SamSam 2歲啦!

今年為SamSam炮製的生日蛋糕因爲時間關係，分開3 日，每日整D。

第一日先整cheese cookie。

第二日整蛋糕。

第三日正日再decorate。

今年個食譜係來自 "Ming's 愛犬私房菜"

個蛋糕面依然是火星表面，"一岩一饞"

今年冇落發粉，個cake 自然薄身好多。

但係落足料架，有三文魚同南瓜做餡，面頭就南瓜加plain yogurt。

中間個"2" 字用剩下的cookie dough 整，個名就買現成字母餅。

一邊decorate 個cake，個小朋友不斷走入廚房禁地!

係時候慶祝啦，但係對玩具同影相一D 興趣都無，對個cake 有興趣多D，極度不合作!~

影完一大輪相，終于有得食啦... 睇下個為食樣!

Ready?

Go!

"jap jap jap~"

有人對份生日禮物不滿意!

話説幾經辛苦Sam爸Sam媽先買到大size怪叫雞，唔知係咪太大聲，SamSam完全無興趣，行過就算。

反而隻stuffed monkey 就係咁玩...

好彩Sam媽無整爛個pacakge 0者，聼日去refund!!


未夠一歲時，有人說，等他一歲，會乖。
沒有。
過了一歲，有人說，等他兩歲，會乖。
不覺得。

然而，心態變了...
只要他開心健康，就夠了~

Happy Birthday my baby~~~~~~~~~~~~~~~~~~~

Read More

Please help Haiti!

海地發生黎克特制7級強烈地震， 請大家伸出援手一齊幫助這個本來已經屬於貧窮的國家。

"海地曾是荷蘭和法國殖民地，1804年獨立後政治動盪不斷，共發生逾30次政變。當地還頻遭自然災害侵襲。2008年的3次風災和一次熱帶風暴襲擊，共造成793人喪生、300多人失蹤。該國現為美洲地區最窮國家，多達八成人口每日生活費不足2美元。"

在電視上看著一幕幕的慘況，心酸了...

偷偷話你知，Sam媽的表姐夫其實係海地移民。

幸好他的home town離開是次地震的首都太子港有一段路程，暫時得知所有人都平安無事，只是現在所有對外聯繫的電話都無法接通。

剛事發時，他沒有辦法和家人取得聯繫，心急如焚，電話又不通，只有坐在電視前乾等~

最幸運係他的哥哥，本來住在首都中心，但因為看病，回到美國，結果逃過這一浩劫。

現在整個城市的房屋都幾乎完全倒塌，包括皇宮，UN building。

當地房屋結構簡陋，而且屋都起得密麻麻，以致這次人員傷亡慘重!

落後的環境可以說對他們是雪上加霜，連Red cross 的辦公室也倒塌了，資源短缺之下，愛莫能助~

美國好多善心人想直接捐支裝水到當地，但各個機構都說這次沒有辦法把這些送進災區，因為所有道路都被地震破壞了，車都無法進入。

現在除了捐款，平凡人如你我可以做的真的不多了。

公司募捐，Sam媽一早register 做義工，這次可以出一點點綿力，實在開心!

你今日捐左未?

Read More

打你個邊邊@boyboy

講左半年，終於尋晚去左Scotchie度打邊邊!

上次响我地度食飯(今晚阿sam 請食飯)，兩個小朋友都好興奮，但係唔算打得好利害。但係今次...

SamSam一落車去到新地方已經異常hyper。

入到屋，兩條友即刻開拖!

梗係，有人入侵地盤wor!!!

我地唔鬼理兩隻野，埋位開動，反而靜左落黎~

不過安靜時間唔出5 分鐘...

打打下，打到入檯底! 幾驚佢兩個會打到反檯

一邊食一邊鬧，一邊由佢兩個自由發揮~

食食下，Scotchie爸發現地下有D 黃色水漬，再周圍望下，條樓梯好似畫國畫咁，邊個小朋友瀬尿?!

即刻放低飯碗逐個出街去廁所~

之後成晚佢地都望下大家，望得幾望就開拖。佢地又唔係真係打交0既，不過摔角得好rough。例如boyboy 會扯住SamSam個collar，又會扯甩佢d 毛毛；SamSam就會E 晒牙咁還擊，又會尖叫。

打到後來，Sam媽醒呀，用baby gate 就隔開佢地。不過我估Scotchie媽把聲今日會失晒~ 

有一刻，Sam媽就去pet boyboy，點知咁都會令到佢興奮，尿尿左~~~~~~~~

可憐boy媽boy爸有排抹地!!!!

一晚落黎，Scotchie媽終於見識到SamSam 0既癲法!

呢個細路都唔知道佢D energy 邊度黎0既，無時停。又好似有個switch 咁，唔知幾時啪著左，發晒癲。

相比之下，boyboy 易搞好多!

係架，帶呢個小朋友真係唔容易~~~

返到屋企之後，SamSam死左咁。

响我大脾一噠低就訓著，30秒就沈沈入睡發埋夢，梗係，打左成晚!

我估佢真係玩得好勁好hyper，發夢D 手腳係咁郁，仲打緊???

Read More

尋找米國夢 part 9 - 完工lu!

數數手指，都裝修左3 個幾4 個星期，唔覺唔覺，原來都幾大工程!!

星期六終於都完左工lu!!! 其實我以為星期一先搞得掂架，尤其入到去發覺好多野都仲好亂糟糟... 點知原來佢地係唔會整返乾淨先俾返我地架!

呢鑊甘啦

入到去睇到個廳隻顏色，有D 出事0既感覺...

 睇圖揀色0個陣，隻色比較銀灰色，但係上左牆之後，似比白色深少少而已!

Sam爸本來說算，但係我真係過唔到。

結果同師傅講，佢話你做咩今日先講，上個星期唔講。

 我話，我上個星期入黎你都未油，我點講呀?

 黎啦，我知道你想殺死我，但係幫我搞掂佢啦... 佢真係算好人架啦，拿拿臨幫我去買油即刻油過。 不過之後會唔會收我extra 就唔知lu

呢張相就係本來隻色同上緊隻色0既分別啦。

ceiling 係白色... 你地睇唔睇到本身隻銀灰同ceiling 0既色有幾大分別啦?

終於完成，呢個係廳0既before:

廳0既after:

個地板應該係深色木板，但係一地都係灰，佢地又唔幫我搞返乾淨，結果就如圖啦! 另一邊0既before:

after:

master bedroom before:

after:

廁所本來係浴缸，但係我地唔鐘意，尤其要幫samsam 沖涼會好麻煩，所以轉左做shower。 其實最開始想expand 個廁所架，但係budget 有限，希望幾年後有$ 再整好d。

Den/書房/Family room，多用途房一間，之前無影過。 Sam爸死都要加光管，話做野光D wor。

黎緊呢個weekend，Sam婆婆會入去拜拜，呢家野我唔識，交俾佢慢慢玩~
不過我會捉佢同Sam公公幫手搞清潔，如果唔係我會死~~~~~~~~~~~~

大約月尾左右我地就會搬入去，呢刻仲有好多野未搞: - 裝cable - 整window treatment - 等床/洗衣機/沙發送黎 - pack 野

 吖，SamSam仲要生日添，仲要整蛋糕~

Read More

齋睇簡介都想喊的書

又心癢癢想買書睇，响博客來見到呢本...


齋睇簡介都有共鳴，有想喊的衝動...
買唔買好呢?!

作者：穴澤賢
譯者：蕭雲菁
出版社：晨星
出版日期： 2009年10月30日
語言： 繁體中文


ISBN： 9789861773148




內文節錄:


即使看著開心奔跑在草原上的你，或是看著津津有味啃著骨頭的你，有時我會突然很想放聲大哭。



因為你應該會比我早走。

不管你看起來有多幸福，總有一天你一定會丟下我離開人世的。

 狗的壽命再長也就是二十年，雖然理智上我很清楚，但還是覺得很想哭。


萬一你真的不在了，那我要怎麼辦？



不過你並不瞭解我的這種心情，每天都過得很開心。



如果我能比你早死的話，那該有多好。



不過我絕對不能比你先死。



因為我是你的一切，不管是住的地方還是吃的食物，沒有我你就活不下去。

對你來說，我就是整個世界，我當然不能親手結束你的世界。

據說狗是沒有時間觀念的，對於自己能活多久，從來也不擔心，只是盡情活在當下，到了該壽終正寢的時候就走了，或許這就是狗。


想讓狗明白人類的感覺也是沒有意義的，所以我有義務讓你這一生過得很開心，這也是我唯一能努力做的事。



這種任務還真是令人討厭哪。


只是既然已經接下了這個任務，那我也只好認了。

你只要思考如何努力讓自己每天過得開心就行了。
你完全不用擔心你走了以後的事。


如果你走了，我想我應該會哭泣一陣子。

說不定還會絕望得不想再養狗了。

不過我絕對不會後悔養過你，更不會覺得早知道就不要養你。


因為這樣就夠了，真的夠了。

Read More

新年必備!

利是封!

今年第一年要派利是，想整個特別D 0既~
我自己design 架~

我問過好多朋友，似乎紐約無鋪頭整。

上網check 過香港鋪，好多都要印成萬以上。

而家叫香港朋友問緊detail，同睇下如果印得少做唔做。

有無blog 友有興趣訂呀? heeeeeeee

Read More