加拿大生日遊2010 - Day 1

11月係Sam媽的生日月，今年特別D，外遊慶祝!

一直都好想去歐洲，但因為$$$ 問題同之前有旅遊警告，於是近近地，去加拿大!

加拿大的蒙特利爾和魁北克市都是很法國的地方，所以要經歷一下歐洲風情也不難~

11月5日，清晨5點，Sam爸Sam媽風雨中啓程!

一路上的天氣都不太好，不停下著雨，難為了開車的Sam爸。

終於到達美國和加拿大的邊境。
預計到達蒙特利爾時間是11:36am。

進入加拿大境內，法文就出現了...
而我倆是一句法文都唔識，聽GPS講的街名，聽得一頭霧水~~~~

GPS的時間預計得非常準確，到達蒙特利爾大約11點半。
先去唐人街吃點東西~

以為downtown好難搵位park 車，點知出門遇貴人，在路邊就見到有車走，可以park 不單止，他還把入錶紙俾我們，可以park 到1點14分!!

中國酒樓都有法國名~

Sam爸餓茶餐廳餓久了~ haha

選了這家，希望可以食到多倫多味道....

Sam爸的燒鴨叉燒瀬，紐約貨色，唔得!!

哪門子的西多士?!!

Sam媽的鴨粥，好稀... 又係紐約貨色，唔得
失望的一餐

上次响溫哥華見Fido用拉拉做廣告，今次用金毛!!!

落雨，沒心機逛，去超市走一圈，發覺連最想買的cream soda同香港零食都無，早點出發去魁北克市算了~

再上路前，去搵Sam爸網上找到好評的小店，專賣Macarons!

最特別的是他們的ice cream macarons~

店員只懂法文和一句起兩句止的英文，所有menu又只有法文!
幸好Sam媽一早download 左個offline iphone app，叫French Dictionary。
咁不識的字打進去，大約都知道甚麼餡料~

從左到右，檸檬，朱古力加nuts，蘋果味。
最好味結果係檸檬!!
口味清新，又唔會太甜，超夾~

雨一直下~~~~
2個小時雨中駕駛後，抵達魁北克市!

頭2 晚住的是Auberge Saint-Antoine，非常摩登的酒店~

酒店大堂... 遠處的火爐超好感覺，像在家一樣...
價錢來說，因為是Sam媽生日，Sam爸訂的酒店，唔肯講幾錢，大家自己上網check啦~

每間房門前有據說是古董的碎片

右邊床頭櫃也有一塊古董的碎片，還有小說明一張

超愛那圓框窗，好有歐洲感覺~ heeeee

有Bose 喇叭，還有浪漫CD...

免費上網!

pantry 好多東東

有茶，有咖啡~
茶盒還很grand!

法國地方，點會無紅酒~

廁所! 大愛
Double Sink, 大鏡，簡約design!!!

好多時住旅店，好怕水壓唔夠，呢間唔會之餘，有可手持用花灑外，頭頂還有個超大花灑，超正!

大浴缸，可以兩人用~

電梯都要用房匙才可以上樓~

因為酒店在Lower Town那邊，比較接近Basse-Ville， 所以步行幾分鐘就到Notre Dame des Victoires Church.

只是下午5點左右，街上已經空空的...

這裡真的是遊客區嗎?!!
繼續在Lower Town 著名的Rue du Petit Champlain逛，但90%的商店已經關門...

遠處眺望Chateau Frontenac~
這是Quebec City (魁北克市) 最出名的地標城堡!

晚上在這家網上推介的豬肉專門店食飯

是日頭盤: Special Sauce 青口加薯條
青口算ok，但唔太喜歡個special sauce，似在食pasta sauce....
薯條個醬是蛋黃醬mix，唔係成日茄醬，幾特別~

Sam媽的豬肋骨，肉質都算鬆化，墊底薯條就唔得lu~

Sam爸的pork tenderloin
雖然用隻好可愛的豬豬碟盛載，味道不那麼好...

埋單用隻杯送上，算是特別~
但如果問我會唔會推介這店，我想我不太會

雨還一直下，店鋪又關得七七八八，又趕了一天路，回酒店早店睡~

Read More

公園罵戰?

我想講，一件早幾日發生0既事情...

平時去park，Sam媽唔會帶零食，因為試過SamSam好細0既時候，有一次去某個dog run，俾狗圍兼推跌過....

不過因為最近都train 緊SamSam，所以身上一定會袋住treat，隨時train佢。

咁公園裡面，有隻狗呢，叫Princess，超無manner。

又或者應該講，係關個主人事，佢係完全唔理隻狗，就咁放左佢繩，就自己企埋一邊吹水。

個主人夠膽死，明明一班人連佢自己見到隻狗開大，佢都望另外一邊，當睇唔到。

試過一次，我地有人同佢講，喂，你隻狗屙左响0個邊呀。

佢話: 邊呀？0個邊？that's not helping!

你如果係有看住你隻狗，點會睇唔到呀!!!

以往，呢隻狗都已經成日偷我地D 波，死都唔還架啦，有時候，我地都寧願走遠d，去第度玩~

佢仲有一樣野好黑人憎0既，就係如果佢知你有treat，又或者你以前俾過treat佢，佢會好好記性，係咁撲你，逼你俾野佢食。

試過有人俾佢逼到叫佢主人，個死人主人都只係笑笑口，叫隻狗個名幾聲就算。

咁今次呢，就係Sam媽做作受害者...

係咁俾呢隻死狗跳，用個口撩個衫袋!!!!

個衰主人就係咁响度笑話，"你梗係有treat啦!" "你係咪有treat呀?"

我就掛住避隻狗，無出聲。

Sam爸唔抵得頸，"有treat 都唔代表你隻狗可以咁樣"

衰主人: "你0黎得park 就唔應該帶treat，呢D 係狗0既天性"

Sam爸: "咁即係個女仔俾人強姦就抵佢死，因為佢著短裙啦?!"

佢真係好過份囉，咁樣0黎歸咎落隻狗度，完全唔覺得自己有問題!!!

另外就係，其他0個D 狗主都有責任，係又俾treat唔係又俾treat，搞到D 狗無晒manner。好多狗狗都會有食物敏感，如果你唔清楚就俾，點知人地隻狗會有咩問題?!

又或者人地有strict diet 呢？

餵treat，唔代表對狗狗係好。

所以奉勸各位狗主，唔好隨便餵treat!

Read More