2011港粵曼之旅 - Day 11

終於寫到曼谷之旅喇~


注意，好多相!!!

之前一直都想去，但每次都會有紅軍運動，Sam媽怕死... 結果拖到今年!!!

今次同埋Sam爸的中學同學們一齊去，一班很好玩的朋友仔~

total 一共6 人，4男2女，晨早浩浩蕩蕩殺入機場... 食個早餐先!

原來飛機有早餐架，不過唔好食!!!

曼谷過海關呢，都要影相wor，我以為淨係美國先咁麻煩!

過關後，在機場先換錢

$1 美元換大約$28.5泰銖

周圍都有泰王像

朋友I 一早book 好shuttle，6個人坐的士會貴過租車。
來回機場和酒店，只需2700泰銖。

部車話有呢D 設備，不過我們唔覺得有囉....

到達酒店!

今次住的酒店叫Pullman Bangkok King Tower。

一到酒店門口，bell boy 哥哥就衝出來卸下行李拎入大堂。
大堂reception 姐姐又跑過來打招呼，問拎passport搞手續。

reception 姐姐的英文口音好重，平時聽唔掂口音的Sam媽反而係全團最聽得明那個... 奇怪!!! (通常一遇到有口音的人，Sam爸就會被派出場，唔知為咩，今次佢都聽唔掂)

等手續時，在大堂hea~

結果因為我們早到，房間未ready，唯有問問附近有甚麼地方祭五臟廟，皆因已經過了lunch 時間，餓死!!

附近有個商場，走了一圈，決定試這家。

都唔知食咩好，Sam媽隨便叫了個Sausage Salad...

點知，勁出事!!
超辣之餘，仍然係超辣!!!!!!!!

Sam爸的Pad thai，這個份量，睇到暈低...

遽聞全檯唯一ok 的一個，好似係粉之類

春卷，很難差的一個菜，過得去啦

Fish cake，普通，極度普通...

食了唔太好的lunch (應該話係全程最差的一餐)，還沒有換衣服的我們，急急腳回酒店算了，外面的天氣熱得要死。

本來想3 間房可以的話，安排得近點。不過reception 姐姐還是說未ready，但又唔識建議大家分開樓層會馬上有房，要我們自己開口問，佢先識... 搞咩呀?!

唔好講咁多，即刻上房！

廁所... 可以有趟門拉開看到床....

用品算很齊全: 浴帽，棉簽，棉花，洗頭水，護髮素，body lotion，牙刷連牙膏，風筒一應具備~

Pantry 都幾齊0野，另外每房每日可以免費飲用2罐汽水，2 支水，唔係間間酒店咁好唔charge，呢個要加分!!

窗外景致，唔錯~
個pool... 好似好得，不過沒有機會用過...

預約了Spa，但因為等房間，出酒店的時候已經幾遲，大家決定放棄地鐵，坐的士!

不過，曼谷的交通真的誇張，如果我們坐地鐵，大概一早就到了... 塞在一個燈位可以是15分鐘!!!

'熱狗巴'的人，究竟怎樣忍耐在這高溫下塞車的?!

Book了Centerpoint Spa套餐，有買一送一，3.5小時，只要3500銖，包:
- Body Scrub
- Aromatherapy Body Massage
- Herbal Massage
- Aromatic Foot Massage

Center Point Massage & Spa
Silom Branch
128/4 – 5 Silom Soi 6, Silom

奉茶~
味道幾特別，唔太清楚係咩茶

突然跑出來的按摩師，個個跪地幫我們換鞋，那刻有點不知所措...

很舒服的拖鞋，不過要買的話，還挺貴，差唔多要$20 美金!!


Couple Massage Room

有地方沖身和吹頭

做完spa，團友們出了門口就好像電視上麻甩佬離開桑那浴室的樣子，舒服得大嘆一聲~

來過曼谷的朋友都說，這家是試過最好的一家!!

之後去搵飯食~~~

朋友一早就決定要食咩，不過唔知點去，結果回Spa 問。

按著指示，我們好像走錯路了...

不過誤打誤撞，走過了最著名的紅燈區!

有那麼一刻，我以為自己在日本?!

因為整條街，幾乎所有店都係用日文，拉客的也不斷的用爛透的日文和中文向路人推銷show

問了幾次人，終於到了晚餐的地方

是夜，中國餐，建興酒家

169,169/7-12 Surawong Rd.,
Suriyawong, Bangrak, Bangkok 10500
Tel. 02-233-3104

泰國啤酒
(最近發現，原來紐約有泰國餐館有)

餓透的團友們覺得... 菜也是好味得不得了 (偷笑ing....)

招牌咖哩蟹
好味道到大家放棄膽固醇問題，用汁撈飯!

這個忘記了名字，大約記得是tempura 的東西

Roasted Pork Rib
肉質以為在食牛! haha... yummy~~

Steam prawns with garlic
超鮮味，推介!!!

泰式前菜拼盤，不過很後才上，唔知點解還是叫前菜

食飽飯，回酒店睡lu~