2010年7月6日 星期二

第一次游海水

因為附近搵唔到狗狗可以游0既沙灘,成日都淨係同SamSam游湖...

最近終於聽到有人介紹長島某個地方可以(當然都唔係legal 0既),適逢美國國慶,約埋Scotchie一家去游水~

Gardiner Park其實係一個可以隨時帶狗狗去0既公園,响公園0既盡頭有地方可以下水。

法律下,狗狗是必需上繩,但大部份人都會在海邊放繩讓狗狗盡情跑一下。

在車上的SamSam,從來都未來過,卻已經癲左一樣....


要等埋Scotchie先呀,你停停得唔得?!


齊人,行啦!

我地帶齊架生... 仲有個細cooler放人飲同狗飲0既水~


從公園入口到海邊,大概要走15分鐘。

幸好有一大段路都有大樹遮蔭...


到海邊啦,放繩由兩個小朋友自由發揮

一開始的時候,岸邊都是泥,超核突...


停車的時候見到有個主人帶著兩隻金毛,撩它們的時候,主人同我地講,一直走會有沙灘... 於是,繼續走~ (好熱...................是日氣溫95F~)


水不算清,但都可以,小朋友就梗係費事理你第一時間落水!



SamSam: 俾玩具我!!!!!! 快D~~~~~~


識到隻7個月大0既金毛,叫Jesse。

個主人坐埋一邊,Jesse 就係咁同我地兩隻狗玩。


3隻傻狗搶玩具~


俾boyboy拎左添!


SamSam: 啦啦啦,我搶番啦!!!


Sam爸同Scotchie媽都陪狗游,Sam媽同Scotchie爸就做攝記。

BoyBoy 同SamSam游得幾開心~


岸上面勁多蒼蠅,咬人架,仲好痛0個隻!!!

結果Sam媽頂唔順,放低相機落埋水,無咁多野咬~~~

成日聽人講狗狗游海水會肚屙,又話要俾多D fresh 水佢地飲,等佢地唔會飲太多鹽水落肚。所以我地都帶齊野架,大膠袋同水!!

好彩我SamSam一向都好飲水,成日都識自己上岸飲,所以肚屙左唔係太多次。

頭兩次都係C 水,之後幾次都只係屙水。番到屋企都唔係太屙,算係咁啦~

最叻係,佢次次屙都識上岸搵地方去。BoyBoy呢... 污染海水!!!!!!

玩左個零鐘,加上海水被污染(哈哈哈),走人~

行番去車0個陣,兩個小朋友都行行下就唔願行坐低。我地估係D 沙曬得好利害,'lak'腳仔~

結果再放佢地落水一陣再行就ok啦。

傻Sam好似暈左咁,上到車,就咁啦:


Sam爸話下次未必會在去啦,一來海水又唔係太清,二來好多野咬,三來,見SamSam咁屙法,好似好辛苦,都係去番游湖算啦~

之後大家番左去我地度沖身... (偷Scotchie相)


兩個小朋友好似未玩夠咁,又再响後院玩左一大輪~(偷Scotchie相)


結果,SamSam成日好似行屍走肉咁... 我地就樂得清閒去街街!!

Related Posts:

  • 放假中的Sam寄宿send 新相黎啦, Sam似乎同佢地熟左, 玩得好開心寄宿媽咪Sam: 我又玩!! … Read More
  • Sam豬的聖誕禮物尋日去pet store買野俾傻仔咬,見到成間鋪都係聖誕野,忍唔住行左個圈~但係Sam媽一向都係cheap精,只買平貨,所以收穫不大:1. 聖誕骨型牛奶片3塊2. 聖誕發聲膠玩具1個老實講,我地唔係好重視聖誕節,所以真係係咁意買D 野俾Sam豬,叫做有D 聖誕氣氛就算。… Read More
  • 傻Sam與雪今日有積雪呀, 個傻仔玩到癲左!!!Sam: Sam媽你好無聊呀, 人地去廁所都影!!Sam媽: 你咪講咁多啦, 快d 柯, 個pat 唔凍咩??行過見到有人整左個雪人仔, 影張相先啦~(隻眼發光0既Sam, 好得人驚)… Read More
  • Sam豬忘記了尋日發現,Sam豬忘記左點樣玩佢個玩具... 呢個東東叫做Buster Cube,俾你入零食入去,'look' 0岩位就跌野食出黎Sam爸report... 以前佢放低個玩具,Sam豬就會拿拿聲自己咬住玩,但係尋日就行埋去聞一聞,就行開!結果Sam爸要响Sam面前show 俾佢睇點玩… Read More
  • Sam豬花生騷Sam: Sam媽你show off 左好多日啦, 係時候update 下我啦, 唔係d 粉絲掟你雞蛋!Sam媽: 得啦, 而家up囉~試著晌香港賣0既兩件衫衫我係福爾摩Sam!點呀, 我個魔鬼濕柴?今日落雪, 唔係多, 但都係今年第一次有積雪, Sam豬發左癲咁... 條街好'sin… Read More

7 則留言:

  1. BOYBOY 仔仔 金毛尋回犬2010年7月6日 中午12:25

    乜原來狗狗游海水會肚屙?唔怪知得我隻狗有時都會在游海水後,屙啦!
    SamSam 真係好累喎!
    [版主回覆07/07/2010 01:49:00]係架,記得游完俾多D 水佢地飲,因為海水鹽分好高,一定要狗狗飲清水分解番,屙番除黎。唔係0既話,好容易會腎衰歇~

    回覆刪除
  2. 原來蒼蠅會咬人架? 而家先知呀~
    [版主回覆07/07/2010 01:49:00]唔知呀,總之我就俾佢地整到好痛!!!!

    回覆刪除
  3. 成日聽人講狗狗游海水會肚屙 ] 下.......可能我家女女沒有飲到海水,所以冇試.因女女沒有在海玩玩具瓜.
    [版主回覆07/09/2010 03:12:00]係呀,女女無玩玩具,飲唔到海水,咪唔會屙囉

    回覆刪除
  4. COFFEE MILK SKY B LITTLE B2010年7月8日 凌晨1:38

    coffee游完都會肚痾 , 我地唔會俾佢游大耐 , 每次最多都係15-20min
    [版主回覆07/09/2010 03:12:00]嘩,我地咪好衰,游左個幾鐘...

    回覆刪除

  5. 最上嗰隻係咪 Jesse 呢 ? 7個月已經咁大隻 ? 不過條尾就出賣咗佢啦 - 毛毛未出齊囉
     
    [版主回覆07/09/2010 03:13:00]係呀,遠0個隻係Jesse。我SamSam係唔係都細粒,瘦長D

    回覆刪除
  6. 真係好正呀...d水一定比較清昵!我都想出國玩呀!

    回覆刪除
  7. 佢地未習慣海水啫, 習慣左就唔會再屙. 不過你地可以游湖, 咪仲好.

    回覆刪除

Comments


My Blog List

Followers