2010年5月10日 星期一

Sam公入院記

原定母親節前0既星期六,响屋企搞個BBQ。入伙咁耐,都未請朋友入黎玩過,難得大家有時間,拿拿臨準備野,準備玩返日。

結果,星期五晚,Sam婆打黎話Sam公唔舒服。咁我叫佢如果真係頂唔順0既,叫佢附近D 朋友送佢去睇急症啦。

Sam婆話Sam公好暈,去唔到,等佢訓一晚睇下點先。

ok。

星期六清晨6點幾,Sam公自己打黎話要我送佢入急症室。

我話,喂,我地住咁遠,返得黎都成個鐘之後0既事啦。

佢話佢等我返黎打911 叫救護車。

老實說,以我地所知0既緊急救護事件,救護車係可以成個鐘先黎,跟住入到ER,幾個鐘先會有醫生睇,所以極度唔想送Sam公入ER。

不過,佢講到咁辛苦,Sam爸Sam媽唯有飛車返去睇下點。

返到去,Sam公其實講野係好清醒0既,所以我地繼續都係想同佢講數,等佢去睇家庭醫生。

Sam公死都唔肯,話完全郁唔到。

無計,唯有打電話叫救護車...

等車時,Sam公响度講晒有D 咩我要知,in case 佢有D咩事... (無奈 >.<)

估唔到,"bibu"車15分鐘左右就到wor!!

兩個EMS 抬Sam公上擔架凳,Sam公叫到拆天..... "好暈呀,Help Me!" (暈)

佢又唔係手腳無力,淨係暈0者,都唔知搞乜!!!

結果,Sam媽陪埋佢上救護車,直駛Staten Island University Hospital。

咁大個女,第一次坐"bibu"車.......

入到ER,好快就有護士黎睇,個黑人護士仲同我講,睇Sam公D 症狀,應該好少事,因為所有野都好ok: 血壓,心跳,反應全部無問題。估計佢係耳水不平衡,不過要等醫生睇過先可以落判斷。

半個鐘都唔使,就有醫生啦。(上次Sam媽响ER 坐左3個鐘先有醫生睇...)

醫生判斷: Funnel (中文應該就係類似耳水不平衡)

因為Sam公過左60歲,所以要幫佢做個腦掃描,make sure 個腦都ok。

本來成日都好快,不過,咁邪地,Staten Island Ferry撞船,有D 傷者分流送左入呢間醫院,好多野都慢左。

一邊吊針,一邊等CAT scan。end up 成3 點幾先可以照。

等多45分鐘先有報告出,一切正常!

拎埋藥單,5點鐘終於出院~

一整日,個好似Chris Rock 0既男護士一直都好幫手,到我地走,佢仲幫手用輪椅車Sam公去上車。

終於返到屋企.........


***
之後同Sam "女麻" 講起,原來佢之前都試過,不過佢就勁啦。

半夜三更,自己暈醒,唔叫醒Sam爺,一個人坐的士去ER!!

勇爆~~~~~~~



###
另外好好笑...
Sam公入左ER 之後問左我一句: "點俾tips EMS?"
佢當左自己係貨物???!


---
題外話,今次响SIU hospital 0既ER 經歷完全將Sam媽之前0既經歷改寫!

上次真係爆晒粗: 醫生3 個鐘先黎睇我; 護士見我吊針瓶空左,d血倒流入瓶,都淨係講左句: 幫你搵返負責0既護士,就閃左; 留醫,痛到叫救命,個護士都可以唔理... etc. 種種經歷歷歷在目................

Related Posts:

  • 手停不了Sam爸進入Busy Season,開始十點以後先返到屋企,星期六都係咁,我估下星期開始,應該12點左右先返到黎。再遲D,會凌晨3、4點... 一直捱到4月15之後~同時,Sam媽又都進入手唔停0既日子。平日Schedule 大概係咁:放工馬上撲返屋企,好彩0既6點半前返到去。响雪櫃拎晒D 要煮0既… Read More
  • Earth Hour - New York/U.S.地球一小時,紐約是商業都市,所以選擇週末,3月28日8:30-9:30 pm,大家要支持!!(弊... 我地0個日有surprise party 添...)From Manhattan's iconic skyscrapers, to key landmarks in all fivebor… Read More
  • 尾龍骨發炎星期日起身, 尾龍骨有d 痛, 唔理, 照帶Sam豬去Park.星期一, 出邊又落8寸雪, Sam媽感到舉步艱難食完lunch, 頂唔順, 拿拿聲去睇醫生~尾龍骨發炎, 開左d 止痛藥俾我預左亞醫生唔係開止痛藥就係消炎藥, 中呀!!呢個醫生, 次次都係咁, 睇到我都識醫自己~但係其實唐人街個個醫生都… Read More
  • 地鐵見聞 - 金魚佬上下班來說,一天需要在地鐵上spend 2個小時以上,見多了奇奇怪怪的事,遲早可以出一本書專講紐約地鐵!就今朝,又有啦~一班大概6,7個女仔同我同一個站上車,年紀大約7年班(香港Form 2左右?)女仔圍埋都係嘰嘰咋咋,講下是非,講下男仔。上左車,有3個女仔見有位就坐低,另外幾個就企响車門邊。有個大… Read More
  • Why should I pray?孫先生响Facebook叫D 粉絲pray for 兩位出左事0既歌手,我唔明,點解要pray?兩位歌手的確係做錯事,應該受到應有0既懲罰。唔通當無事發生? 希望日本早D 放返佢地?更何況係兩個應該為年輕人做榜樣0既歌手/偶像?呢一兩年孫先生講野真係好... 令人費解!… Read More

9 則留言:

  1. 你爸爸無事就好啦,老人家暈真係好驚架!我地里邊叫十字車要比錢,所以唔係好大件事,都會自己去醫院就算。
    [版主回覆05/11/2010 02:41:00]我地都要架,不過佢低收入,應該政府埋單...

    回覆刪除
  2. 好彩世伯無乜大礙,只係耳水不平衡 我同我爸爸都試過耳水不平衡,天旋地轉暈陀陀個種感覺真係好得人驚架 無乜必要我地都唔願去 ER,等親都幾個鐘,無事都變有事啦
    [版主回覆05/11/2010 04:07:00]其實會唔會返發架? 係我老豆搞到好似好大件事咁0者~ 醫生都話係會好唔舒服,但未至於好似佢咁囉... 我係勁憎去ER!!!!!!!!!!!!!!!!

    回覆刪除
  3. 都有機會翻發架!世伯有咗呢次經驗,大吉利是翻發都唔駛咁驚吖嘛
    [版主回覆05/11/2010 21:26:00]佢一樣會咁騰... that's sam 公!

    回覆刪除
  4. 哈哈...最緊要係老人家冇事嗟~世伯平日甘健康, 佢未試過丫嘛~當然驚d啦...hehe.
    [版主回覆05/11/2010 21:26:00]頂佢唔順~~

    回覆刪除
  5. >半夜三更,自己暈醒,唔叫醒Sam爺,一個人坐的士去ER!!
    GING!
    [版主回覆05/11/2010 21:26:00]係架,Sam "女麻"好勁架!

    回覆刪除
  6. 耳水不平衡真的很辛苦, 我去年開始有耳水不平衡, 首四天暈到嘔吐大作, 四天均有到私家醫生處打止暈針, 瞓左都會暈醒, 好痛苦, 第四天私家醫生都叫我去急症, 在醫院都無用......
    很辛苦的...我足足請了三星期病假沒上班, 慘得很......要看中醫才好, 中醫說耳水不平衡通常是因為之前有感冒沒有好 或 壓力心煩睡不好引致, 無得斷尾, 依家一有些少唔舒服就發作...唔講可能唔知, 耳水不平衡嚴重者, 有六成人會影響聽力...幸好, 我聽力還好~
    祝Sam公快d康復, 佢老人家病左, 始終想見下個女, 你就下佢啦~
    [版主回覆05/11/2010 21:29:00]Sam公突發性同你0既情況唔太同... 醫生話係乜耳骨郁得唔0岩位,所以有呢個情況... 應該唔會成日番發 *touch wood*

    回覆刪除
  7. COFFEE MILK SKY B LITTLE B2010年5月11日 晚上10:34

    SAM公無事就好
    SAM嫲好勁+勇 , 自己一個入ER
    [版主回覆05/12/2010 11:11:00]簡直就係強人~~~~~~~~~

    回覆刪除
  8. 睇ER果時, 唔係咁架wor, XDDDDD. 耳水不平衡真係好辛苦架, 放定d止暈藥鎮宅啦
    [版主回覆05/12/2010 11:13:00]電視ER係假0架~~ XP 有D 咩止暈藥呢??

    回覆刪除
  9. Sam公入左ER 之後問左我一句: "點俾tips EMS?"

    回覆刪除

Comments


My Blog List

Followers