2014年6月20日星期五

ET 育成記: 0Y4M

上午10:57:00 ET 育成記 5 comments

第3 到第4 個月，ET仔最明顯的改變是開始胡亂發聲，加上不斷咬咬咬

當然有買大熱的 Vulli Sophie the Giraffe Teether!
有點貴，但人手一隻，應該不錯，所以忍痛入手

慶幸ET 仔還算俾面，頗喜歡咬。

唯一問題, 唔可以蒸, 只可以用水抹, 唔係會'毒啞'長頸鹿!

另一隻小香蕉 Baby Banana Bendable Training Toothbrush, Infant，Sam媽覺得同ET 仔好襯，事關ET 仔某些行為都幾似馬騮！

手仔開始可以抓到玩具！

每日Sam媽都會盡量影相，記錄每日變化。

可惜，一轉眼，已經要開工！

頭2 個星期一早就和公司講好Work from home，希望可以比較容易融入回工作mode。

但我覺得係一個好辛苦的過渡期...

之前放產假，每天吃完就食，同ET仔玩一陣又可以放低俾爺爺嫲嫲做下自己野（上網）。
開工後，就算個仔喊都經常因為趕住做，無辦法即刻查看，非常不習慣

爺爺嫲嫲會趕我返入書房添...

5月1日，終於ET 仔開始去保姆家。
第一日出門，爺爺嫲嫲仲俾大利是，說是上學（？）要表示一下。

其實，那一天，大家心裡都很難過... 好像突然間過去3 個月好短，ET 仔突然大個左，好似長大離家的感覺～

開始極度繁忙緊張的日子

每日時間大約是： 7點左右出門口，放低ET 仔在保姆家，再開車去坐express bus。好彩唔塞車的話，8點前可以上到bus，唔好彩的話9點半，10點才到公司... 晚上6點放工（唔使OT 的前提），去接完ET，回到家已經晚上8點！

第一個星期爺爺嫲嫲還在，還過得去... 之後返香港，得番我們自己，簡直命到無！呢個係後話...

幸好在保姆家算適應，乖寶寶一個！

爺爺嫲嫲臨走前，大家一致認為（除Sam爸外）應該幫ET 仔剪左D 頭髮。

因為個頭成日磨枕頭，後腦勺有一片特別短，好似無頭髮咁。

加上傳統來說，剪過的頭髮會長得濃密點。

最後決定買剃刀自己幫ET 剪！

在Macy's 買了把剃刀，$40美金，朋友介紹的牌子。
爺爺和Sam 爸操刀，ET 仔極度配合，完全無郁，變身光頭仔！

爺爺嫲嫲走後一個禮拜，我們都開始進入適應期。ET 仔也建立新的時間表：每晚10點-10點半就食最後一餐，一食完就訓，第朝6點就踢床起身。

之前爺爺嫲嫲朝朝都同ET 仔有傾有講, 但似乎ET 仔唔多習慣, 少講咗好多...

醫生檢查, 呢個小朋友突飛猛進, 身高達到92 percentiles! 遺傳爹地身高??

體重都升, 有76 percentiles, 如果唔係咁高, Sam 媽覺得個重量可能會更高percentile.

本來試過從趴轉身到仰, 但近一個月都沒有成功, 問醫生需要擔心嗎?

醫生繼續一貫"順其自然"法, 仲細, 唔使擔心~