08中港台 - 大龍鳳略影

由於唔係正式婚宴, 所以好多野都省略左, 再加埋我一向都唔鍾意中式野, 大龍鳳其實都好簡單~

酒樓送0既帖...

本來我都話唔要架, 不過兩老話橫掂都送啦, 用左佢wor...

Sam公公逐張人手寫裡面0既內容架~

內付餅券一張~

酒樓整0既decoration, ok丫~

我當晚個打扮, 完全係姊妹look, 朦左少少個樣, 廢事嚇親人!

成個look 都係自己一手搞掂 (以人仔為計算單位):
- 禮服, 全新訂造, 一日起貨, $160
- 披肩, $38
- 頭飾, $38
- "朱耳盛"頸鏈連耳環/手鏈/介指, $60
- 鞋, $75港紙
- 頭髮, 洗吹$20
- 化妝, $0, 因為係自己搞~
total: 約$390 (=57蚊美金)!!!

上菜!!

我基本上係'印印腳'坐晌度食足每碟! 全部味道幾好~

其中幾碟:

最後仲有個超生日蛋糕樣0既結婚蛋糕送俾我地:

老實講, 晌廣州同香港去咁多地方食野, 呢間d 服務算唔錯!
d 人唔會西口西面, 個經理仲好好招呼...

未開席走埋黎話你個場好似有d 靜, 使唔使播d 結婚歌?
我話唔使啦, d 人就係想靜靜傾下計~

食到咁上下又走黎問我使唔使敬酒, 仲好醒咁幫我用個酒樽裝水當酒!
抵讚!!!

經過呢壇野其實睇到好多野, 好似原來我舅父真係好錫好錫我, 上次返去親手整左一餐九大鬼, 今年就由訂酒席, 買酒到敬酒都一手包辦!!! 感動.....................

原來有d 人你平時唔多聯繫都好, 一到要幫手就會撲出黎幫~

同樣地, 又會有d 人明明同你有親都當唔識你, 又或者有著數就自然蒲頭, 冇就潛水...........