平時一個星期總會用個零鐘頭時間，去研究一下Weekly Circular，睇下0黎緊有咩做特價，做定功課，禮拜尾就去入貨。
同時，亦subscribe 好多減價網頁，有平就掃。上網買野前又一定會check 下google 下，睇下有無coupon 先。
電視台TLC，呢個季度有個新節目，叫Extreme Couponing。
成日都唔記得睇，終於尋晚睇左一集，原來有人真係咁EXTREME囉。
其中有個係一日响屋企附近行2 個去收集coupon，甚至有店長會留起俾佢。
又有一個一買就買成百幾，甚至千幾樣同一款的東西。
然後，望住佢地俾錢0既時候，買0既野幾百蚊甚至幾千蚊，因為用coupon，變到只需俾1 折的價錢，可能只係幾蚊.... 真係眼都凸埋!!!
當然，要做到咁extreme，其實都要做好多功課，收集coupon，剪coupon，等等的功夫不能少~
突然想起"依家有喜"裡面的施Auntie!!
不過，睇佢地買一大堆野番屋企，又要搵地方放，又要小心幾時會過期唔用的，都真係幾頭痕...
發表文章
我諗好 depends 買的東西有無用... 不過即使是 toilet paper 呢啲一定有用的東西...... 幾百卷 / 幾千卷都要搵地方放㗎?
回覆刪除[版主回覆04/21/2011 21:13:00]佢地真係成個車房convert 做storage~ 但係幾千卷toilet paper，用幾耐先用得晒?!
我都有睇呀，覺得佢地好勁，成間屋同車房都變左個貨艙咁，其實係咪真係用得晒呢？
回覆刪除[版主回覆04/21/2011 21:14:00]超癲囉，有個就話會捐緊D，其它0個D 真係唔知道佢點可以响expiration date 之前用得晒!!
where can see this TV show?
回覆刪除