紐約的爛樓 上午10:20:00 關狗事 5 comments 張氏一家住apartment,同樓都有唔少狗狗。早兩晚因為Sam豬曳,所以有前一篇Canine Adolescence 0既出現。尋日Walk狗時,見到樓上狗狗同主人。Sam媽俾個狗主人話囉,話Sam豬好吠,咁嘈,佢地第日要返工,blah blah blah。當晚Sam豬吠係大約10點幾11點左右。一直以來,Sam豬都唔係晚晚吠,一晚半晚,使唔使咁呀?自己都有狗,都應該知道有時好難控制佢吠唔吠架啦。佢曳緊吠都理佢,咁唔使教狗架啦!最衰都係紐約D爛樓,爛鬼木板隔唔到聲,搞到Sam媽俾人話!p.s. 樓上隻狗係120磅都柏文 Share This: Facebook Twitter Google+ Stumble Digg Related Posts:小狗挑釁事件今晚放狗, 離遠已經見到有個亞洲男帶住隻Yorkie, 以前都見過, Sam媽又都記得隻狗麻麻Friendly, 所以都準備係咁意"Hi"下就算.點知隻Yorkie 突然發癲咁吠同扯繩想埋我地身, Sam一直都冇理佢(Sam媽好proud~), 我地係直行直過~個主人就捉住隻狗&… Read More再戰人型曲奇上次失敗的狗曲奇後, 是日再戰人型曲奇賣相都係麻麻, 但係絕對可以入口! 今次都係用同一個食譜, 不過就聽馬輝媽講, 舊粉團放入雪櫃15 分鐘, 做模果然係容易好多~無baby food 存貨, 加左塊American Cheese, 都幾香呀!自己放入口試過, 有d 硬但係Sam豬就雙眼發光, 食… Read More狗鄰居之前一篇小狗挑釁事件,大家都好身同感受,無聊之下,食住個勢等我寫下我地D 狗鄰居先~我地住0既地方係D 6層 apartment building 0既area,大概都有10幾棟。搬入黎之前已經講明係Pet Friendly樓, 但係D 狗唔見得friendly...介紹一下我地D 狗鄰居啦: 樓上… Read More超級無敵估估下 (開估)你覺得相中係乜野黎?想表達d 乜?登登登登登...開估...........其實0個D 係Sam豬張床0既filling 黎~本來裡面仲有一層野包住, 不過俾佢玩到爛晒!!!早幾日拆個cover 出黎洗, 裡面變成咁...至於佢點玩法, 唔記得又或者miss 左0既, 請收看"SamSam… Read More終於都結束話說我家玩具殺手有個咁0既玩具...隻熊人d 手腳可以左右拉, 中間係球球一日唔使, 熊頭俾斬第二日, 斷熊掌收埋左一輪, 基本上都係得返一對唔知手定腳同個身玩左一個星期, 結果, 有相為証, 終於結束了~… Read More
由得佢啦!~~.......
回覆刪除嬲黎都無用...呢個世界上有好多呢d人!!!!
唔好理呢d人!!!!
[版主回覆08/06/2008 22:51:00]咁阿仔都有唔0岩,唯有"咕"聲吞左佢
你好多了~布甸佢成日一見人就跳~成日都有人話:有冇搞錯嫁你!你點拖嫁?有細佬係到嫁!!!之後仲有人話:唔該你以後幫你隻狗帶口罩 不過佢依家都冇咩跳啦~希望 日後鄰居可以接受到佢啦
回覆刪除[版主回覆08/06/2008 22:49:00]Sam豬都撲人架,不過我會勁扯住佢,費事啦
諗唔到自己都有養狗狗但又唔會體諒人…
回覆刪除唉,都覺得你好無奈,而家唯有搵方法好好處理sam的開題,路哂佢仲細,加油呀
[版主回覆08/07/2008 22:22:00]無奈....我會加油架啦
I realized that dogs in Japan never bark, wonder how they train them
回覆刪除[版主回覆08/07/2008 22:22:00]會唔會好似香港某D 人咁,整走狗狗D聲帶?
我樓上都成日好嘈不過唔係狗狗嘈,
回覆刪除