惡狗纏身!

唔係，惡狗唔係我家SamSam!!

自從搬左新屋，都差唔多成2 個月啦，SamSam開始慢慢適應... 不過，夜晚行街都仲係有問題!

平時如果天黑以後同SamSam行0既話，佢條尾好多時都會"dup"落黎，我估佢都仲係覺得新地方唔多comfortable啦。

其實我地附近好多人養狗，但係唔係隻隻都有好0既社交。好多都會見到第隻狗就發左癲咁狂吠! 細膽SamSam好怕俾狗吠...

尤其如果出門口轉右，大概10間屋左右，對面有隻超惡死0既狼狗! 如果佢個主人放佢响前yard (有欄)0既話，SamSam响8間屋0既距離就打死都唔行!!!

尋晚又係，我見佢係咁縮又唔行，响head colloar度除左leash，換落佢條choke 度，choke 佢行，因為真係好想SamSam面對呢隻死狗，無理由要我地就，唔行條街0者?!!

不過，無論我點choke，SamSam都係激驚，條尾'dup' 到好貼，係咁扯我要'捐'入D 矮樹叢。(差D 又搞到我PK!!)

我出動埋treat 放响佢個鼻度，話俾佢，想分散佢注意力都唔work~

就算平時隻衰狗唔响度，SamSam都會記得，唔肯行架!!!

心都痛埋...

又想佢face 個問題，但見佢咁，又覺得係咪自己太過夾硬...


另外，好多狗都會响間屋都吠出黎，大概係我地行過佢地0既'領地'啦~ 又都睇得出，其實真係好多人都只會放隻狗出後院就算，唔會好似我地咁行。

當中，我地隔離隻狗，我覺得最可憐!! 佢叫Max，border collie，好似3 歲。但係，我未見過隔離放過狗。淨係知道晚晚10點幾，佢地就放隻狗出去yard 度，自己就關埋門由鬼佢自己玩。

結果，我地同SamSam椗波，max 就係咁吠。

第一次SamSam聽到吠聲都驚架，不過我係咁撩SamSam繼續玩波，SamSam而家都費鬼事理max!!

反而係個主人頂唔順max 係咁嘈，所以呢幾晚如果我地椗緊波，max 吠0既話，好快佢主人就會叫返佢入屋!!!

講真，border collie 咁好精力，我可以想像度佢地間屋裡面max應該都好戰績輝煌!!


不過，夜晚放狗，SamSam 咁驚0既問題，真係好頭痛，可以點呢......

Read More

Shopping 係調節心理的良藥 >.<

基本上女人要調節心理狀態0既時候，shopping 係最好不過0既良藥。

只係，養左狗之後，進攻0既目標大概都只在傻狗身上 (狗奴才! 可悲 )

6 MONTH Frontline PLUS
$74.99 
spring time啦，最貴的expense!!

Premier Busy Buddy Twist N' Treat

$6.99 
俾D mental exercise 佢!

Four Paws Antiseptic Quick Blood Stopper
$4.99 
雖然平時都唔多使幫SamSam剪指甲，但都in case 有咩損傷買定無壞!

Premier 1 in x 6 ft Leash
$3.95 
見佢平平地，買多條看門口~

Chuckit! Plush Ball
$6.8 --> $2.8 
買0既係波波型，諗住一向佢D product 料都唔錯，減價買隻俾傻Sam，點知都只係20分鐘就收左皮!!!

Class Red Kong
$8.5 --> $4.5 
一向出門口前都習慣俾Kong，等SamSam唔好望住我地出門，見平，買多隻而已

Kong Platy Duck Dog Toy
$4.99 --> $0.61
完全係貪佢平，又橫掂都要俾shipping，預左KO時間係10分鐘! 不過呢隻野，呢個價就算即刻KO 都買得過，另外送多隻squeeker wor!

 
Chuckit! Amphibious Flying Ring
$12.99 --> $6.45
之前0個隻玩爛左~

終於買返呢堆係自己0既~

L'EGERE SPF 34 UV White Blemish Balm Cream and Aqua Shiny Pearl BB
Powder Set
$19.99
天心limited edition wor，見到個個都話BB cream得，買黎試下，都幾ok 0既。不過因為我皮膚係爆乾，所以唔算夠水~

Beauty Hair Volume Liquid Wax (For Short Hair)
$18.99
我D 頭髮屬於超薄勁細類，呢隻野係"女人我最大"強烈推介0既。用處係噴左之後，D 頭髮會增加volume感，我覺得係得0既，D 頭髮用左之後係無咁榻!!

DHC Make Off Sheet Our Price: USD
$7.50
買定去旅行!

Kevin Beautymaker Acne Treatment Gel
$14.5 --> $9.99
用左一次咋，D 瘡瘡真係無咁痛，扁返落去!!!
同埋我好鐘意佢個design，好似唇膏咁推D liquid出黎~

Kangaroo Keeper
$19.99
睇見Mui 推介，我又走左去買，等緊ship黎...

越窮越要買，女人呀~~~~~~~~~~~~~~~~~~~~

Read More

鐵霸 vs SamSam

Sam媽呢排真係懶左好多，經常都隔成個星期先寫blog...

呢張相又係上個星期0既事lu~

都唔知點解架，總之Sam媽一手用chuckit fing個波出去，個波就俾鐵霸咬住左!

SamSam出盡力同鐵霸交手(口)左好耐先可以鬥贏佢拎返波波~

Read More

藥煲豆腐人

一向都知道自己身體唔好，不過無想過咁差...

條腰骨/脊骨開始好返D，不過都定時一個星期睇2 次chiropractor。之前一個星期睇3 次，所以而家叫做減左0架啦，而且最近阿醫生仲俾我其中一日做massage therapy!

另外隻手... 有排搞。其實幾年前都睇過物理治療架啦，但係唔見好轉，睇左幾次就無再去。

而家睇緊0既clinic 都睇到第二個治療師先叫左搵0岩，因為佢話之前咁多個物理治療師都淨係著重要我做運動係錯0既，我D 肌肉已經tense 左好耐，一定要鬆返晒先可以再以運動去build up 返D 肌肉力量。所有0既運動都只會令我0既情況加劇，而唔會令我有好轉。所以一直佢都幫我放鬆緊D 肌肉 ，係有用架，我真係覺得好左。但係long way to go!!

不過... 因為呢度D 醫生醫完一度先會醫另一度，我隻tennis elbow 就只有繼續由佢痛落去~~~~

尋日拎左上年roll over 最後一日0既假去body check。

以前0個個醫生真係好鬼麻麻，所以轉左個friend 介紹0既，真係幾唔錯架。

不過佢D 說話都幾嚇人，話說Sam媽條頸有粒淋巴顆，要小心D，如果發大左就要即刻做化驗，因為cancer 0既前期就係咁架啦但係我一直都未有0既，就唔需要咁擔心住。

跟住佢話我血壓超低，驚我低血糖，要我減澱粉質... 否則好容易有糖尿病wor~ 同埋叫我最好買部血壓機，日日睇住自己D 血壓... 因為最驚我會係敗血症(base on 我之前入院0既原因)! 我會等佢個report 出黎先決定有無呢個需要~

阿醫生又敲我肚皮，佢話我大腸有氣(?)，應該消化唔好，呢個真呀！睇佢之前，我去左睇中醫，中醫都係話我消化唔好，循環系統麻麻地

我問阿醫生，我唔飲得奶，會唔會唔夠鈣? 醫生話，其實呢幾年0既研究報告指出，奶其實係對我地身體唔好架，我飲唔到唔係壞事。我地應該均衡飲食，响其他食物度攝取鈣，同埋我應該做多D 帶氧運動，曬多D 太陽~

跟住做左個心電圖，非常正常! (好彩) 只是... 貼上0個D 貼紙，令我想起入院之後，成個月都仲有0既0個D 心電圖貼印

下個星期睇報告，其實，我而家已經擔心緊仲會有D 咩問題會出現。之前幾年個爛鬼醫生都話我個report 好好，希望係真

但由今個星期開始我就會食中藥調理身體... BOY 爸我信你架，你話我好快就會好架

(p.s. 原來敗血症會好容易死... 一般黎講，好少young 0既人會有，但係我之前入院0既所有症狀黎講，都直指"敗血症")

Read More

傻狗上樹

都唔知道由幾時開始，SamSam咁鐘意波，鐘意到為波上樹!!!

去公園玩呢，SamSam會顧住玩，好耐都唔肯去廁所。
咁我地就只有放起個波同個chuckit launcher，要佢去左先再玩...

而個傻仔就會係咁撲棵樹，要拎返個波!

低能仔!!

通常佢試得一陣知道唔得，就會死死地氣去辦公先~

Read More