2010年2月18日 星期四

屋企有鬼??

繼續SamSam 最近0既問題...

呢兩日SamSam 0既行為都好奇怪!

例如,前一秒都靜靜地訓响度,但係會突然成個彈起,然後望住某一個位置(次次唔同)。佢成個身會僵直晒,好tense,無論我叫佢幾多次佢都可以完全唔理我。

尋晚我見佢咁,咪行埋去摸下佢,叫佢relax 啦。點知佢轉頭對我'戚'嘴!

又黎?????????

今次佢無E 牙,但係一晚有幾次都係咁。

有2,3 次仲有D 低沈0既吠聲,好似有人响門口咁(事實係無)。

好似變左另一隻狗咁,我真係呆晒,唔知道可以點.....

我同Sam爸講,唔通間屋有鬼? 得SamSam 睇到我地睇唔到?? (苦中作樂...)

結果今日research,見到呢篇文章,加埋各位blog 友0既留言,即刻'叮'左一聲!

係wor, 會唔會其實SamSam 係恐懼呢??!!

但係又會咁得意0既,住左兩個星期先出問題??

Anyway,知道問題所在,希望黎緊可以好好地work on 佢呢個問題,早日令Sam媽我脫離恐懼!! (Yeah, I am now the one being fearful!!!)


Related Posts:

  • SamSam回新家啦!本來星期四搬得成0既話,我地有星期五一整天可以收拾,咁SamSam返黎都唔使盲頭蒼蠅~可惜...結果星期五先搬到,星期六就要接返SamSam。我地就唯有用淨餘的時間好努力咁執執執,將大件野擺好位置~精疲力盡..................因為擔心唔知道SamSam對新環境有咩反應,所以我地一早就… Read More
  • SamSam and Alfie搬家的日子,把SamSam送到朋友父母家中留宿。最近一直都將SamSam寄宿於這裡,因為朋友的爸爸喜歡大狗,也很喜歡SamSam。可惜女兒養的是Corgi,平時不會和Alfie 去街,只會讓朋友媽媽搞掂。但係當SamSam去寄宿時,Uncle就會帶SamSam出去。朋友戲言,因為爸爸覺得帶Alfie… Read More
  • 好似太陽咁溫暖~新屋同舊apartment 最大0既不同,絕對係室內溫度0既問題(起碼SamSam都同意!)以前因為係租屋,government regulate,一定要有某個溫度,所以成日都好夠暖氣。勁到有時Sam媽可以著吊帶!!  新屋自己要pay,加上空間比較大,D 暖氣開幾大都係唔夠...响工作室… Read More
  • 雪雪雪2010美東地區又落大雪~紐約各區平均落左10-15inches...咁多雪究竟邊度嚟㗎?!!暴雪過後的清晨~Sam爸又要一個人開路同剷返架車出嚟~我地部車本來藍色㗎,變左白色lu!帶SamSam出去行個圈,某鄰居門口嘅矮樹...我哋個屋頂,今次有埋冰柱!!!本來個back yard 仲未清理好,仲有D 玻… Read More
  • 開你個年!!!這個新年真熱鬧... 熱係興,俾人搞到好鬼興!鬧,係有人俾人鬧到飛起!!大年初二去park 放狗,一直都相安無事,直到差唔多走,SamSam 偷左George爸隻手套跟住係咁跑~~~~於是Sam爸就去捉返佢啦...搞左一輪,終於捉到啦,點知..........佢對住Sam爸E 牙!!!!!!Sam爸… Read More

8 則留言:

  1. 可能samsam未適應新屋, 我地剛搬屋後頭2 個月, 二, 三少成日打交, 好唔好老皮, 最近先好 d炸
    多d 時間陪下佢響屋企丫
    [版主回覆02/22/2010 22:47:00]我記得佢兩個打到見紅! 唔知呀,呢兩日又好返D 啦

    回覆刪除
  2. 有D人見到咁嘅情況一定話有ghost啦!睇你信唔信囉!
    SamSam似乎係無安全感喎!
    [版主回覆02/22/2010 22:48:00]我梗係唔信啦~ hahahaha

    回覆刪除
  3. 嚇屎人咩!應該係適應問題架啫...不過佢地啲行徑成日令人疑神疑鬼架,chacha都有一次無端端望住天花呆左好耐呀,咁我就即刻引佢注意囉...
    [版主回覆02/22/2010 22:50:00]咁茶茶究竟望咩呢? 我地响舊屋都試過SamSam望住某個位置好耐,結果係有條蟲定唔知係乜0既東東。結果要Sam爸整走佢,SamSam先唔再望。我成日都覺得佢地好勁,d 蟲都無聲(at least 我地聽唔到) 都可以成個彈起望住!

    回覆刪除
  4. COFFEE MILK SKY B LITTLE B2010年2月22日 凌晨3:10

    係咪未適應新屋咋 ...
    [版主回覆02/22/2010 22:51:00]應該係呱~

    回覆刪除
  5. 哈哈 MUFFIN都試過呀~ 望住一個位好耐~~ 我開頭都以為係有鬼呀~~~ 但係應該不是掛~ 我都係估SAM SAM 唔慣
    [版主回覆02/24/2010 05:49:00]我都唔信0既,咁笑0者~

    回覆刪除
  6. 我初初搬到新屋,Mui Mui 唔肯入房訓、有時會好似Sam Sam咁低鳴 ,我地同佢傾計,帶佢多D係屋企外面行,熟悉下地方,過左2-3星期左右,佢開始入房同我地訓,宜家有時我地未入房,佢都變左豬咯
    [版主回覆02/24/2010 05:50:00]呢個禮拜好D 啦~ thank u

    回覆刪除
  7. 我地以前有隻唐狗初初黎我地屋時都係咁
    后來發現佢係怕飄飄下既窗簾同窗外既光影
    關左窗就無事
    [版主回覆02/24/2010 05:51:00]呢個情況反而好"鬼"下wor! SamSam呢次次都望唔同位置0個下奇!!

    回覆刪除
  8. 布殊仔有個情況你或者可以作為參考
    佢見到會飛既野就會吠同撲 但如果飛既野係好高既位置 佢只會企係度啤實佢
    有一次佢好似見”鬼”咁啤實度牆 我地小心d睇至發現 係一隻芝麻咁細粒既烏蠅仔企左係牆度 通常有植物既地方就會有 因為狗係色盲 所以黑色既野會比較明顯 

    回覆刪除

Comments


My Blog List

Followers