2009年6月30日星期二

鐵人賽

下午1:54:00 張家狗 No comments

鐵人者，Sam媽Sam爸是也~

星期六凌晨2 點幾返到屋企，第朝又9點起身帶傻Sam去游水~

夏天時間唔長，梗係要游爆佢啦!!

認得條路0既傻仔... 踩到我隻大脾紅晒!!!

SamSam: Give me the ball!

Sam媽: 你坐好先啦
(D 水好清呀!!)

SamSam: 快D 啦~ 電下你先!!

同行又係靚女Madison!

無帶大機，淨係得iphone，但係應該都睇到，Madison 係咬住佢自己個圈圈再'lup'埋Sam豬個波，咬住兩樣野游緊返黎!

個Sam豬就跟住响後面游~

結果，游左兩日水，再加之前一日掛住八，無訓晏覺0既Sam豬好似死左咁，訓到點踢都唔郁!

09第一次BB蕉

上午10:21:00 張家狗 13 comments

等左好耐，終於又有得帶埋傻Sam去gathering啦!

好難先有機會帶埋佢去呢d gathering，因為大部分朋友都無養狗，唔係個個都接受到我地隻大野~

另外有朋友自己有狗，但係佢隻狗狗年紀大啦，唔鐘意有其他狗去佢地盤。上次去完，佢係咁响屋企各個角落放低幾兩，搞到我個朋友都話唔好意思，下次SamSam唔可以再去。

結果... 可以帶埋SamSam去0既地方越來越少... 得返今次去0既呢個朋友度

佢地住得比較遠，但係地方好大，所以我地都好鐘意去佢度玩。

臨去之前，約埋Madison去游水放緊d 電先，唔係咁多人，傻仔實發癲!

結果... SamSam應該記得呢度(其實上次黎已經係聖誕節)，入到屋，條友响人地間屋度狂跑左幾個圈，碇足幾個彎先停。

開始燒啦，綁埋佢一邊~

Overall，佢算乖，我地燒左幾個鐘，佢都係吠左幾次。

咁當然，Sam媽有俾D 好野佢食啦... hahaha~ 第一次食腸仔，超鐘意!!

不過d 燒雞翼實在太香啦，SamSam好想食呀~

SamSam: 姐姐，請d 黎食下啦!

姐姐: SamSam，你想食?
SamSam: 係呀係呀!! (坐得幾靚仔!

)
路人夫婦: 個0靚仔識唔識架?

姐姐: 俾隻手手我啦
SamSam: 即俾! 野食呢?
路人夫婦: 咦，有d 料wor! (~爆~)

Sam爸: 你俾埋ten 先啦
SamSam: 無問題!
路人夫婦: 搞咁耐都無野食，個細路真係慘

食飽同個傻仔去透下涼先~

後院有張吊床，爽呀!

次次同SamSam影相，佢都好似巨人咁~
其實係我瘦，唔係佢大隻~

青青草地同金毛最合襯!

餘興節目，pictionary~

呢班人玩親都勁激動，超大聲...

傻仔其實真係好累，所以你有你玩，佢有佢訓。

可憐Sam爸，成日都因為Sam媽周公急call，玩得唔盡興，又要中途離場~

係時候我地自己整返間屋，等d 人黎我地度，咁Sam媽可以死返房訓，佢地繼續開心!

返屋企0個陣超塞車，到站都已經凌晨2 點~

Head Collar試用報告

下午2:26:00 張家狗 13 comments

用左差唔多一個星期head collar，報告如下:

帶左之後，SamSam好似真係變左第二隻狗咁，淨係勁行勁行勁行勁行勁行同勁行!!

絕對扯少左繩~

而家成日同佢行都唔覺自己拖住隻狗

但係Sam爸覺得Sam豬好慘wor，唔得好似以前咁聞地。

拿，Sam豬唔係無得聞地，係專心左行遮

至於去廁所問題，戴左head collar都係無唔戴咁快去到，but he's learning!

不過呢，又都因為傻Sam而家行得好左，我發現我地平時行開0既路程足足短左10分鐘以上!!! 結果，Sam媽又要計劃過條路線，等佢可以行得耐D。但自己就行多左，辛苦左

另外，睇左manufactor 隻DVD，跳人0既問題都可以戴head collar黎訓練。

咁到呢刻為止，只要SamSam戴住個head collar就好容易control到，表現又都乖好多。一用返choke 就難控制，唔通要長期戴住?!

又可唔可以長期戴呢???

老細，要加鐘嗎?

上午9:46:00 張家狗 12 comments

紐約今年六月癡左線... 係咁落雨!!!

好彩禮拜尾朝早都通常無雨，可以帶Sam豬去park 放電~

不過之後0既功夫就多好多... 因為條友係水tum 都跳落去，一身臭泥水味!!!

返到屋企即刻要沖涼!!

吹緊風0既傻Sam幾嘆~

Sam媽披頭散髮咁吹，Sam爸就幫佢按摩...

老細，使唔使加鐘添呀?

吹吹下... 突然發現... 呢個樣咁似goolo/妹妹0既?!

(阿四繼續响後面努力中......

)

都話我傻仔似女仔架啦

Head Collar 問題!

上午11:07:00 張家狗 No comments

買左個Gentle Leader Head Collar 成個幾月，尋日終於開齋!

不過有D 問題想請教一下其他有用Head Collar 0既狗主!!

幫SamSam試帶0個陣，佢有輕微掙扎，但係我有用小食引佢，咁佢都ok 接受。

帶住head collar 之後，SamSam好似變左另一隻狗咁，自動自覺行响我身邊...

不過...

條友乖過"窿"，連大小都唔去!!!!

平時一出門口，佢就會去pee pee。尋晚完全聞地0既意欲都無，淨係係咁行... 行左一個block，我就換返用choke chain，佢就即刻就地解決，仲好多添! 行多兩步去埋poo poo...

心理問題??

佢都有行行下用個paw 想整個head collar 落黎，但係唔算利害.

請問大家，你地D 狗狗用左幾耐時間先適應? 有無D 咩tips 可以等佢地"平安過渡"?