事件尋日又有新進展...
不如開始講返起~
首先係book日子，一開始Sam媽自己搵酒店個婚禮統籌(C)。email差唔多兩個星期先覆我，淨係話我要0個日OK，有期。之後搵佢book實日子同問其他問題，條友好似潛左水咁，幾個星期都覆唔到我。驚起上黎，响網上某個專做Destination Wedding 0既forum 搵到個travel agent幫我搞。第二日個agent 就已經覆我話confirm好個日子~ 鬆一口氣...
原來個agent同左另一個婚禮統籌(D)傾，唔係我自己傾開0個個。
咁呢個新0既婚禮統籌幾好，好多人都讚佢，又覆email覆得幾密(一個禮拜覆一次，好多架啦)，我都算滿意。
好景不長，個婚禮統籌D 唔做!!! 又另一個新人(G)上場，好彩呢個新人覆email仲密 (一個禮拜有2，3次)，答左好多我想知0既問題。
之後，响個forum度睇左某人0既review，好驚... 佢係用G 做婚禮統籌，G 竟然忘記幫佢book 錄影
！除此之外，個新娘話G mess 左好多其他野，對佢評價麻麻。Sam媽又騰.........
又過左唔知幾耐，見到其他幾個人都用G 之後0既評價變好左，Sam媽先定返D。
同時，個travel agent就攪到Sam爸Sam媽一肚氣。
最初佢幫我地搞日子0既時候，好快手，我地好滿意，佢又話如果我幫佢訂，佢可以幫我fight D 著數，例如幫所有人upgrade 間房。咁佢一直都幾好服務，所以我地先叫D 朋友用佢訂行程。
點知到真正訂野0既時候，佢一路話可以price match，一路又話唔可以match 晒所有人，搞到我地喱咁hea。最後有3 pair人要自己上網訂。
都可以算，佢夠膽拎左Sam爸D info訂野之後失蹤左3日! 唔覆email，唔覆電話！又嚇到我地兩個鼻哥窿都無肉.......... 點知佢係咪拎左張credit card 去碌D 咩??!
之後一路佢都無點follow up過野，好激氣! 當Sam媽搵佢問係咪佢會幫我地upgrade 房0既時候，頂佢個肺，佢話佢講0既係另外一間酒店，唔係我0個間!!
你話係咪把幾火?
講返尋日啦，上forum睇到，G又唔做啦
煩!!!!!!!
發表文章
哈哈!!香港就一定唔會咁架!!因為中國人好注重呢d細節架!!做得婚禮統籌一定唔錯得,一有咩做錯,可能都唔可以做返呢行喇!!
回覆刪除[版主回覆02/27/2009 00:51:00]佢地D 英文程度真係經常睇到眼都凸...
遙遠控制既wedding planning真係好煩既，我個時已搬左黎鄉下，wedding係Toronto(4hours away)，我好多野都要親自去先搞掂先放心。你地既咁遠，又唔可以自己親身去，要靠人真係講彩數。
回覆刪除[版主回覆02/27/2009 05:17:00]而家唯有寄望everything turns out good啦~
下？點解呢間野 d 人成日唔做既？搞婚禮已經好煩呀，仲要煩埋呢 d 野.......
回覆刪除[版主回覆02/28/2009 01:22:00]因為得2 個人做所有event planning，好多時都頂唔順就走~ 佢地唔止做wedding，仲會有商務，生日，等等，真係一腳踢! 不過對於我地做婚禮0既人，working with them，好痛苦
搞婚禮真係好煩呀!!! If I get married, I think my wedding will be as simple as possible. Good luck to you!!!
回覆刪除[版主回覆03/03/2009 07:26:00]it was supposed to be a simple one....
都真係幾煩喎... 我都係 remote control 攪香港的婚禮... 又係好鬼怕 d 人唔覆 email / 無"答烚"! 果 d 比我地 out 晒!!
回覆刪除[版主回覆03/11/2009 09:39:00]ai~ 煩係啦