08牙買加, Day 1

究竟Sam爸Sam媽去左邊?

答案係: 牙買加 JAMAICA!

有朋友晌呢度搞婚禮, 所以一於當放假~

紐約出發, 4 個鐘頭機, 坐American Airline, 成程都冇野食, 餓到兩條友癲左!!!

飛機上影古巴

古巴海岸腺

牙買加d 海關態度麻麻, 做野又慢~
攪左一輪, 6 條友終於攪掂....

機場接駁van, 要坐1.5 個鐘先到酒店

簡直係晴天霹靂!
因為Arrival 竟然係冇野食賣!!!

Sam媽見唔係路, 問同行零食怪'手羅' 零食, 希望可以頂到...
點知零食怪竟然冇零食, 得幾顆橡皮糖...
殺你!!!!

話說Sam媽同零食怪hea 緊時, 機場接駁van 櫃台個姐姐係咁Excuse Me, 因為係對新人包左車, 我估櫃台見我地一行中國人, 知道係要接我地~

我餓到癲, 冇理!
有個丫毛走埋黎, 勁大力咁拍我手, 話我知, "喂, 叫你丫"
咁又點, 肚餓大過天!!!!

擾攘一輪, 都係餓住上車...

好大陸feel...

唯一見到0既頭頂貨婦人!

塞車中...

小插曲:
部車行過Downtown, 有個細路, 大概10歲到, 走埋我窗邊 (關左), 一野水撥埋黎, 嚇到我跳左跳... 跟住佢'手羅' 個抹玻璃野出黎抹我隻窗, 係咁易兩下, 攤大手問我'手羅'錢... 傻架? 部車都唔係我0既!!!

見我唔理佢, 佢又走去另一邊, 對零食怪做同一樣野... 零食怪0既反應同我一模一樣: 嚇親, 講: "傻架? 部車都唔係我0既!!!"

Read More

我地返黎啦

Sam爸Sam媽外遊4 日，終於返黎啦，不過尋晚太夜未接返Sam豬...

問過寄養0個邊，佢地話Sam豬第一晚喊得好勁，心到痛晒

第一日Sam豬仲唔肯同其他狗玩... 但係第二日就生猛晒，以下係寄養家庭send 過黎0既相...

好多狗狗玩呀~
前面呢隻狗狗叫做 Isabella，好文靜好乖0既Lab，我地問過主人可唔可以領養佢，主人唔捨得~
 

主人有個8 歲女...
Sam: 細路，你呢架咩傢伙?

悄悄話?? Sam豬佢講咩呀???

SamSam個傻瓜樣~

唉，黎緊要放低佢3 個星期，Sam媽真係唔捨得~~~

Read More

休blog 幾日

0岩0岩送左Sam豬去寄養家庭...

車去, Sam 豬0爹住晌大髀

車返, 空空如也

過兩日返

請呀~

Read More

咩事轉性呢?

如果各位blog 友記得好人叔叔個衰人老婆的話，你就會知道點解我咁大反應...

話說呢個女人見親我地唔係俾面色，就係當我地透明... 講緊係dou 口dou 面見到都係咁！咁當然仲有佢成日話我仔曳呀，嘈呀，呢樣0個樣啦...

Sam爸好唔like 佢，Sam媽就覺得樓上樓下，佢老公又咁好人，個心幾唔妥都好，都會客氣一d 對佢。

最近好多時放狗都會見到好人叔叔同佢隻都柏文，兩隻傻狗成日都玩到癲晒，次次行過公園都要望下見唔見到大家~

前晚，壞人太太放狗，响對面馬路見到我地，竟然大叫"Sam!"

我仔就梗係癲左啦，佢又點知呢個女人唔鐘意佢呀~

個女人話，不如俾兩隻傻狗去公園玩陣啦...

望住癲癲地0既Sam豬，好啦!

尋晚唔見佢地，今早又見到壞人太太，佢離遠就話: "我地尋晚好夜先落黎，見唔到你地，今晚我放早D呀!"

我窒左窒... 哈?

我: "我地今晚有街去呀"

壞人太太: "喔，我覺得我地應該交換電話!"

我... 再窒: "好呀，下次呀.."

講左呢兩日0既野俾Sam爸聽，佢聽到呆晒: "轉性呀佢?"

Read More

走狗事件

又係Sam 媽傑作... 走狗!

呢個週末紐約天氣好到不得了，可惜Sam爸繼續要返工。Sam媽咪係咁帶隻豬出去囉~

平時我地會响一塊3 邊有野欄0既草地度玩Fetch，旁邊有個俾小朋友玩0既Park 仔。尋日見有人响隔離個Park度，咪帶Sam去對面馬路另一塊草地度玩囉。

Fetch左幾次，突然間Sam豬咬住佢條繩繩飛跑!

Sam媽點叫都叫唔住... 完全係阿崩叫狗~

條友仔係咁意停過一下，望一望我，繼續跑... 跑過埋條馬路!!!

Sam媽追住去，條馬路係細路，但係都有車，好彩部車要停Stop sign，唔係後果真係不堪設想

衰B 去左邊?

跑返去平時玩塊地到!!

返到去就乖乖咁企定...

Sam媽就驚魂未定咁扯返佢條繩，要佢Down，跟住一輪嘴咁話佢...

仲有幾日Sam爸就忙完，呢D "付look"野應該唔會再出現

Sam媽以後又都只會响返同一個地方同佢玩啦~

Read More

釀滿囉~

個籠好似真係太細...

Sam豬同樓上隻都柏文玩左成2 個鐘, 返到黎灘左入籠訓

Read More

血呀!

尋晚Sam豬如常响我大脾咬佢舊鹿角，無啦啦我見到舊鹿角有血，即刻唔俾佢繼續咬啦。

Check佢個嘴，無牙可以甩架，做咩一口都係血?!

細心D，逐隻牙仔Check... NO!

唔通咬損牙肉?... NO!

條利好大躂血wor, 開口cup 著利?... NO!

睇極都睇唔到邊度有事，但係D 血就係咁流... 0個刻成個人震晒~

唔理三七二十一，俾兩粒冰佢睇下止唔止得住先。

注: Sam豬一直都係無叫，無痛樣...

一路望住佢玩冰，一路睇住D 血溝住冰，得個驚字~

冰玩晒啦，捉佢埋黎再check 多次... 血無晒, 但係究竟係邊度流D 血出來???

咩痕跡都無...

R爆頭!!!

Read More

狗狗歧視問題

最近睇左好多Blog都講關於狗狗被歧視問題，今日响uwants 又睇到呢個題目:
http://www4.uwants.com/viewthread.php?tid=6372076&extra=page%3D3

好多人都以為响外國住D 人就會唔會歧視，其實只是機會少D。

狗主的公民意識來講，唔執狗C 的人响美國大有人在，Sam媽都成日中地雷!


3 樓有隻西施，成日見到Sam都發左癲咁吠，Sam通常都唔理佢。個兩個主人見隻狗一發癲就會抱起佢，好彩佢地唔歧視我隻狗，但係咁做隻狗又點學到野呀...

附近好多細狗，唔少主人見到我同Sam豬都會避開行過對面馬路... 一來佢地覺得Sam豬會咬佢地D 狗，二來佢地D 狗見到Sam豬就會係咁吠，三來Sam豬一埋身就唔係同狗玩而係要痴個主人... 隻豬鐘意人多過狗~

到而家我Sam豬最需要學的係唔好跳上人身... 出街一見到熟人就點拖都拖唔住，我拖實佢埋唔到人身，佢就會係咁吠... 其他人見到又點會唔驚大狗呀...

睇來仲有漫長的訓練日子佢先會學得識

Read More