Sam媽從小家裡就有養貓，黎到美國，第一隻玩0既貓貓就係福榮。
雖然同福榮相處0既時間唔耐，不過大學時間都算經常見到。
朋友A (男)說，當年養福榮，為0既只係捉老鼠，所以一直都不當養寵物咁養福榮。
但係，尋日佢同我講，佢好唔開心。一邊講電話，一邊我聽得出佢強忍淚水。
福榮上個星期開始唔多想郁，又唔太食野。朋友A 話佢不斷逼福榮飲水，福榮又好乖咁飲。以為佢會OK，結果尋日福榮完全唔食野，唔飲水，佢地即刻帶福榮去睇獸醫。
醫生說，福榮dehydrated 得好利害，同佢地講，不如俾佢走啦。
考慮左好耐，朋友A親手簽左同意書，但係唔想睇住福榮走，所以佢離開左診所。
朋友A話佢唔想福榮咁老都仲做手術，咁辛苦，所以寧願俾佢走。但係佢又覺得好似自己送走佢，好無良，內心一直掙扎，非常唔開心。
Sam媽一直安慰佢，一邊想... 如果有朝一日，SamSam 有類似0既事情發生，我會點?
再見啦福榮，希望你响彩虹橋上過得開心，唔再痛苦。
福榮呢件事，負能量好勁，Sam媽有2 個朋友生左BB 0既正能量都唔可以覆蓋到...
我要加油，踢走負能量!!!
發表文章
每一個生命都要經過生老病死 , 唔好太難過 , 一個生命結束 , 同時有兩個生命既來臨
回覆刪除[版主回覆01/23/2009 22:14:00]我會架啦
對我們這些有”小朋友”的人來說，生老病死會高度濃縮係十幾年發生，我們必須勇敢面對的！
回覆刪除難過，哭過以後，路，還是要走．努力吧 ! 也著福榮主人振作吧！
[版主回覆01/23/2009 22:14:00]多謝鼓勵，我都明白呢D 事遲早都會黎... 所以我會一直俾最好0既野SamSam!!
Take care, try not to dwell on the sadness and do something that will cheer you up~
回覆刪除