新玩具+Sam@Park

今日帶埋部新玩具同Sam豬去park...

跑呀~

呢個伯伯成日都帶pro 相機黎影狗, 見我又影就埋黎傾左幾句

跳起搶野食0既亞Boy!

聽講之後成個treat 袋偷左~

早兩個星期, 呢兩條友無點玩, 今日玩到癲!

飛天耳: Sam豬
直尾仔: Scotchie

Sam: 亞boy 你又咬面豬?!

Sam: 咬死你!!
亞Boy: 佛山無影腳踢死你!

George 加入, 三傻~

George 個口咁大0既? 你扮獅子呀?

差唔多走, Scotchie咬住一隻狗狗條狗帶, 扯住走~

亞Boy 你今日好活躍wor!

個個走晒, 帶Sam豬再行多個圈~

又食樹枝, 又食人地d C!!!

頂你唔順.......................................

臨走又亂吠亂跳+亂咬, 罰!!!!!!!!!!!!!!!!!!!!!!!

p.s. Sam媽著到成隻粽咁... 凍~~~~~~~~~~~~~~~~~~~~~~~~~~~~~~

Read More

使唔使咁凍呀...

黎緊個星期，凍到亞媽都唔認得...

左邊係華氏度，右邊係攝氏度

未養狗之前都唔係咁凍，做乜Q 今年咁凍架??

而家先一月，幾時捱到3，4月?!

平時大冷，Sam媽可以响屋企幾日都唔出門... 依家無呢支歌仔唱~


好痛苦!!!!!!!!!!!

Read More

到手, 試機!

呢個細路0岩0岩俾人罰完帶口罩, 睇唔睇到個印?!

Read More

Sam豬轉糧記

Sam豬個肚肚一直都好多問題，成日都屙，我地幫佢轉過好多隻糧，今日見得閒，寫返個轉糧記先~

我地帶Sam豬返黎0既時候，pet shop 係俾緊Royal Canin 隻Large Breed Puppy俾佢食，我地都係keep 住俾佢食返同一種糧...

Sam情況: C C 軟，眼C 比較多

跟住睇獸醫，佢就recommended Hill's，咁醫生介紹應該無死啦... 又係食Large Breed Puppy

Sam情況: C C OK，但係超臭!!!

睇左個Dog Food Analysis 網，話Hill's 好唔掂(咁點解個個獸醫都介紹呢? 連香港，台灣都係咁wor)，得1星，拿拿臨轉隻3星糧，Nature's Recipe Puppy Lamb & Rice Formula，20磅要$27.99

Sam情況: C C 開頭Ok，之後就軟，再之後經常爛，唔算臭，多眼C

因為爛C C 情況不斷出現，結果轉同一個牌子，另一個Formula，Easy Digest~

Sam情況: 爛C C 情況只有輕微好轉

最近又轉左啦，Natural Balance，4星糧，15磅要$25.99

我地仲要係試 Limited Ingredients Diets，睇下佢係咪唔受得某D 野

Sam情況: C C 好靚，不過都係臭，有眼C但係叫少左D

而家隻糧D C C 係靚，但係Sam豬成日都會放毒氣彈，係咪代表佢個肚肚都係唔太消化得咁好?? 係咪隻糧仲未合適呢???

呢個禮拜買左呢個牌子0既普通版，睇下究竟Sam豬係受得呢個牌子定係真係對某D Ingredients 有反應...

成日換糧，我地唔煩Sam都煩，條友又要聞聞聞先會開餐，好似驚我毒死佢咁~

Read More

搵食艱難

Sam: 每餐飯都得來不易, 唔做齊d 動作冇飯開架

(第一 次俾煲完湯d T 骨佢食, 條友食到嚇親, 唔敢郁... 不過影唔到~)

Read More

有冇人去SAA個人狗同樂百萬行呀?

有冇人呢, 會去呢個function 呀??

人狗同樂百萬行

日期：2009年1月11日 (星期日)

時間：下午12時至下午3時

地點：港島徑第六段

路線：步行起點為陽明山莊，由栢架山道沿林道下行，經大潭水塘直達大潭道。全長4.5公里，步行需時約1.5-2小時。

即係咁....

Sam媽最愛的孫耀威先生會做活動嘉賓, 去0既朋友可唔可以整幾張靚相俾我咁呢??

萬分感謝!!!

Read More

游雪?

08年最後一日都落雪, Sam豬就抓緊時間游返個雪~

真係好似游水咁游架, 有相為証!!

睇下d 雪俾佢扒到~

連個鼻鼻都有雪...

Sam豬, 你唔凍架??

Read More

2009 第一 post

2009 第一 post, 梗係我 sam 爸霸頭位啦。祝各 blog 友新年快樂, 今年恒指重上 30,000 點, yea~~
sam 媽0係邊? 有人0尋晚夜訓得滯, 今朝起身同 sam 豬落街辦完公就頂唔順番0左上床訓 lu。

而我--鐵打 sam 爸, 雖然0尋晚成 3 點先訓, 但係為0左阿仔, 仍然捉自己 7:30am 起身, 一個人同 sam 豬去 dog park。但係今日 new york 真係涷到無朋友, 同 sam 豬出去之前睇過天氣, 華氏 13 度, wind chill feel like 零下 5 度。 囧

但係, 一個人渣車同 sam 豬出街, 仲要 sam 豬0岩0岩訓醒精力無限, 短短 15 分鐘0既車程原來都可以發生好多0野......

車尾箱雜誌一本

酒樓菜單兩張

0尋日又落0左一場雪, 今次積0左 1 吋雪到, 但係都夠 sam 豬發癲
今日去 park 最神奇0既係, 竟然有隻土佐犬, 雖然得 9 個月大, 但係已經成 110 磅, sam 爸仲以為土佐犬係唔俾入口0架添, 隻土佐犬好鐘意 sam 豬, 跟到佢實一實, 但係 sam 豬怕0左佢, 自己一個行到遠一遠, 叫都唔肯番0黎

sam 豬今日先後同 3 隻狗摔角 + 喪跑, 開心死佢。難為 d 主人們個個都涷到騰騰震, 個個都0係度問 why are we here freezing ourselves to death on new year's day?

but hey, 狗地們開心, 做主人0既就開心0架啦    


巧遇阿 boy, 阿 boy 主人去0左滑雪, 擺低0左阿 boy 俾個 trainer, 今朝個 trainer 帶0左阿 boy 0黎 park, 呢個真係抵讚呀, 因為今日真係好很涷呀~

(sam 爸拎住部 iphone, 影0左一張相就要即刻帶番隻手套無再影喇, 真係頂唔順)

 
玩0左一個鐘, 番歸
今次俾隻豬坐前面, 免得佢幫本雜誌再撕碎 d..... 

你睇佢個樣幾攰

食完0野之後仲0拿0拿臨自己上番床床度訓添~

sam 爸打完呢個 blog 都要番上床眠一眠喇
happy new year everybody~  

Read More