咩事轉性呢?

如果各位blog 友記得好人叔叔個衰人老婆的話，你就會知道點解我咁大反應...

話說呢個女人見親我地唔係俾面色，就係當我地透明... 講緊係dou 口dou 面見到都係咁！咁當然仲有佢成日話我仔曳呀，嘈呀，呢樣0個樣啦...

Sam爸好唔like 佢，Sam媽就覺得樓上樓下，佢老公又咁好人，個心幾唔妥都好，都會客氣一d 對佢。

最近好多時放狗都會見到好人叔叔同佢隻都柏文，兩隻傻狗成日都玩到癲晒，次次行過公園都要望下見唔見到大家~

前晚，壞人太太放狗，响對面馬路見到我地，竟然大叫"Sam!"

我仔就梗係癲左啦，佢又點知呢個女人唔鐘意佢呀~

個女人話，不如俾兩隻傻狗去公園玩陣啦...

望住癲癲地0既Sam豬，好啦!

尋晚唔見佢地，今早又見到壞人太太，佢離遠就話: "我地尋晚好夜先落黎，見唔到你地，今晚我放早D呀!"

我窒左窒... 哈?

我: "我地今晚有街去呀"

壞人太太: "喔，我覺得我地應該交換電話!"

我... 再窒: "好呀，下次呀.."

講左呢兩日0既野俾Sam爸聽，佢聽到呆晒: "轉性呀佢?"