2009年11月13日星期五

尋找米國夢 part 5 - 成交

2009年11月10日，人生又一大事完成，我地間屋成交啦~

响呢兩個月搞左好多野，煩左好多，驚左好多...

首先第一單係銀行打電話俾Sam媽公司問任職情況。結果佢地返黎同Sam媽講，你公司話你0既任職情況係待定，我地有理由相信你份工係不穩定，即代表你無穩定0既入息證明，要暫停你0既貸款申請。

Sam媽癲左...

即刻問老細：我個貸款員咁講wor，係咪代表你地準備炒我?

老細話，無D 咁0既事，等我幫你搞掂佢!

第一單落幕...

第二單，Sam媽同Sam爸要申請0既MCC (紐約州減稅program)話我地兩個人工高出要求，唔接受。無奶油架，我地計得好清楚，剛剛好架。原來係Sam媽舊年0既花紅同Sam爸讀書0個度出左問題。

搞左一大輪，多得有個好0既貸款員，幫我地左計右計，得左!

第三單，從網上得知，MCC 計劃過熱，州政府D 錢用晒!

即刻打電話俾貸款員，好彩，我地入紙係之前0既事，無影響~

本來一早就預左11月9號成交0既，點知到左11月6 號MCC都未覆實得唔得，搞到拖累埋銀行0個邊D 手續。

又提心吊膽咁過左一個weekend，星期一終於confirm左第二日closing!!!

到左closing 日，又有野發生............

因為所有野突然發生，我地應該有但無收到0既一張list，係講應該要帶幾多銀行本票，結果，少左張! 而講緊0既係$6000美金。>.<

對方個律師有權唔收私人支票，甚至即刻cancel 成個交易。

最大鑊係，0個附近無銀行，就算有，當時已經過左working hour，銀行都關晒。第二日係veterans day，銀行唔開

不過好彩，大家都係想搞掂件事，所以佢最後應承先收住張私人票，等我地之後拎張本票去換返~

Sam媽都唔記得當日寫左幾多錢支票啦... 因為唔係淨係俾尾數，仲有D 其他費用，例如屋契公司同律師費都一次搞掂。$$$$$$$$$$$$$$$$$$$$$$$$

當所有野搞掂之後，大家都恭喜我地，而我地反而無乜喜悅，因為...... 黎緊0個30年我地要做牛做馬，壓力好大~~~~~~~~~~~~~~~~~~~

好窮，要減SamSam D 糧先得啦!!! wahahahahahaha

婚後的第一個生日

下午4:57:00 廢肺吠 12 comments

沒有大肆慶祝，簡簡單單渡過婚後第一個生日...

Sam爸一早問Sam媽想食咩?

過去幾年都係日本野，今年Sam媽想試新野: 法國餐!

結果我地去左Balthazar。

唔係坐3 個鐘0既法國大餐，係好簡單0既法國料理...

叫左個生蠔同蜆，生蠔同响Boston 食差好遠呀...

佢唔係唔好食，係唔夠好食囉~

反而個蜆ok!

法國人好酒，成牆都係，睇過個wine menu，最貴0個支要$2000美金!!!

Sam爸的主菜: 兔肉
肉質麻麻，好似雞肉，個sauce 幾好

Sam媽的主菜: 鴨
第一啖咬落D 皮，我0既反應係: 中國燒鴨?

不過其實係好味0既，只係食到最後，覺得鹹左D

沒有真正0既蛋糕，但有法式的cream purlee。

聽聞好得0既，可惜，失望!!!

燒焦兼凍!!!!

唔緊要，仲有個cholcolate cake!

好味

不經不覺又一年，physically 好老啦，但係mentally 我覺得自己都係20頭~ heeeeee

好好陽光的秋天

上午11:57:00 張家狗 16 comments

凍左成個星期，星期日突然暖返D，即刻帶埋大機出動!

坐得咁靚仔，因爲要等波波~

好醜樣...

執到波波，條尾幾擺

下一轉!

"片"出去個樣好好笑，黎多個!!

衝呀~~~~~~~~~~~~

Catch it!

地下的枯葉同SamSam 身上毛色好似，blend in

估唔到仲有紅葉wor，影多張相啦~

好耐無影過合照，整返張先~
（不過早上的Sam媽口腫面腫

）

早兩日斷左choke chain 之後，決定買過條半choke 0既狗帶，好過又狗帶又choke咁戴兩條。到左尋日，連條leash都爛埋，頂!!!!

結果去petsmart 買過晒兩樣野，又點知剩得紅色同黑色，無藍色，最後買左紅色(Sam爸好抗拒黑色...)。

本來個傻仔都已經似女仔架啦，用埋紅色狗帶同leash，望唔到佢0者0者0既話，根本就係一個女仔!!!

買野0個陣，petsmart 個trainer見到我地，走埋黎幫手揀狗帶，個衰仔極度亢奮，係咁撲人。

個trainer 問我地俾幾多運動佢，"一早off leash跑左個幾鐘"!

"Is he a puppy less than 1?"

"no... he's 22 months!"

trainer 無言...

跟住佢就帶住SamSam train 左15分鐘，教左我地要點樣redirect 佢，同一定要calm 住咁對佢，千祈唔好扯火。同埋睇情況，SamSam需要大量mental training 多過physical。不過我地都睇得出，trainer 都有D 頂個傻仔唔順

基本上今次咁搞一搞，Sam爸Sam媽都決定搬左之後就一定要帶SamSam去再培訓!! 呢段時間就做多D research，希望可以搵到個好trainer啦，因爲真係唔係個個都搞得掂呢條友仔

從心出發

上午9:45:00 關狗事 11 comments

剛剛睇左Dog Trainer Sunny 0既一篇blog，有感而發...

節取Sunny 的一段:
"我的第一堂第一句是: 「要從狗的角度出發」，今次再將之套用在這個案上
「從菲傭的角度出發」。如果你是那兩位菲傭，長期離鄉別井工作之餘，每天又要照顧一位行動不便的老人家，而且還經常被責罵的話，那麼狗狗幾乎就是你在家中
唯一的寄託及娛樂。每天與牠散步玩遊戲全是你的開心時刻，自然便會打從心底地樂意付出心機和時間在狗狗身上。要知道感情是雙向的，你的開心感染了狗狗; 而牠又視你為領袖，試問還有甚麼比相依為命更重要呢? 當人狗相處和諧融洽再沒有因為地位分佈不平均而產生衝突時，我這個 trainer
已經任務完成了。反觀一些把教好狗狗視為苦差;
即使自己有很多時間都不願花在狗狗身上的「狗主」，兩者對比的確十分強烈。在狗狗的眼中，又會尊重那一位多一些呢?"

好多朋友對Sam媽教狗有微言，甚至Sam公公婆婆都覺得Sam媽"‘手羅’黎賤"，一日"0屣"咁多時間响隻狗身上，自己D 野反而無時間做!

甚至好多現有養狗0既人都覺得狗0者，使唔使俾咁多時間落去佢地身上，朝早訓遲D，夜晚蒲夜D，求祈帶隻狗出去行幾行，等佢搞掂大小二便就算啦。

一邊walk 狗，一邊講電話0既人周圍都係，邊有人好似Sam媽咁一路行一路同個傻仔講野，又玩快慢跑，甚至行行下玩command...

(响條路度，傻婆一樣~)

點解walk 狗0既時間都要hea 隻狗? 平時你返工，佢都已經成日訓，放工開開心心一齊出下街，唔好咩?我明好多時放工返到屋企個人都謝晒，但係見到傻狗笑騎騎望住我0個刻，個人會醒返架!

仲有，响屋企佢點聽話，出到街都係另一回事，得閒walk多D，等佢接觸多D 人多D 狗，隻狗開心之餘，見到佢咁，你唔開心D 咩? 你都會接觸多D 其他人啦，張氏一家仲因為咁多左好多朋友添!!

都市人返工係咁坐，點解唔將放狗睇成係做運動呢? 食飽飯同隻狗行下，肚dump 都細D 啦!!

無時間? 咁當初點解要養?

係，無可否認，如果屋企有個菲傭或者有長者0既，我地會無咁辛苦，但係教狗0既事情一定唔可以放鬆!

大家都奇怪點解通常狗狗會聽男性話多D，但係我家傻Sam係聽我話多D。一來Sam爸忙，無咩時間對住隻狗。二來，我真係用個心對個傻仔，盡量以佢狗0既角度出發~ 加上我地會無時無刻一有機會就train佢，只要做0岩野，我地都勁讚架

响呢個blog 我都成日會呻隻傻仔特別活躍過人，但我點都堅持帶佢出去行。甚至我而家脊骨同盆骨有事，我都唔會偷懶! 因為，我知道佢出去會開心，而會因為佢開心，我都會好開心!

好啦，廢up完，中文真係有限公司，自己睇都亂七八糟，明就明，唔明把就! 咪鬼challenge 我!!