2010年4月7日 星期三

日日玩波笑呵呵

呢排公司好忙,忙到想死

一忙我就寫唔到blog,你地知啦,我呢D 返工先有時間寫架嘛!

咁當然,我又未夠Sam爸忙,起碼我係繼續朝9晚5~

天氣開始好,本來想搵人搞搞個yard 先都無辦法。個個landscape 公司都唔覆電話!!

結果Sam媽自己收拾左一下,等SamSam可以玩波波!


個yard 真係超樣衰,草又長,枯葉又未清,之前條友又整得D 地方樣衰...
真係把幾火,幾時先可以有人黎整呀!!!!



但係SamSam最緊要有D玩,理鬼Sam媽咩~

而家如果同佢講去街街,佢會走去個yard 門口度...因為佢覺得0個度先係"街街"

平時行完街,佢又會扯我去側門要入yard 玩...

日日同佢行完街(15-25分鐘),如果唔係遲返屋企,就會同佢去yard 度椗返半個鐘波。
如果太夜,就會臨訓前先玩!

SamSam會為左玩波,咩都肯!
要佢poop 左先,尿左先,飲左水先,全部都無問題
頂佢唔順~~~

唯一麻煩0既係,佢去玩完都整到個廳超髒,勁多泥沙!
俾多超多野我做...


p.s. 隻兜兜好抵呀,一蚊都唔使,69仙响IKEA 買!!

Related Posts:

  • 嚇親...今次嚇親0既主角係Sam爸同Sam媽.....................一直都好proud 咁同大家講Sam冇food aggression問題, 今晚就發生左~佢咬緊舊骨骨, 唔想佢一次過食晒, Sam爸就想打開佢口睇下仲有幾多, 條友growl Sam爸!!Sam媽即刻過去鬧個衰仔要佢dr… Read More
  • 一週年~舊年0既今日,帶左Sam豬返屋企,原來時間真係過得咁快~呢一年開心同唔開心都有,但係我覺得自己當初0既決定無錯,因為開心0既時間居多~仲記得帶Sam返屋企0個日,咩都無,好勇,搞到Sam豬感冒...所有野都好似剛發生~… Read More
  • 呢個姿勢想表達?某日, Sam爸聚精會神楂車中...瑜珈大師突然發功:Sam爸冒住撞車危險, 得以及時欣賞到大師壯舉! 之但係, 點解要咁'long'住個頭呢, 亞大師??p.s. 佢個身係訓响我大脾架...… Read More
  • 眼眼又黎...尋晚發覺Sam豬隻眼又有D 白色分泌物,Sam媽就開始擔心,唔係又敏感呀?今朝起身,頂,真係!!!上次右眼,今次到左眼...屋企仲有藥膏,幫佢搽住先,monitor 兩日,唔得0既又要去睇獸醫~究竟點解?!!!!… Read More
  • 終於識玩啦!亞殺手連續3 日殺左3 隻公仔之後, Sam媽cheap 精上身, 收埋晒D 毛公仔!咁玩乜呢?有隻買左超過大半年0既野叫Tug-A-Jug, 好耐冇俾佢玩過, 試試~玩法其實好簡單, 如圖:個條繩扯下扯下就會跌D 野食出黎...剛買返黎, 個傻仔碌得兩祿個樽就對住黎吠, 所以都唔會點俾佢玩~到大左… Read More

5 則留言:

  1. 一落雨仲會好多mud添,Sam Sam比唔比你同佢抹左腳先入屋?
    [版主回覆04/07/2010 23:37:00]唔落雨都好多mud!! 會,但係因為佢跑呢,好多mud 都一pat 咁痴响腳底毛,好難真係清理得好乾淨囉~

    回覆刪除
  2. sam sam會唔會係yard到 poo poo pee pee架? 定係出街先會
    [版主回覆04/08/2010 11:28:00]我地會俾佢poo poo 同pee pee 架。不過遲D 整好個yard 就未必由佢亂去~ 可能會划一個位only!

    回覆刪除
  3. SamSam原本係波波鬼,為咗個波乜都肯制
    [版主回覆04/14/2010 00:54:00]係架!

    回覆刪除
  4. BOYBOY 仔仔 金毛尋回犬2010年4月11日 下午2:19

    點解咁犀利?可以叫佢POO先?
    SAMSAM真係好鐘意BALLBALL呢!
    [版主回覆04/14/2010 00:55:00]只係佢成日掛住玩唔poop,咁我要佢poop左先0者

    回覆刪除
  5. 你出門口果D叫返工, 去YARD果D先叫去街街玩, 你以為SAMSAM唔識分呀
    [版主回覆04/14/2010 00:56:00]哈哈哈,唔係架,我帶佢出街先去yard 玩架!!!

    回覆刪除

Comments


My Blog List

Followers