Sam媽的新玩具

舊的相機Canon S30，其實還可以用，而且超愛它機身細細，容易攜帶~ 只是battery 不太靈光，需要買replacement。

Sam媽貪心，決定買過部新相機!

本來都有興趣買GF1，但實在無法負擔那價錢，加上我們還有部DSLR，沒有必要買多部需要不停買鏡頭的相機。一部point and shoot傻瓜機有點新功能就可以了~

最後買左Ricoh CX3。

老實說，一直都是Canon 粉絲，突然買Ricoh，有點難上手，還有點背叛的感覺

現在還努力研究作用中~

Rocky 的生日party就是用新機影的。

不過好驚險! 因為這機有快拍功能，可以從連串拍中逐張save 同delete。去完party那晚，因為未熟悉運作，整張memory card都洗掉了!!!

幸好現在科技發達，可以隨時上網尋找解決方案，相片全數救回~

希望這次旅行，我不會再有這個問題...

Read More

台灣狗誌

開始寫blog 的時候，認識了好多香港狗主，可惜最近大家都懶了!!

結果Sam媽向台灣方面進攻，在這裡介紹幾個blog俾大家，等大家唔使响我地一家外遊的時候咁悶!

方家小饅頭
饅饅媽咪成日帶佢周圍去，差不多日日更新post饅饅靚相

豬頭黃金獵犬 & 頑皮柏恩山
2隻金毛加2隻柏恩山，主人好利害!!!

Andrea‧Corleno的網誌
記得之前有個關於"黃金弟弟"的故事嗎? 安德魯就是執到狗狗的那位主人!

金毛ROCKY吳洛基 VS ODIE吳歐弟
一對可愛的金毛兄弟，主人經常帶他們去游水，不得不令人贊嘆: 台灣好多俾狗狗游水的地方!!!!

三小獅麻的網路日誌
以為養4隻大狗就利害嗎? 這一家更利害!!
3隻成年金毛，1隻拉拉再加1隻金毛BB~
他們之前有一窩新生金毛B，超可愛的~~~

Read More

微博了嗎?

Sam媽一向追潮流，呢期微博咁hit，我都玩左一輪啦，你今日微博了嗎?
http://t.sina.com.cn/peggycheung

Facebook 唔係唔好用，不過因為係個人戶口，所以唔會公開。
(又其實我係咪應該都好似大家咁開個戶口俾SamSam呢? )

不過如果你so happen見到我0既，send 個FB message 俾我，add 我啦~

Read More

要轉寄宿了!

去旅行時，一直都將SamSam 寄宿於同一個地方(放假中的Sam)。

當初選擇這個地方，因為佢唔會將狗狗困籠，還有一個超大有圍欄的後院。當然，價錢亦非常ok。最好就係佢可以接送，皆因佢都幾遙遠~ 從舊屋過去，起碼2 小時以上!

最開始我們有去看過地方，佢係家庭式運作，我們亦好滿意所看到的。

不過，最近幾次，我們發覺有好多問題!

首先，Scotchie一家同我們住得算比較近(舊居)，但接送費居然可以相差$10 一程！

另外，每一次收費都可以俾不同價錢我們。有時候$30，有時候$35(每日)。叫佢解釋，佢就次次都話一向都係收那個價。明明次次不同!!!!

把每餐SamSam的食糧放好一袋袋交低... 試過不夠食，試過食剩好多袋... 已經pack得很好，算得很清楚，只會多放2 袋，不會太少不會太多，點解都會有這些問題出現?!

除了開始2，3 次寄宿完有洗過澡的味道外，現在已經沒有了。但明明佢現在落廣告都會說bath included!

上年回來SamSam耳朵更加發炎了! (詳情:動物接觸日?)

今次去cruise，又要放低SamSam。Email問佢，我們會好像平時一樣先付一半，支票寫誰好(又係次次不同!)

佢搬出大條道理，說個個客戶從來都一次先付清，我們不可以不同。

我將以前的email關於先付一半的foward番俾佢，叫佢看清楚我們也是"從來"都這樣的，為甚麼這次要不同?!

佢寸到呀，email 原文節錄:
I have already figured out the budget that has your total amount figured into it for what needs to be paid for the end of this week as far as bills.
 
Imagine if your boss that you work for, told you that he was only going to pay you half now and then in another 2 weeks he would pay you the other half.

大佬，你的經濟問題要我負責??

錢，我不是沒有，但我也有我的計劃。你一向都這樣收費，這次突然不同，我也被你打亂了!

如果你一開始每個客戶都一樣對待，就不會有今天這樣的事情發生!!!

受夠了佢次次的藉口，如果不是只有2天就飛，我們絕對會馬上換一家新的!!!

8月會再去旅行，現在開始就找新的寄宿，以後不再用佢!!!

Read More

Rocky 的生日party

朋友的北京狗Rocky 1歲生日，在家開BBQ party。

本來需要收拾東西準備旅行，不過之前一個星期原定在我們家BBQ，因為Sam公入院，已經腌的食物要清理掉，所以這個星期BBQ就剛好，不用浪費食物!

去party前，帶SamSam去剪髮，好失望...

一向在Staten Island PetSmart剪都好ok，由於時間關係，這個星期沒時間回去，結果在家附近的Petco 搞定。

錢用了，但剪得好醜樣! 以後都不會再回去!!!

胸口的毛好像沒修過; 耳朵毛好似隨便剪剪就算; 肚肚毛剪得一忽忽; 屁股毛仲衰，好明顯被不小心鏟了一忽; 尾巴毛沒怎麼修... 加錢刷牙，可是牙好像還是很黃，究竟有沒有刷過?!

幸好SamSam不介意，還是開心笑臉!!

Rocky媽的自制蛋糕

狗小食: 左邊Sam媽做的南瓜餅餅，右邊Rocky媽做的紅蘿蔔雞肉條

人的食物...
Beef short rib, pork belly, fish ball, chicken skin skew, chicken meat ball skew, mushroom, hamburger, Japanese style pork, Taiwan style sausage, Japanese style sausage, American sausage

Rocky 同SamSam從來未見過，除了一入門，SamSam吠過Rocky幾聲，一整個下午，Rocky都不停撩SamSam玩。

與其說玩，老實說，Rocky似乎不停地hump SamSam多D。

難得SamSam又唔發惡，Rocky就"二仔底"死跟~

SamSam俾Rocky撩得利害，發動進攻，追~~~~~~

Rocky細細隻，不停在SamSam身上跳，又壓住啦!!

以前SamSam玩摔角起來都會幾"狼"，出乎預料，同Rocky玩得幾gentle

SamSam: 細路，你咪扮野啦! 我唔怕你架!!

壽星仔
(不夠高影相, haha)

Rocky: SamSam，見你今日同我玩得咁開心，你想食多D 蛋糕? 無問題，拎埋我0個D 都可以，不過要繼續同我玩!!

好難得兩個小朋友的合照，而又唔係"摔角"中，另外一隻係Rocky 的生日禮物狗~

你看我SamSam那哨牙! 真要命的可愛~~~~~

因為一整個下午Rocky都不停搵SamSam玩，幾乎沒怎麼停過，回家後的SamSam完全昏睡死了。太久沒有跟狗狗玩摔角，今天的metal exercise有夠他受了! 

另外，Rocky好好笑，我們走的時候，佢不停在門口吠，好像在說，"你們幹嘛帶走我的狗?!"

Read More

One week to cruise!

自從响墨西哥番0黎之後，未出過國旅行，因為要回氣同儲錢買屋...

另外就係要為0黎緊0既旅行儲彈藥!
下個禮拜我地就會開展11日0既旅程 - 阿拉斯加之旅~~~~

首先我地會先响溫哥華留玩2 日，因為未去過，所以提早少少去逛下...

星期六就會上船，由溫哥華出發，8日cruise 坐Princess:

Day 1 - Vancouver, British Columbia  
Day 2 - At Sea    
Day 3 - Ketchikan, Alaska    
Day 4 - Juneau, Alaska   
Day 5 - Skagway, Alaska 
Day 6 - Glacier Bay National Park, Alaska
Day 7 - College Fjord, Alaska
Day 8 - Anchorage (Whittier), Alaska

最後我地會响Anchorage 停多1 日去個tour。
幾年前坐過一次cruise 去Bahamas，簡直愛上cruise 呢個玩意~

可能我老餅啦

，鐘意舒舒服服咁去玩，訓醒又已經响一個新地方，唔使擔心拎行李搬酒店。

好多人都驚會暈船，其實隻船咁大部，好穩陣。除非天氣真係唔好，超大浪，好似我地上次咁，就會有D 飄浮感，但都唔會暈船囉。

今次我地第一次一班朋友一齊上船，一齊去玩，仲有一個星期，好期待呀!!!

*但係到而家都未research 究竟有D 咩係必做必食....
有無人去過，又或者住緊溫哥華0既blog 友可以介紹下呀??

Read More

Sam公入院記

原定母親節前0既星期六，响屋企搞個BBQ。入伙咁耐，都未請朋友入黎玩過，難得大家有時間，拿拿臨準備野，準備玩返日。

結果，星期五晚，Sam婆打黎話Sam公唔舒服。咁我叫佢如果真係頂唔順0既，叫佢附近D 朋友送佢去睇急症啦。

Sam婆話Sam公好暈，去唔到，等佢訓一晚睇下點先。

ok。

星期六清晨6點幾，Sam公自己打黎話要我送佢入急症室。

我話，喂，我地住咁遠，返得黎都成個鐘之後0既事啦。

佢話佢等我返黎打911 叫救護車。

老實說，以我地所知0既緊急救護事件，救護車係可以成個鐘先黎，跟住入到ER，幾個鐘先會有醫生睇，所以極度唔想送Sam公入ER。

不過，佢講到咁辛苦，Sam爸Sam媽唯有飛車返去睇下點。

返到去，Sam公其實講野係好清醒0既，所以我地繼續都係想同佢講數，等佢去睇家庭醫生。

Sam公死都唔肯，話完全郁唔到。

無計，唯有打電話叫救護車...

等車時，Sam公响度講晒有D 咩我要知，in case 佢有D咩事... (無奈 >.<)

估唔到，"bibu"車15分鐘左右就到wor!!

兩個EMS 抬Sam公上擔架凳，Sam公叫到拆天..... "好暈呀，Help Me!" (暈)

佢又唔係手腳無力，淨係暈0者，都唔知搞乜!!!

結果，Sam媽陪埋佢上救護車，直駛Staten Island University Hospital。

咁大個女，第一次坐"bibu"車.......

入到ER，好快就有護士黎睇，個黑人護士仲同我講，睇Sam公D 症狀，應該好少事，因為所有野都好ok: 血壓，心跳，反應全部無問題。估計佢係耳水不平衡，不過要等醫生睇過先可以落判斷。

半個鐘都唔使，就有醫生啦。(上次Sam媽响ER 坐左3個鐘先有醫生睇...)

醫生判斷: Funnel (中文應該就係類似耳水不平衡)

因為Sam公過左60歲，所以要幫佢做個腦掃描，make sure 個腦都ok。

本來成日都好快，不過，咁邪地，Staten Island Ferry撞船，有D 傷者分流送左入呢間醫院，好多野都慢左。

一邊吊針，一邊等CAT scan。end up 成3 點幾先可以照。

等多45分鐘先有報告出，一切正常!

拎埋藥單，5點鐘終於出院~

一整日，個好似Chris Rock 0既男護士一直都好幫手，到我地走，佢仲幫手用輪椅車Sam公去上車。

終於返到屋企.........


***
之後同Sam "女麻" 講起，原來佢之前都試過，不過佢就勁啦。

半夜三更，自己暈醒，唔叫醒Sam爺，一個人坐的士去ER!!

勇爆~~~~~~~



###
另外好好笑...
Sam公入左ER 之後問左我一句: "點俾tips EMS?"
佢當左自己係貨物???!


---
題外話，今次响SIU hospital 0既ER 經歷完全將Sam媽之前0既經歷改寫!

上次真係爆晒粗: 醫生3 個鐘先黎睇我; 護士見我吊針瓶空左，d血倒流入瓶，都淨係講左句: 幫你搵返負責0既護士，就閃左; 留醫，痛到叫救命，個護士都可以唔理... etc. 種種經歷歷歷在目................

Read More