞倒，最常見嘅情況係斷骨，「見到狗狗一隻腳縮起，只用 3隻腳去行，千祈唔好多手幫佢拉直佢，唔好掂佢縮起嗰隻腳，要即刻帶佢去睇醫生。」


中暑要點做？
淋水急救
夏天就快嚟，帶狗狗外出好易中暑，又肥又多毛同平時歎慣冷氣嘅狗狗係高危一族。「中暑時，狗狗會虛脫，摸落佢身體會發滾，有時仲會抽筋、眼睛翻白。狗主要即刻不斷同佢淋水，直至狗狗身體降溫為止，唔夠水則可以用濕毛巾包住狗狗。」  平時同狗狗出街，狗主記住帶番支水，有備無患。

Read More

主婦好幫手 - Dyson

買左啦買左啦!!!
終於都買左部Dyson 吸塵機!!!

由於我家街童成日帶一大堆泥沙返屋企，兼不停甩毛，先後買0既2 部吸塵機都完全幫唔到手。

一部唔夠力，一部俾SamSam D 毛蹺到D roller 實晒，wasted all my $!!!!

結果Sam媽掃到死死下都仲係唔乾淨...

考慮買部Dyson都考慮左好耐，原因絕對係錢0既問題，因為一部可以買得起我之前0個兩部!

某日電視做特價，因為考慮得太耐，miss 左...

某日睇Blog友 Mrs. Cocabean個post，又miss 左個deal...

激氣呀!

究竟Dyson 有乜咁好?

等Sam媽扮"代表"講解下啦~

Dyson 個body design有個波，呢個波可以令到吸塵0既時候郁得好容易，唔會好似其他吸塵機咁只可以一個方向咁去。機身細細，吸力極強!

handle 0個度可以拉出黎吸D 細微位，甚至可以吸天花板，因為都可以伸得幾長。

有掣可以揀吸carpet 定普通木地板，解決我地兩樣都有0既問題。

機身有個筒形storage 位黎裝垃圾，吸滿就拎出黎，隻手唔需要掂D 垃圾，有個位拉起個底蓋，對準個垃圾筒就可以直接放晒入去，超方便~

而我最擔心0既蹺毛問題都唔再係問題 ，因為可以拆左個吸位(平時 0個D 唔得架嘛)自行清潔!!

Blog友 Mui 買左DC25，另一Blog友 Mrs. Cocoabean 就買左DC24

本來都有考慮買DC25 0既Animal version，但係問過Mui，佢話其實Animal version 都只係多幾個brush~ 唔需要啦咁!

我地最後買做DC25 All Floor 版(普通版)。

Sears 賣$549.99, Dyson website 就賣$499.99

Sear 而家做緊特價，賣$409.99。

Sam媽又上網搵左張$25 off $300 coupon，跟住自己去store pickup，Free shipping!

Final price = $409.99 - $25 coupon + tax = $402!

拎左返屋企之後，Sam爸即刻開箱試用~

淨係吸廳張area rug 咋，你睇出左幾多野?!
同埋好明顯，0個D 全部都係Sam豬D 毛....

SamSam一向都唔鐘意吸塵機聲，我用舊機吸0個陣，佢通常會走返入籠避。

對於呢部新0既發聲monster，佢好激呀，走鬼左入laundry room!!

好彩佢唔係會吠爆0個D 咋!!

Read More

波，唔係我嘅

一向都知SamSam係隻麻煩狗，但係呢個'人'有時真係令人好想'中'佢兩野!

尋日如常同佢响後yard 椗波，一唔小心，個波响個圍欄0既爛窿碌左過隔離屋...

Sam媽見時間尚早，唔知道隔離返左未，諗住玩住第個波先，夜D 先過去問人拎返啦。

兩個波其實係exactly 一模一樣架啦，但係個死仔包，唔肯玩囉!!!!

(咪就係呢個波囉)

走埋去聞下個波就走開，無論我點引佢玩，都唔制......

結果，Sam媽咪死死地氣走過隔離問人拎返佢個波囉~~~

照Sam媽估計，另外0個個波因為少玩，所以仲有陣膠味，0個個'人'認得唔係咁嘅味，咪唔肯玩囉。

真係激到你嘔茄.........

Read More

Annual Check Up

今年搬左，連帶獸醫都換埋。

以前一直都睇Pet shop 介紹0既韓國獸醫，一般般啦~ 好又唔係話好，差又唔係，不過叫做細細間診所，more attention 咁囉。當然，收費又有返咁上下啦

結果，而家轉左去非牟利機構睇 (North Shore Animal League)。一來我地想平D，二來叫做支持下非牟利機構咁囉。

最大0既分別係，以前獸醫，唔會有多過2 隻其他狗在場等睇醫生，North Shore 就有成10幾隻狗一齊等... 大部份狗狗都幾乖，但總有某D 會興奮，吠叫。

我家膽小Sam梗係"騰"啦

都唔明0既，又唔係唔出街架啦，都要咁"凹"!!

約左appointment time都無用架，都係要等，唔會好似以前咁約到幾點就幾點。所以都有一段時間响waiting room等~

終於過左30－40分鐘，叫做定左落黎:

磅重，SamSam 有67磅... 點解輕左0既???

到SamSam啦，入到間房，好細好舊。

咦，得個獸醫咋? 無Vet Technician?? 咁點呀???? 點上Testing Table????

無乜點，咪Sam爸抱個仔上囉

問個Vet，SamSam 成日都屙爛poo，可以點?

Vet: "拎poo sample睇下乜事啦"

Sam爸: "以前都test 過，無野架"

Vet: "咁轉糧啦，或者食prescription 糧啦"

Sam爸: "好貴wor，銀根短缺，睇定D 先啦"
(自己搵下多D 料先啦，因為長期食，真係好惡頂)

加上Sam爸成日都想幫SamSam轉BARF，所以'婉拒' 左個Vet~

打左3 隻針: 狗房咳，3年狂犬病針，annual combo

另外再俾人抽血test heartworm，total SamSam俾人咭左4 野...

加埋1 年heartworm 藥，盛惠$195個大洋!

對於North Shore 0既感覺係，可能因為係非牟利0既關係啦，獸醫睇症好快，好似好急好趕咁... 又未至於話你唔可以問問題，但係佢答得好general，唔多願go into detail~

Sam媽呢D '懶'鐘意attention 0既人就梗係麻麻like啦

Read More

Hanami 2010

無錢無時間去日本睇花，近近地响米國都有得睇0既...

東岸最大型0既賞花地方，絕對係華盛頓DC，只係由於Sam爸工作0既關係，基本上我地係無可能趕到花期去DC睇~

今年Brooklyn Botanical Garden 開花期比較遲，所以，又有得睇花啦!! 仲帶埋Sam公Sam婆一齊去，可惜無SamSam份~

天朗氣清，正!!

相比起DC，櫻花樹0既數量可以用失望黎形容!!

你睇到有"幾多"樹就基本上係咁多啦~

帶左2 部相機出去，結果，其中Sam媽用0個部D 電係廢0既，未影到一半就死左。

但係我係唔會放棄0既，iphone 都殺!!!
影影影~~~~~~~~~~
(被偷拍了...)

除左櫻花，都有幾多鬱金香，好多人補住影~

獻醜了~

p.s. 我真係要買過部相機啦!

Read More