2008年8月13日 星期三

突然好想...

養左SamSam差唔多5 個月,睇多左好多關於寵物的文章同新聞,發覺美國的保護動物條例真的唔錯。只係,很多人都未必接觸到呢D 訊息。

同時,我發現,其實有好多唐人養狗同其他寵物,但思想依然停留在打狗=教狗的年代。

最不可思議的係,好多養狗的人都唔會俾狗同其他狗狗玩!

上個星期,帶SamSam返阿媽度,附近D 狗見到SamSam會狂吠,而主人一見我地就會兜路走。唔係我SamSam百厭,而係D 人覺得費事D 狗吠,所以寧願避開其他人同狗!D 狗狗就因為極少接觸其他狗隻而有以上行為。日復一日,狗狗就會產生行為問題,不過狗主就唔會理會,以為狗狗一直都係咁,無乜大不了。

事實上,有更多人以為,有後院俾狗狗跑已經很夠,無需要Walk 狗。結果,狗狗長時間唔同外界接觸,變得膽小甚至會攻擊陌生人同狗。

突然有個想法...... 整個非牟利機構出黎,專門教育唐人,又或者帶出呢D 訊息都唔錯呀!


Related Posts:

  • 小狗挑釁事件今晚放狗, 離遠已經見到有個亞洲男帶住隻Yorkie, 以前都見過, Sam媽又都記得隻狗麻麻Friendly, 所以都準備係咁意"Hi"下就算.點知隻Yorkie 突然發癲咁吠同扯繩想埋我地身, Sam一直都冇理佢(Sam媽好proud~), 我地係直行直過~個主人就捉住隻狗&… Read More
  • 再戰人型曲奇上次失敗的狗曲奇後, 是日再戰人型曲奇賣相都係麻麻, 但係絕對可以入口! 今次都係用同一個食譜, 不過就聽馬輝媽講, 舊粉團放入雪櫃15 分鐘, 做模果然係容易好多~無baby food 存貨, 加左塊American Cheese, 都幾香呀!自己放入口試過, 有d 硬但係Sam豬就雙眼發光, 食… Read More
  • Dog eats $400 in cash唔放好D 野之過~不過大拿拿$400,我估我會想殺左佢~ Dog eats $400 in cash, but NC woman manages to recover some of it later APEX, N.C. (AP) -- A North Carolina family's … Read More
  • 超級無敵估估下 (開估)你覺得相中係乜野黎?想表達d 乜?登登登登登...開估...........其實0個D 係Sam豬張床0既filling 黎~本來裡面仲有一層野包住, 不過俾佢玩到爛晒!!!早幾日拆個cover 出黎洗, 裡面變成咁...至於佢點玩法, 唔記得又或者miss 左0既, 請收看"SamSam… Read More
  • Cesar Millan 都頂唔住金毛~尋晚為左睇Dog Whisperer, 成點先訓~ 個集係講一隻勁dominate 0既Husky 同2 隻super hyper active 0既金毛!不過個web site 得Husky 0既highlight, 冇金毛...http://channel.nationalgeographic.… Read More

3 則留言:

  1. 係呀!~.....我住果到有d人都唔鍾意我d狗狗同佢d狗狗玩ga~!~~~
    見到我地就走路.....
    [版主回覆08/14/2008 01:57:00]成日都唔明呢D 人其實為乜養狗...

    回覆刪除
  2. 你講得冇錯呀~有時細狗狗主仲會講. . .行埋去!咬死你呀! . . .我係到諗:大狗通常成日比細狗蝦
    [版主回覆08/15/2008 21:41:00]通常細狗惡過大狗好多...

    回覆刪除
  3. 我都覺得美國對寵物好保護.......起碼有專門警察去做嘢.......
    我之前有個客係澳洲返.......佢隻狗一年而來都係花園生活........未見過其他陌生人同其他狗.......返到香港一見到陌生人同狗就狂吠.......唉.....
    [版主回覆08/18/2008 06:05:00]其實 專門警察係某幾個州先有, 咁最出名就梗係紐約既ASPCA Animal Cops. 之前就係因為佢地度做所以先接觸到更多關於Animal Welfare 既野

    回覆刪除

Comments


My Blog List

Followers