逗狗玩14歲女遭噬臉
(太陽報 1月23日)
美少女慘遭「狗吻」毀容！十四歲愛心少女昨午在大埔參加野外活動時，遇見女村民拖着兩頭狗散步，她看見其中金毛尋回犬極為可愛，趨前與牠逗玩，惟惹來無妄之災，突遭牠撲前咬傷臉部，因傷口頗深，她送院後需要縫針。另外，元朗亦有女子被狗噬傷。
傷口須縫針恐破相
受傷女事主趁周末期間與十餘名友人，由導師帶領到九龍坑山衛奕信徑參加野外活動。直至昨午一時許，他們在山徑遇到兩名女子各拖着狗隻行山散步，女事主見其中一隻金毛尋回犬溫馴乖巧，遂向狗主說：「可唔可以摸吓佢呀？」狗主見她亦是愛狗之人，因此點頭同意，女事主便歡天喜地上前逗玩。
豈料，該隻金毛尋回犬疑對陌生人有抗拒，在女事主與牠玩耍時，突然撲向她咬傷左邊臉部。
同行友人見狀立即代為報警，救護員到場敷藥後，由友人陪同送院，由於傷口頗深，需要進行縫針手術，其母聞訊趕到醫院了解，獲悉愛女恐會破相，極為憂心。
皮膚科醫生史泰祖表示，如有人被狗咬傷，首先要確認有關狗隻有否接受防疫注射，並需接受觀察以防感染。
另外，被咬的傷口參差不齊，皮下組織如受損，可能會影響愈合造成疤痕。
---
很多人有誤解，認為金毛尋回犬唔會咬人，錯!
所有狗都會有攻擊性，尤其當佢地覺得生命受到威脅時。
自己身為狗主，即使知道自己隻狗無惡意，但係每次有人問可否摸摸的時候我都會教人唔好好興奮地馬上摸狗狗的頭。
試想，一個michael jordan 或者姚明咁高的人走埋0黎你度(當你5尺多)，突然出手不停摸你個頭，你會怎樣？
我們的身高對於狗狗來說，是龐然大物。直接走向它們，對於它們來說，有一定威脅性。
下次見到人家的狗狗，又想逗樂的話，sam媽建議以下幾點：
－先問準主人，狗狗可否讓陌生人撫摸
－不要馬上上前俯身撫摸
－ 把手指彎曲，先慢慢遞向狗狗，等它先聞聞你的氣味
－如果遇到興奮的金毛尋回犬時，小心被撲
－和陌生狗狗玩的時候，請你個人也不要太興奮！人類的情緒可以直接影響狗狗，tough play (例如把手不停地在狗狗面前晃動，這樣它不可能不撲你!!!)
記住，金毛尋回犬屬性是比較溫和，但不代表你可以對它做任何事情!
發表文章
其實知道呢單新聞都好意外! 個主人講隻狗狗一向都好乖, 所以發生咁既事, 對人同狗都係傷害, 而且又比多個籍口唔鍾意狗既朋友話狗係蓄生喇!
回覆刪除我成日都訓練壹壹接觸多啲人, 自己亦用唔同角度去摸佢, 同佢玩, 比佢有個習慣突如其來既觸摸同尖叫聲, 而且每當有人想摸壹壹時, 我都會一齊樽低身, 用手搭住壹壹膊頭, 令到人地舒服之餘, 壹壹又有安全感囉, 因為有媽媽既既氣味係佢附近嘛!
[版主回覆01/27/2011 02:36:00]其實，一直篇野都無講，究竟個女仔點樣同隻狗玩，好難話一定係隻狗0既錯囉。 總之自己做好本份，教好自己隻狗~
呢單事件發生當日, 我都未知呢單新聞, 當晚放 Sonic 嗰陣, 已經覺得有啲怪, 好多人一見到 Sonic, 好似見鬼咁, 直到有個人大嗌, "快啲走吖 ! 金毛咬人 !", 返上樓第一時間睇新聞, 先知發生咩事.
回覆刪除啲人可唔可以唔好"一竹篙打一船狗"呢 ? 搞到好似逢金毛都係咬人咁. 最慘就係啲人喺度大叫, 閃避嗰陣又鬼咁大動作, 咁攪法唔嚇到隻狗咬你至出奇啦, 唔好話班狗吖, 我都被佢哋嚇親啦, 好在我冇心臟病咤...
[版主回覆01/27/2011 02:37:00]金毛咬人有幾多單0即，d 人大驚小怪~ 咪鬼理佢地! 有時我覺得，記者的報導手法也好有問題囉... oh well!!
但最怕有時有D人無問,突然伸隻手埋黎呢!!!
回覆刪除我覺得狗狗唔會無端端咬人，個女仔應該係做咗啲嘢，刺激到狗狗至會反抗
回覆刪除(Empty)
回覆刪除Good Post!
回覆刪除很多人根本不懂得如何與狗溝通 !