响呢兩個月搞左好多野，煩左好多，驚左好多...
首先第一單係銀行打電話俾Sam媽公司問任職情況。結果佢地返黎同Sam媽講，你公司話你0既任職情況係待定，我地有理由相信你份工係不穩定，即代表你無穩定0既入息證明，要暫停你0既貸款申請。
Sam媽癲左...
即刻問老細：我個貸款員咁講wor，係咪代表你地準備炒我?
老細話，無D 咁0既事，等我幫你搞掂佢!
第一單落幕...
第二單，Sam媽同Sam爸要申請0既MCC (紐約州減稅program)話我地兩個人工高出要求，唔接受。無奶油架，我地計得好清楚，剛剛好架。原來係Sam媽舊年0既花紅同Sam爸讀書0個度出左問題。
搞左一大輪，多得有個好0既貸款員，幫我地左計右計，得左!
第三單，從網上得知，MCC 計劃過熱，州政府D 錢用晒!
即刻打電話俾貸款員，好彩，我地入紙係之前0既事，無影響~
本來一早就預左11月9號成交0既，點知到左11月6 號MCC都未覆實得唔得，搞到拖累埋銀行0個邊D 手續。
又提心吊膽咁過左一個weekend，星期一終於confirm左第二日closing!!!
到左closing 日，又有野發生............
因為所有野突然發生，我地應該有但無收到0既一張list，係講應該要帶幾多銀行本票，結果，少左張! 而講緊0既係$6000美金。>.<
對方個律師有權唔收私人支票，甚至即刻cancel 成個交易。
最大鑊係，0個附近無銀行，就算有，當時已經過左working hour，銀行都關晒。第二日係veterans day，銀行唔開
不過好彩，大家都係想搞掂件事，所以佢最後應承先收住張私人票，等我地之後拎張本票去換返~
Sam媽都唔記得當日寫左幾多錢支票啦... 因為唔係淨係俾尾數，仲有D 其他費用，例如屋契公司同律師費都一次搞掂。$$$$$$$$$$$$$$$$$$$$$$$$
當所有野搞掂之後，大家都恭喜我地，而我地反而無乜喜悅，因為...... 黎緊0個30年我地要做牛做馬，壓力好大~~~~~~~~~~~~~~~~~~~
好窮，要減SamSam D 糧先得啦!!! wahahahahahaha
發表文章
恭喜晒! 咁多波折終於搞掂晒，咁你地幾時搬得入去呀？
回覆刪除[版主回覆11/16/2009 23:19:00]未有咁快
嘩！真係好煩呀~
回覆刪除[版主回覆11/16/2009 23:19:00]係好Q 煩
雖然一波三折，但終於都 happy ending，真係好！
回覆刪除[版主回覆11/16/2009 23:20:00]未完...
買屋始終係開心野黎嘅
回覆刪除[版主回覆11/17/2009 03:15:00]你點呀，weekend又唔見人wor，忙咩0者?
我地呢邊今年都好多人買屋﹐你地有無得退8000? 買屋係開心o既聚幕﹐裝修就係惡夢o既開始啦!!
回覆刪除[版主回覆11/17/2009 10:49:00]yea... we do have the 8k... 你唔好嚇我..........................
恭喜你地過咗咁多關最後簽到張約啊. 減 samsam 糧? 你唔會捨得啦
回覆刪除[版主回覆11/18/2009 03:31:00]減糧, 我捨得， 個老豆唔捨得~
Congrats !!! I am still looking for my dream house, I should say my dream apartment. It seems looking for a Condo is harder than a house. Good news is $8K tax credit is extended to next April 2010. Hope I can get one before the dateline...
回覆刪除[版主回覆11/18/2009 03:29:00]i thought they fade out the amount after a certain time, so make it quick when u can~
I know it is very stressful to buy/sell a house. But finally you get it done. Congrats!!!!
回覆刪除[版主回覆11/18/2009 22:15:00]thanks!
真係一波三折
回覆刪除我地又係啱啱攪緊上會既嘢 , 攪掂都係未來三十年有排捱