平時去park，Sam媽唔會帶零食，因為試過SamSam好細0既時候，有一次去某個dog run，俾狗圍兼推跌過....
不過因為最近都train 緊SamSam，所以身上一定會袋住treat，隨時train佢。
咁公園裡面，有隻狗呢，叫Princess，超無manner。
又或者應該講，係關個主人事，佢係完全唔理隻狗，就咁放左佢繩，就自己企埋一邊吹水。
個主人夠膽死，明明一班人連佢自己見到隻狗開大，佢都望另外一邊，當睇唔到。
試過一次，我地有人同佢講，喂，你隻狗屙左响0個邊呀。
佢話: 邊呀？0個邊？that's not helping!
你如果係有看住你隻狗，點會睇唔到呀!!!
以往，呢隻狗都已經成日偷我地D 波，死都唔還架啦，有時候，我地都寧願走遠d，去第度玩~
佢仲有一樣野好黑人憎0既，就係如果佢知你有treat，又或者你以前俾過treat佢，佢會好好記性，係咁撲你，逼你俾野佢食。
試過有人俾佢逼到叫佢主人，個死人主人都只係笑笑口，叫隻狗個名幾聲就算。
咁今次呢，就係Sam媽做作受害者...
係咁俾呢隻死狗跳，用個口撩個衫袋!!!!
個衰主人就係咁响度笑話，"你梗係有treat啦!" "你係咪有treat呀?"
我就掛住避隻狗，無出聲。
Sam爸唔抵得頸，"有treat 都唔代表你隻狗可以咁樣"
衰主人: "你0黎得park 就唔應該帶treat，呢D 係狗0既天性"
Sam爸: "咁即係個女仔俾人強姦就抵佢死，因為佢著短裙啦?!"
佢真係好過份囉，咁樣0黎歸咎落隻狗度，完全唔覺得自己有問題!!!
另外就係，其他0個D 狗主都有責任，係又俾treat唔係又俾treat，搞到D 狗無晒manner。好多狗狗都會有食物敏感，如果你唔清楚就俾，點知人地隻狗會有咩問題?!
又或者人地有strict diet 呢？
餵treat，唔代表對狗狗係好。
所以奉勸各位狗主，唔好隨便餵treat!
發表文章
Princess 個主人真係 "好" 家教, Princess 之所以搞成咁, 都係佢一手做成嘅; 放狗最basic嘅公德心 - 執屎, 係指定動作, 都可以ignore, 仲學咩人養狗呢 ?
回覆刪除從你描述個主人嘅所有behavior, 肯定佢根本唔係愛隻狗, 呢啲咁嘅人, 影衰哂班好嘅狗主不特止, 最慘係害咗隻狗吖, 呢啲人遲啲佢就知 !
[版主回覆12/07/2010 03:37:00]係架，係佢0既問題，唔係隻狗!
好認同你既講法, 真係好怕啲狗主成日帶treat, 我本身唔比隻細狗食, 因為佢減肥, 好彩係我隻細狗唔會走去人地度要treat囉, 佢要我餵先食, 如果唔係, 點減呀!
回覆刪除真係好希望啲狗主會明白唔係隻隻狗都要treat架!
[版主回覆12/07/2010 03:38:00]我隻狗都係唔會响外頭begging，入屋另計!
PRINCESS 成為一隻咁黑人憎o既狗, 完全係佢主人一手造成, 真係可憐!
回覆刪除撞到呢d 咁o既狗主真係避之則吉! 我都好贊成唔好亂俾treat人地d 狗仔食, 因為個個狗主心態唔同, 亂咁俾都係冇禮貌o既一種行為!
[版主回覆12/07/2010 03:38:00]yes!
主人好有問題LOR!!!! 唔好同佢玩口者!
回覆刪除[版主回覆12/07/2010 03:39:00]從來都唔想同佢玩，係佢死走埋來....
你都好... 你知ng知香港d人仲變態... 有次有人想餵米米食"差燒包"~ 問都唔問下我ga wor~ 好在我見到喝住~ 不過莫講外人~ 我屋企人由其最老果個~ 之前應該成日靜靜雞唔知俾咩米米食又唔出聲~ 搞到米米唔到一歲就痾左5-6次~ 後來俾我跌爆左其中一樣野係豬肉鬆!! 唔怪得之果陣同我講米米飲好多水!! 激死!!!!!!!!!!!!!!!!!!!!!!!!!!!!!! 依家搬左出黎自己睇住~ touch wood都無咩問題 講起treat~ 米米真係勁俾人讚有家教(hhohohoho.....) 因為佢坐係度排隊排到人地都派晒佢都係坐係度-.-!! 其實自己有養狗就知道~ 個個主人都有自己對隻狗狗既方法~ 所以真係要尊重狗狗主人既意願囉~!!
回覆刪除[版主回覆12/07/2010 03:41:00]sam婆都係亂餵野食架，不過我成日鬧佢，講到明，如果我隻狗肚屙或者有咩事，佢要俾錢睇獸醫，佢先收斂左~ 我samsam都唔會跳起搶野食，只會搶波，仲要係佢自己0個個only
養不教，主人之過
回覆刪除[版主回覆12/07/2010 11:05:00]狗狗同人一樣，都係要教~
最憎D人放狗唔執屎, 我家附近都有好多冇公德心的狗主, 我放狗時成日要拉住sushi唔好去嗅屎, 又要小心唔好蹉屎.
回覆刪除[版主回覆12/09/2010 02:47:00]我samsam 細個會執C 食添
其實,真係好多人放狗唔執屎，好多時個主人放咗隻狗，自己完全唔理，疴咗都睇唔到，最慘我地呢Ｄ無辜既，又驚自己隻狗唔小心跑跑下踩到
回覆刪除有一次，我在HK個Petmax度,見到人拿了人地Petmax個夾去夾自己隻狗D狗屎!但係人地Petmax果個夾,係用來夾燒烤的食物......攪到我之後，唔敢在那裡買食物。
[版主回覆12/09/2010 02:52:00]好驚wor...
請問princess係乜狗？？
回覆刪除[版主回覆01/20/2011 00:02:00]類似border collie混husky