中國新年準備

冇新年氣氛，唯有自己create...

係咁意貼D~

出唐人街買咗D 花，火百合$5，mix 花$5

小菊花都係$5

本來想買銀柳㗎，不過好難自己一個人拎返屋企，放棄咗~

唐人街擺兩日花市，無咩特別嘢賣，LKK做特價，叫做辦咗少少年貨。

呢兩日除咗搞衛生同剷雪，就係咁開行turbo 整利是。

之前晌香港quote 過，因爲印得少，價錢太貴，唯有自己整~~~~~~

祝大家虎年行大運，身體健康，開心如意~ 恭喜恭喜!!!

Read More

雪雪雪2010

美東地區又落大雪~

紐約各區平均落左10-15inches...

咁多雪究竟邊度嚟㗎?!!

暴雪過後的清晨~

Sam爸又要一個人開路同剷返架車出嚟~

我地部車本來藍色㗎，變左白色lu!

帶SamSam出去行個圈，某鄰居門口嘅矮樹...

我哋個屋頂，今次有埋冰柱!!!

本來個back yard 仲未清理好，仲有D 玻璃碎片，垃圾之類。
但係咁多雪，真係唔想剝奪SamSam玩嘅機會，唯有同佢一起出去，擋住佢唔好埋去D 玻璃位...

喪跑...

一口都係雪

shake it shake it

玩完就煩啦，一身都係雪，溼到癲，個地板真係多得佢唔少!
唯有出去一次就用風筒吹一次，亁晒先比佢走。

橫掂年廿八，拎日假洗邋遢！

Read More

無火煮食... 火都黎埋!!!

新屋無gas 煮食，用0既爐頭係電爐，係就係乾淨D，無火煮食呀嘛，但係就煮到Sam媽火都黎埋!!!

中國人煮食要有鑊氣，呢D 咁0既電爐係一D 鑊氣都無囉，煮飯好似係夾硬焗熟咁!!

諗住煲返啖湯飲啦，煲左3 個鐘，D 水都乾晒，啖湯都係唔濃0既...

救命，好似3 年前唔識煮餸咁，所有野要從頭黎過!!

Read More

好似太陽咁溫暖~

新屋同舊apartment 最大0既不同，絕對係室內溫度0既問題(起碼SamSam都同意!)

以前因為係租屋，government regulate，一定要有某個溫度，所以成日都好夠暖氣。勁到有時Sam媽可以著吊帶!! 

新屋自己要pay，加上空間比較大，D 暖氣開幾大都係唔夠...

响工作室放左以前張沙發，以前一直都唔俾SamSam 上... 不過第一晚返黎0個陣，見到個地板凍，驚SamSam 唔慣，invite 佢上沙發同我地一齊坐。

第二日，呢個小朋友就自動自覺走上沙發度訓!! (我估個地板真係幾凍...)

沙發又對住個大窗，陽光射入黎，好鬼舒服...
你睇SamSam 個樣就知有幾舒服啦~~~

SamSam: 媽咪可唔可以唔好影相，俾我繼續訓?!

唔好話我成日鬧仔，其實呢個細路真係算幾乖架啦。(唔曳0個陣)
Invite 佢响最左手邊個位，佢呢幾日就都淨係訓0個個位
今早起身，我偷偷地去望過佢，佢尋晚都係訓0個度~~~


驚佢訓地板凍，鋪左張大carpet 响廳，俾埋blanket 佢...
成個bb 仔咁

見我地起身行開，佢又急不可待地跟住，成張blanket 鋪响身度周屋走都唔覺，傻仔!!!

Read More

SamSam回新家啦!

本來星期四搬得成0既話，我地有星期五一整天可以收拾，咁SamSam返黎都唔使盲頭蒼蠅~

可惜...

結果星期五先搬到，星期六就要接返SamSam。我地就唯有用淨餘的時間好努力咁執執執，將大件野擺好位置~

精疲力盡..................

因為擔心唔知道SamSam對新環境有咩反應，所以我地一早就plan 好要星期六帶佢返，等佢星期日有我地响度陪下~

入屋一刻，驚爆!!
請ignore 高音女聲




低能仔上左樓梯，唔敢返落黎...





個video都見佢會自己落，但事實上，佢而家都係上左去唔敢落返黎架，係都要你上去帶佢落，唔係就係咁响上面e e un un。星期日一早俾佢un 醒我，人都癲!!

而家唯有block 住個樓梯先...

呢兩日0既SamSam對我地簡直係寸步不離!!

如果佢聽到D 腳步聲都仲會唔理，但係一旦我地停响某個位置整野，佢就會發癲咁四圍搵。

最慘係呢，成日都見佢dup 尾尾，佢應該真係好驚

睇見佢就心痛...

Sam媽星期一拎多一日假，陪多左佢一日，今日佢要自己响屋企啦，希望佢可以快D 習慣啦~

Read More

尋找米國夢 part 10 - 頭痛的搬家

將SamSam放咗晌人地度，我哋先真正開始收拾嘢。

之前講過，裝修師傅整完野無整返乾淨D 地方。結果，我兩個懶人都唔想自己做，請左maid service。

清潔完後，我地覺得呢D 錢真係應該使! 如果自己做，搞好清潔都已經死左，唔使執嘢㗎啦!!!

除咗請人請得對之外，一早send SamSam走都係正確嘅決定。因爲收拾到咁上下，所有箱都block 住晒D 路，晌個partment 度行都行得辛苦...

星期四搬，星期三成日打電話想同個搬屋公司confirm，一直都無人接，勁驚......

直到下午打返比我，話部車壞左，要夜晚先可以firm 我搬唔搬到!!
等到12 點，都無電話黎，好過分...

明知道搬到嘅機會很微，但我都希望搬屋公司可以有辦法.....呢家搬屋公司我地以前用過，又介紹俾好多朋友，個個feedback 都好好，所以都希望今次佢可以幫到我地。

第二朝Sam爸打去，佢話部車都係未得，要下午先答到我地。

再等.....但係由於之前book 好好多人黎整嘢，我地都係要入新屋。

一邊整野一邊等，不停地打電話都無辦法搵到條友聼電話。Sam媽怕了，再搬唔到會好麻煩，之後有好多嘢都做唔到。到5點幾就開始四圍問朋友拎搬屋公司電話，逐個打。其實都好"掹"，要人第二天有車搬，簡直是異想天開!

預咗會有人獅子開大口，但係有D 真係好離譜!!!

幾經辛苦，終于都搵到間ok 嘅，不過要中午先可以過嚟。本來第二日有個8點至11點嘅appointment，有人嚟整cable，又要打電話臨時改！

煩到癲~~~~~~~~~~~

anyway，好彩最終都搬得成。

至於第一0個間搬屋公司，係一直無覆過我電話。到搬好晒啦，佢先打黎話佢部車都係未得，不過搵到朋友幫手啦，問我仲使唔使佢？真係好行夾唔送~~

一路以來我都介紹好多朋友用你，你今次整單咁傑我嘆? 你都注定無運行都得啦。

不過話説回來，佢真係好過我地最後用嘅呢間搬屋，起碼唔會整爛嘢先...

唉，咩都好啦，起碼終于搬左入嚟啦!!

Read More