2010年2月17日 星期三

開你個年!!!

這個新年真熱鬧...

熱係興,俾人搞到好鬼興!

鬧,係有人俾人鬧到飛起!!

大年初二去park 放狗,一直都相安無事,直到差唔多走,SamSam 偷左George爸隻手套跟住係咁跑~~~~

於是Sam爸就去捉返佢啦...

搞左一輪,終於捉到啦,點知..........

佢對住Sam爸E 牙!!!!!!

Sam爸火都黎埋,一野"噤"左佢落地。

佢繼續都有E 牙同掙扎,但係當其他狗走埋身邊佢就想咬佢地。

Sam媽就趕開晒D 狗,過左一陣,衰仔就靜左。我地就馬上上繩...走!



衰開有條路,尋晚年初三,俾左條compressed rawhide 佢。

平時我地都有等佢咬咬下就叫停佢,因為佢之前已經有E 牙護食0既問題出現過。

自從上次之後,問題都無再出現過,點知...

尋晚見佢咬到條rawhide 有血,叫停左佢。

佢都馬上停左口,放低左。

我咪行埋去想開佢個嘴睇下咩事囉...

個死仔包一野咬落我手指,雖然唔係好出力發狂咁咬,但係都有E 牙!!!!

我即刻用個身擋住佢面前,要佢起身行開。

佢E 多左一下之後,就起身退後。

我拎走舊rawhide,鬧左佢一野,之後成晚都無再望佢同理佢...

而家我都好驚再摸佢個嘴,但又要逼自己去面對呢個問題,就痴腺架啦!!!!


好心痛,點解我一直做咁多野,佢都仲有呢個情況出現..........

新年流流整兩單野出黎,咩mood 都無晒,對新一年咩希望都無啦..........

Related Posts:

  • 天氣預報員我家SamSam絕對係天氣預報員,每逢落雨,佢一定唔願郁!本來今朝都好好天,陽光普照,以為會好天。平時一早開房門,佢條尾會打晒轉咁衝埋黎。但係今朝唔理我,行都唔行埋黎,淨係趴响地等我行埋去摸佢先起身。懶仔!… Read More
  • 陪爸爸開車爹地,你晌度做乜呀?Sam媽: SamSam, 唔好阻住爹地啦Sam: 我想陪爹地呀...Sam媽: 仔, 你唔細架啦, 你睇下你丫, 壤滿晒啦!… Read More
  • 跳跳跳, 我係鐘意跳!Sam而家成日都會好似呢隻狗咁,發左癲咁跳沙發...原來好多狗都係傻架Sam豬衰D,佢會賴死唔肯落沙發,Sam爸Sam媽好頭痕 … Read More
  • 黃金玻璃肚Sam豬又肚柯... 水樣again!同上司傾開,金毛個肚肚真係好容易唔舒服,其他狗狗似乎比較少腸胃問題。究竟今次SamSam又食錯乜呢?講開又講呀,SamSam真係算係咁,次次肚肚唔舒服都會叫我地帶佢出去,除非佢忍左好耐,Sam爸Sam媽又唔醒水,否則佢絕對唔會响屋企去。不過,每次望住佢一支箭咁飛… Read More
  • 好驚呀, 好大隻呀!!!Sam媽好少帶隻仔去唐人地方, 一來SamSam 會好興奮, 二來d 唐人會好似見到異形咁望住SamSam.不過今日有野要做, 結果要去8 大道 (一個除左唐人街之外, 超多唐人既地方)!Sam豬癲癲地, 但都還可以.d 人就... 有小朋友既都未及d "毛毛", 一見到我Sam… Read More

1 則留言:

Comments


My Blog List

Followers