2009年8月10日 星期一

動物接觸日?

星期六晚終於搞埋最後一個party,詳情遲D 再講。

不過Sam媽就曲終人散之後,夜晚訓唔著,反反覆覆到5 點幾先真係訓到。

10點幾起身,收拾殘局,準備接返SamSam。

接SamSam之前,我地去左house hunting! (<--痴線,咁tired都book 時間去睇!)

睇完第一間之後,响條街度見到有隻husky mix 0既狗狗,有個附近0既人話隻狗已經遊蕩左成個鐘!

嘗試去接觸佢,但係無人埋到佢身。

咁橋,我地之前買定零食俾傻Sam,我咪拿拿聲開包野去引隻狗狗囉... 點知隻狗勁有性格,淨係食左一舊就行開,點引都唔肯再埋黎。

我嘗試用手捉佢,不過佢無頸帶...

最後佢仲越走越遠,影都唔見埋。

希望佢好快搵返自己屋企啦...

睇到最後一間屋,有隻貓貓,應該係屋主0既,不過個agent話隻貓係屋外貓,所以唔可以入屋。

但係好好笑囉,呢隻野係咁跟住我,仲响我隻腳之間穿插。

我企定傾野0個陣,佢突然又走埋我度,好似狗狗咁,pat 响我面前...



喵~



跟住就去接傻Sam...

上到車,我地覺得佢好大陣狗味,我反起佢對耳仔,陰公,黑到!!!

D 狗味好明顯就係因為耳仔發炎而來!

我知道boarding 俾D 狗狗玩水,但係,呢D 狗玩完一定抹耳,如果唔抹,我寧願你唔好俾佢玩啦!

心痛死我!!

Related Posts:

  • 手停不了Sam爸進入Busy Season,開始十點以後先返到屋企,星期六都係咁,我估下星期開始,應該12點左右先返到黎。再遲D,會凌晨3、4點... 一直捱到4月15之後~同時,Sam媽又都進入手唔停0既日子。平日Schedule 大概係咁:放工馬上撲返屋企,好彩0既6點半前返到去。响雪櫃拎晒D 要煮0既… Read More
  • Shopping之迷思因為自己開餐真係唔知食乜好,公仔面係我地呢D 懶人0既救星~但係... 問題黎啦!呢幾個星期行唐人超市都發覺搵唔到出前一丁0既野賣... 行左好多間都唔見!死好彩,上個星期買到2 個杯面,但就唔見一包包0個D~尋日出唐人街發掘一下,睇下係咪淨係Queens無,唔係wor,真係影都無wor!! 有無人… Read More
  • 地鐵見聞 - 金魚佬上下班來說,一天需要在地鐵上spend 2個小時以上,見多了奇奇怪怪的事,遲早可以出一本書專講紐約地鐵!就今朝,又有啦~一班大概6,7個女仔同我同一個站上車,年紀大約7年班(香港Form 2左右?)女仔圍埋都係嘰嘰咋咋,講下是非,講下男仔。上左車,有3個女仔見有位就坐低,另外幾個就企响車門邊。有個大… Read More
  • Earth Hour - New York/U.S.地球一小時,紐約是商業都市,所以選擇週末,3月28日8:30-9:30 pm,大家要支持!!(弊... 我地0個日有surprise party 添...)From Manhattan's iconic skyscrapers, to key landmarks in all fivebor… Read More
  • DO NOT PANIC又落雨...Sam媽有無响度講過有幾憎落雨??濕身,濕腳0既感覺係最黑我憎!!! 所以一落雨我就唔想出街,响屋企hea~Sam爸成日都話我咁都panic,好似世界末日咁。但係我真係好好好好好好好好好好好好好好好好好好好好好好憎!!!!黎緊成個禮拜尾都落... Sam去唔到park,放唔到電,得我一個… Read More

5 則留言:

  1. 老公尋晚話幫boy抹耳仔時都幾污租﹐可能真係無幫佢抹耳仔﹐下 次要提下佢地~
    [版主回覆08/10/2009 23:48:00]得個提字,唔覺得佢地會做 XP

    回覆刪除
  2. 最緊要拿拿淋幫佢整乾淨...驚積得耐佢發炎咋...
    [版主回覆08/11/2009 01:01:00]我覺得佢已經發緊,唉~

    回覆刪除
  3. 要觀察住Sam Sam喇

    回覆刪除
  4. 真係發炎, 同佢滴消炎耳水啦, 早晚滴, 好快就無事ga 啦.

    回覆刪除

Comments


My Blog List

Followers