2010年2月25日 星期四

又出狀況...

尋晚又有D 野發生...

Sam媽帶SamSam 出街,同平時行0既路線有少少唔同。

當行過某條電燈柱,SamSam又好似平時咁八卦走去聞...

結果佢唔知聞到D 咩,發左癲咁叫,加埋跳高同跳開!!

佢0個下D 叫聲係好慘架... 嚇到我心都離埋。

即刻急急腳帶佢行開,一邊安慰佢一邊盡量控制自己0既情緒。

搞左好耐佢先叫做靜落黎... 但係仲係超驚,條尾尾夾在大腿黎,係咁扯我走,又不停向後望。

我都唔知道佢係咪俾野咬到,返到屋企check 過下,又唔覺有D 咩唔妥~

跟住又行過一間屋,0個隻衰狗又係咁吠我地(晚晚如是)... SamSam 驚上加驚

佢條尾尾一直夾住,到差幾間屋位置到屋企先起返少少。

返到入屋佢又好似咩事都無wor~~

到左今早,Sam爸帶SamSam出去0既時候,只要一轉彎行出我地條街,SamSam就好驚,唔行,夾尾巴同坐低响地...

究竟佢驚咩呢??????

Related Posts:

  • 手術後第四日Sam豬情況未有改善...打去HSNY,依然得個等字。手術後,Sam豬有D 怪:- 去尿尿時,完左第一次完整的之後,佢會兜圈,唔係要大大,而是再尿。但係,尿出來的是血樣液體,仲只是得幾滴!- 由細就訓練佢,我地關房門訓,Sam豬就訓廳,一直都相安無事。但呢幾晚,Sam豬見我地關門就發左癲咁,又吠又抓… Read More
  • 手術後第二日Sam豬都係訓多, 但係我地發現佢d 尿尿有血, 嚇到Sam爸Sam媽三魂唔見七魄.打電話返HSNY, 個醫生話呢d 係有機會發生, 黎緊24 個小時要密切注意佢既情況, 一有乜唔妥即刻打俾佢.唉, 亞仔你唔好再嚇我地啦...唔知係咪唔舒服, Sam豬成日無啦啦吠, 又咬我地隻手, 以前未試過架..… Read More
  • 每日最乖一刻自從SamSam BB 返黎開始, 每日我煮飯佢都會特別乖, 靜靜趴地~每日最乖就係呢一刻... 不過衰豬越來越大隻, 但又好鐘意sip 响我同個廚櫃之間, 仲要坐得靚靚仔仔, 唔知搏乜!  阻住晒!!!!!!!… Read More
  • 手術後第三日今早同Sam豬去廁所都仲見到有血樣液體,不過就少過尋日,唉...打電話返HSNY,個個獸醫都做緊手術,要起碼下午先會有人覆我。返工同埋Sam豬Sam爸一起出門口,Sam爸之後講返,以後都唔好咁樣,因為Sam豬見我走,發左癲咁。其實隻仔一向都係咁,平時出街,如果Sam爸落車先,佢就會癲左咁响部車度轉來… Read More
  • 個個星期都買買買除左幫Sam豬買藥使左$48USD 外, 屋企冇晒佢d chews, 又要去PetCo入貨...不過今日d 野幾抵wor - 斑馬玩具, 原價$7.99, 減價$3.98!- 豬耳仔4 隻, 冇減價, $1.49 一隻- Hooves (唔知中文), 原價$1.29, 減價$0.75!- Bulk … Read More

1 則留言:

Comments


My Blog List

Followers