今天終於拿回拎中國簽證的護照！
講起呢單簽證真係頭都大...
話說，Sam媽無香港ID，無中國ID，得美國護照一本。入香港境內無須簽證，但如果入中國內地就需要簽證。
因為婆婆年紀大，不能再像以前專登去香港見我，所以今年要探佢就要番廣州，拎簽證!!
以往如果要搞簽證，Sam媽都會交俾Sam公去旅行社搞，今次第一次自己搵人搞...
搵到個朋友介紹的旅行社，要交低舊護照，新護照(結婚後改左姓)，結婚證書，還有表格連相，代價: $160 大元
放低所有野之後，旅行社人打0黎說，我沒有填上中文名字。
我問佢，我以前一向都無俾架，點解而家要?? 同埋我個中文名係我自己未嫁前0既姓，同護照上的唔同wor?? (好明顯我唔多想俾個名佢
)佢話: 因為你中國出世，一定要俾。一係你就自己拎去整，一係我就求祈幫你作個名！
我話: 是但你啦，搞掂就好~
結果，今日拎番0黎一睇，個visa 都無中文名0既，點解係都要我俾???
同老死Y 講開，佢同佢妹都係中國出世，但現在妹妹嫁了鬼佬，又改左跟老公姓，咁如果真係要番內地，要拎簽證，咁佢又應該填咩呢？
係，係可以填本來的中文名，但係所有的ID 都係英文，真係亂填都得，咁填0黎做咩呢???
非常唔明白的一件事件
發表文章
160!!!??? 我呢邊搵人搞大約30蚊-40蚊ja ~~~
回覆刪除[版主回覆04/12/2011 21:23:00]咁平? 我$160連申請費wor....
睇到頭都大埋
回覆刪除[版主回覆04/12/2011 21:24:00](Empty)
i think this kind of application form requires the applicant to sign at the bottom of the form? By signing, i would assume the applicant declares that all info filled in is true and honest. So, i would presume if a chinese name is written, it has to be true. It is just my opinion.
回覆刪除總要搞掂無出亂子就話之佢！
回覆刪除