2011年8月30日 星期二

颶風艾琳

地震完就嚟一場颶風艾琳 - Hurricane Irene。

究竟颶風同颱風有咩分別呢?敬請有知識人士解答!

話説上星期五,8月26日,紐約市長彭博呼籲,低窪地帶的居民撤離。此乃紐約市史上第一次大規模疏散~

有人話,車,香港成日都打風㗎啦,使唔使呀?!

問題係,香港同紐約嘅地理環境同生活方式有好大嘅唔同!

對上一次打風,係打颶風嚟計,已經係成百年前。

加上今次嘅Irene 來勢兇兇,從南美洲一路上嚟有成115mph風力嘅categoy 3 storm,移動慢之餘,整個風有接近700 哩闊,破壞力同持久力都係難得一見。

美國嘅屋係木材建設,一場颶風可以帶來嘅影響包括入水,風揭屋頂,大樹倒冧。

雖然一路北上,Irene 有減弱嘅趨勢,但各州都唔敢輕敵,早早就做好防範措施。

紐約嘅地鐵,巴士同火車,連機場更晌星期六中午開始就停駛。

Sam媽星期四晚就入定油,以免真係要逃亡。

Sam爸就星期五先入,結果油站排長龍之餘仲得番最貴嘅油,咁都要入㗎....

另外就梗係買定水,糧,同電池啦!

星期六朝早都仲好好天,仲帶samsam 去游水,放放電唔係要屈咁耐向屋,佢會癲~~


下午4點左右,開始落...

一直都開住電視,直到晚上10點左右,電視台發出NJ 龍捲風警告,并表明NY 都有機會。

最恐怖係,佢10點08分發出嘅警告係話10點30分會發生,真係點走呀?!

結果Sam爸做咗一晚廳長睇實會唔會要走難~

好彩,第朝起身,咩事都冇!

周圍望吓,咦,後園剩低嗰棵樹跌咗一大片落嚟,幸運地,冇責到屋頂,又冇整到電綫!

星期日繼續落雨同大風吹,棵樹又跌多一大片...

Irene 走咗之後,發然附近好多樹倒了...




我哋個town,有一半人冇電,同一條街,對面都冇咗,我哋超好彩!

一大班人走出嚟話市長好搞咁多嘢,個風不外如是,乜乜七七。 你哋自己屋企冇事就梗係咁講啦!

紐約市同紐約市都有好多地方受災嚴重...

電視上睇住呢座嘢好似豆腐咁俾浪衝埋boardwalk

Brooklyn:

Vermont:

這兩短片只是冰山一角,真係好慶幸我哋一家都平安無事!!!

Related Posts:

  • Sam媽的新玩具舊的相機Canon S30,其實還可以用,而且超愛它機身細細,容易攜帶~ 只是battery 不太靈光,需要買replacement。Sam媽貪心,決定買過部新相機! 本來都有興趣買GF1,但實在無法負擔那價錢,加上我們還有部DSLR,沒有必要買多部需要不停買鏡頭的相機。一部point and sh… Read More
  • FacebookYahoo blog 成日都好唔穩定,prepare for the worst,開左個新0既facebook account,專係for 狗友同blog 友0既。如果大家有興趣add 我(或者SamSam),請以私人回應在此篇留言,或者留下你的FB account。暫時我都未有興趣關blog,只是… Read More
  • 做尖N 咁多年前join 過gym,0個時仲住史島,Sam爸有city staff discount,兩個人一個月join YMCA好似$70。問題係,同Sam爸兩條友最多一個星期去1次。最後,仲唔去,白白俾左半年錢。跟住一路都無再join,因為Sam媽自認為無0野可以減,做0黎無用。到半年前轉左個家庭… Read More
  • 放過我,好嗎?!禮拜尾,返史島探Sam公Sam婆,Sam婆又整單野我嘆...前幾日,Sam婆已經打電話俾我,話有衫執左出黎捐,叫我幫佢schedule 人黎pick up。返到去,Sam公話,Sam婆執左0個D 衫,我最好望一望,因為好多係我0既?!真係唔睇由自可,一睇把幾火!!!未搬之前,我地住apartment… Read More
  • 長島到史島,大長征!都唔係第一次自己坐公共交通工具會娘家,不過之前都會開車到車站先。剛過去這個星期,因為Sam爸順手牽羊,把Sam媽的車匙帶走了(另外一條的防盜壞了),結果Sam媽的旅程更加長.............究竟有幾遠... 如圖: (條線係揸車路線)旅程詳情: 1. 從家裡走到bus 站 - 5 分鐘2. … Read More

2 則留言:

  1. Great! You are blessed.
    [版主回覆08/31/2011 22:36:46]thanks

    回覆刪除
  2. 見到有啲相真係好恐怖. 你地無事就好.

    回覆刪除

Comments


My Blog List

Followers