忙到嘔的一周!

上個禮拜真係要命~~~~~~~~~~~

星期一番到公司，開著部mac，一邊嘆早餐一邊上網睇睇新聞。突然間，部螢屏黑左，個heater 停左!!

咩料??

check 過晒，唔知咩事，打電話叫IT 上黎搞，佢地當然一粒半粒鐘都唔會出現啦~

頂頭番來，叫我試下插過第二個outlet，部heater 得番，但係mac 個螢屏就唔得。

都係要等IT...

In the mean time, 有野要做架，我仲有部PC，都可以做住先。

點知.....

突然間連PC，同附近其他2 個同事0既電腦一齊黑晒!!!!

即刻打俾facility，要人黎睇咩事，其他人人都無問題，就係我地隻corner!

無啦啦搞D 咁0既野，又得番我一個人，樣樣野都要趕，呢煲真係#%$^%#@$#

有同事咁0岩放假，幾經辛苦，log入左佢部Mac 做野。但係佢D setting 係同我完全唔同，就算係photoshop 都係怪怪0既，真係唔知佢平時點做野.......

Building facility 黎reset 左D 野，問有無開左D 新野，無呀，heater 我一年都長開0既，唔係新野!!

結果reset 完，再等到IT有人黎啦，結果，部蘋果螢屏都係宣佈死亡!

唔得wor，我長期用Mac 做野，你爛mon都要俾番個我做架。

IT 搵左個20 定唔知21 inch 0既mon俾我，但真係叫做好過無，因為D 色超唔0岩...

好彩最近無咩design 要set 過新色，如果唔係都唔知點做

星期二，超忙，一轉頭已經5 點。

**
更新: totally唔記得，呢日最頭痛0既事... 做左成個月0既design，俾人全盤ban 晒。大佬，你當初就唔好approve 同go ahead啦。半日內要俾過全新idea，星期一之前要出埋新0既storyboard。我番埋星期四就放假，你玩呀？點死俾你呀!?! 最後，我彈晒idea出黎，個同事做整....

真係好心痛同無奈囉... wasted time and effort，好彩未做animiation 添，如果唔係，我實會殺人!!!
**

放工，砰砰聲衝番屋企同SamSam去上Training。

上完堂，番到屋企可以坐低食飯，已經9 點幾...

星期三同星期四都係不知不覺中就做到放工!

記憶中，呢份工好少會咁，最近唔知發咩癲........

日日都有野趕，樣樣都話urgent，痴左腺~~~~~~~~~~

星期四晚，衝番屋企帶SamSam去寄宿。

因為轉左新寄宿，自己開車送佢去... 大約離家30分鐘車程。

放低SamSam，出去Queens 食飯，皆因要搵朋友借GPS，自己0個個死左，未買番。

跟手番屋企就收拾細軟，準備Road trip。

執得野0黎，都已經深夜1點，我地4點幾就要起身出發，真係無咩點訓過就又起身...

關於個road trip，之後會寫到... 俾D 時間我，我都好想寫...

呢篇blog 我都係上個星期未去trip 就開始寫，而家先可以寫完，仲有SamSam 0既training 未寫...