人在香港

唔聲唔聲, 我們番左香港~

其實都係番黎兩個禮拜, 仲超多野做

講起搭0個16個鐘頭飛機, 真係未試過咁辛苦

班機勁爆之餘, 好多細路, 有D 仲會突然大叫, 晌走廊狂跑... D 老豆老母貫徹不干預政策, 原全唔話唔理

基本上無咩點訓過, 超慘

另外, 內地同胞們完全唔理announcement, 機都未停定就拆安全帶起身

無點訓過, 一落機就去狗友的BBQ party, 自己都覺得好強橫

party 詳情番去先再寫喇

Read More

新手C 奶 - 簡單意粉 with cooking cream

早排某日放工行過Penn Station，有人派freebie，Philadelphia Cooking Cream

於是整個簡單意粉...

材料:
意粉半盒

- 雞脾肉
- 洋蔥
- bacon
- 白草菇
所有材料切粒

做法: 
1. 雞脾肉，落油，鹽同basil 腌15分鐘。
2. 意粉按盒上指示整熟，隔水
2. 落extra virgin olive oil 起鑊，用洋蔥和bacon炒'林'，再落雞脾肉和白草菇
3. 雞脾肉轉色後，落意粉...
4. 落鹽和Philadelphia Cooking Cream一盒 (10oz)
5. Mix 均勻，上碟~

呢隻cooking cream味道唔錯，唯一有個問題煮的時候，要落多少少水，同埋一煮好就要遠離爐火，快D 食，唔係好容易就乾到一pat pat ~~~


偷偷話你知呀，Sam媽其實係"飯筒"來，不太愛面類，不過近期實在太忙碌，意粉最緊要係夠~ 快!!!

Read More

睇電視: Extreme Couponing

自己有頭家之後，Sam媽搖身一變，成為師奶仔一個。


平時一個星期總會用個零鐘頭時間，去研究一下Weekly Circular，睇下0黎緊有咩做特價，做定功課，禮拜尾就去入貨。

同時，亦subscribe 好多減價網頁，有平就掃。上網買野前又一定會check 下google 下，睇下有無coupon 先。

電視台TLC，呢個季度有個新節目，叫Extreme Couponing。

成日都唔記得睇，終於尋晚睇左一集，原來有人真係咁EXTREME囉。

其中有個係一日响屋企附近行2 個去收集coupon，甚至有店長會留起俾佢。

又有一個一買就買成百幾，甚至千幾樣同一款的東西。

然後，望住佢地俾錢0既時候，買0既野幾百蚊甚至幾千蚊，因為用coupon，變到只需俾1 折的價錢，可能只係幾蚊.... 真係眼都凸埋!!!


當然，要做到咁extreme，其實都要做好多功課，收集coupon，剪coupon，等等的功夫不能少~

突然想起"依家有喜"裡面的施Auntie!!


不過，睇佢地買一大堆野番屋企，又要搵地方放，又要小心幾時會過期唔用的，都真係幾頭痕...

Read More

春雨綿綿

踏入春季，進入雨水天，Sam媽最討厭的日子!!!!

一年四季，最討厭就是落雨的時候，反正就是討厭，整個人都唔想郁，甚麼都唔想做。

Sam爸成日笑我: 又摺埋~~~

Yup, totally shut down!!!!

現在有埋呢隻小鬼，更加討厭雨天，因為要不停幫佢乾身!!!

出完去，就係一隻落湯雞樣.....

有時玩完波波，仲會一身臭草味，要沖埋涼先得...

吹毛中，你睇下佢0個衰樣，極度唔願意!!

每次同佢吹毛，都會困獸鬥...
即係關埋廁所門，就我兩個，咁就唔怕佢走左去啦~~~

衰到佢攝埋個頭去門角，避吹風機... 會唔會窒息架??????

最慘係，Sam媽一支公搞掂晒，搞完一輪，散晒~~~~

一個星期起碼有兩晚係咁，搞掂晒先可以煮飯，人都癲!!!

Read More

不是dog trainer

Sam媽每日放工後同傻Sam 的路線都係差唔多: 响附近行20分鐘左右，就會去後面街個park 仔度放繩玩波。

因為呢個小鬼有多次走路的前科，所以Sam媽會用同佢上一條長綿繩，咁佢跑起來無壓力，我要捉番佢又容易D


一直都因為天氣比較凍，park 度唔多人，最近開始會暖，開始多人...

早幾晚就有人見到我地玩波，問左Sam媽一句: "Are you dog trainer?"

HUH??????


我有邊忽似??

然後，前晚，又有位女士拖住隻9 歲大雪橇行過: "That's the most obedience dog I ever seen!!"

我估....
1. SamSam有得玩波的時候，係絕對精神係集中 (頭10分鐘only)  所以，佢會好乖地响我身邊放番低個波，咁我可以再掟。佢係一隻專業的尋回犬


2. Sam媽出街，通常會著到好sporty，另加一大堆輔佐物，例如: 哨子，零食袋，小背囊連水同Chuck it... 走難一樣


3. 附近的人，好少walk 狗，更加唔好提會train狗

所以....
Sam媽變相地好似train 得SamSam好掂


其實私底下，SamSam依然係一隻過度活躍的小朋友



不過，偷偷地話你知呀，Sam媽真係有考慮過學做dog trainer 架，可惜，力不從心... 仲有，如果連自己隻衰野都搞唔掂，無咩公信力同信心囉


諗0下就算啦~~~~~

Read More

簽證

倒數緊日子，還有不到2 個星期就會飛~

今天終於拿回拎中國簽證的護照！

講起呢單簽證真係頭都大...

話說，Sam媽無香港ID，無中國ID，得美國護照一本。入香港境內無須簽證，但如果入中國內地就需要簽證。

因為婆婆年紀大，不能再像以前專登去香港見我，所以今年要探佢就要番廣州，拎簽證!!

以往如果要搞簽證，Sam媽都會交俾Sam公去旅行社搞，今次第一次自己搵人搞...

搵到個朋友介紹的旅行社，要交低舊護照，新護照(結婚後改左姓)，結婚證書，還有表格連相，代價: $160 大元

放低所有野之後，旅行社人打0黎說，我沒有填上中文名字。

我問佢，我以前一向都無俾架，點解而家要?? 同埋我個中文名係我自己未嫁前0既姓，同護照上的唔同wor?? (好明顯我唔多想俾個名佢)

佢話: 因為你中國出世，一定要俾。一係你就自己拎去整，一係我就求祈幫你作個名！

我話: 是但你啦，搞掂就好~

結果，今日拎番0黎一睇，個visa 都無中文名0既，點解係都要我俾???

同老死Y 講開，佢同佢妹都係中國出世，但現在妹妹嫁了鬼佬，又改左跟老公姓，咁如果真係要番內地，要拎簽證，咁佢又應該填咩呢？

係，係可以填本來的中文名，但係所有的ID 都係英文，真係亂填都得，咁填0黎做咩呢???

非常唔明白的一件事件

Read More

失驚無神Bake一Bake: 朱古力蛋糕

Sam媽係一個抽起條筋想到要做咩就要即刻去做的人，屬於衝動派

呢日，突然間很想焗蛋糕!!!

想想家裡大約有的材料，馬上research，看看可以做個咩蛋糕...

搵到呢個食譜

終於，呢部舊年入伙，一班朋友夾份送的禮物，可以開封了

材料:
朱古力*     200克      [下面的那盒開過，剩下6塊，一次過落晒]
蛋     4隻      
糖     150克               [落少左D，大約100－120克左右]
牛油     150克          [落少過佢sugguest 的份量，大約係1.5 塊half stick]
麵粉     100克

製作 
1. 烤爐先預熱10分鐘200°C  [400F]
2. 朱古力先切小放在碗裡，隔水煮溶，再加入牛油煮溶，待涼。 
3. 蛋黃和蛋白分開 。蛋白加一丁點鹽，用發蛋器打一會後加糖20克 ，再發至硬身。 
4. 蛋黃跟剩下的糖伴均，倒入麵粉伴均，再加進煮溶的朱古力牛油伴均。 
5. 最後把發起之蛋白分2-3次加入伴均，動作要輕唔好把蛋白泡攪溶掉 。 
6. 倒入已塗上牛油的盤子內，烤25分鐘即成﹗﹗﹗

Step 2 - 隔水溶朱古力中....

Step 3 - 用新玩具發蛋至企身

入爐前，Sam豬覺得好香，係咁聞~~~
Sorry, 朱古力，無你份!!!

出爐~~

月球表面， 外圈仲好乾添...

切出0黎食落口，朱古力味就好夠，又唔會好甜

不過... 質感方面比較似Brownie 多過蛋糕!!!!!

Sam爸話佢食到D 粒粒，問我係咪落0左nuts，梗唔係啦，我估係朱古力無溶晒

即刻向悉尼學緊整餅的好友求救，究竟邊一方面有機會出錯?

好友說，Step 4，蛋黃其實應該都要發起，雖然唔會變到蛋白咁企身，但顏色會變淡好多之後先再mix其它0野，咁出0黎0既質感會似蛋糕多D

如果要再蛋糕質感多D，還是要落baking soda... 尤其係，我用0既只是普通All Purpose Flour

收到晒~~~~

下次再試，而家即刻要考慮點做0既係.....  點樣消滅家中的蛋糕!!!

Read More

結婚不是2 個人的事

Sam媽老死Y定婚了，只是2個星期的熱情，婚前恐懼就出現

話説，老死Y的未婚夫係巴基斯坦人，衰格的Sam媽一早就唔太睇好呢段異族情緣，不過Y愛情至上，作爲best friend都唔好講太多，佢開心就算。

Y 的妹妹去年結咗婚，係美國人，所以相對來說，Y 家裡對於異族婚姻問題不大。

不過，Y 的未婚夫屬於伊斯蘭教，家裡一向希望佢娶同教的，又因爲佢係大仔，問題似乎比較麻煩....

一直Y未婚夫的媽媽都不太給好面色，Y就知道，要結婚，人媽的一關不會容易。

至於人爸，似乎還算可以接受異族的Y。直到....... 他倆宣佈要結婚!

人爸說，因為Y 不是伊斯蘭教，就算結婚，都不會被神保佑，與其結左唔好0既，Y需要"Convert" 入教!!!!!!

Y 一向都係烈女，打死不從，Y的未婚夫也不贊成。

現在的情況是膠著，Y發晦氣說唔要婚禮!

Sam媽就梗係唔贊成啦，一生人一次，以後佢一定會後悔... 加上我認識佢咁多年，點會唔清楚佢脾性呀~~~

我就建議，不如大家兩方面的傳統都唔好做，直接美式！

Y 又唔肯wor，佢係都要做齊過大禮，出門同裙褂。

真係估佢唔到，明明係蒸生瓜，居然要做齊呢D 傳統野，反而Sam媽自己一件都無做!

現在唯有希望佢兩個可以傾得掂，搞得掂係啦~~~



另外一個朋友A，都搞緊結婚，聽說也有一場大龍鳳發生左....

A和G 經歷過好多風浪，從high school 開始，離合過幾次，十多年了，終於要修成正果。

多年以來，G 媽也係唔多喜歡A，以為結婚G媽會係最大阻力，點知...

聽講 (Y的八卦) A媽知道佢地要結婚，發了一大輪脾氣，說G 沒有"Ask for permission"，無同佢地溝通。咁如無意外，都應該同禮金之類扯上關係。

A 無奈地同Y 講，A媽足足指著G 鬧0左30 分鐘!!

之後一大堆要求，要這樣要那樣的，聽見就頭痛!!!


最後我想講.... 我好幸運呀!!!!

當初結婚，所有野我都可以自己話事，雙方家長又由得我地。

Sam爸沒有"Ask For Permission"... Sam婆沒有買龍鳳鐲...

繁複的傳統，基本上無做過，唯一就只有斟茶~~

簡單又難忘的婚禮，沒有港式的做show feel


正在計劃結婚的朋友們，加油呀!!!

Read More