2008年8月4日 星期一

滾地葫蘆

今朝帶SamSam 去廁所,衰仔趁我執金,扯低我。
Sam媽做左滾地葫蘆!

好彩一大早無乜人,唔係實瘀爆!

以後都係唔好懶,出街一定要幫佢帶返條Gentle Leader Harness...

佢D發炎情況已經好返好多,Sam媽考慮緊好唔好俾埋剩低D 藥佢食

唔知係咪少運動,尋日帶傻Sam去Board Walk,返到屋企,訓到成隻死豬咁。就算Sam媽Sam爸幾大聲講野都唔開眼!平時,隻八仔聽到聲唔走埋黎八下,都實行埋黎我地腳邊訓。可想而知,佢有幾累!

Related Posts:

  • 今晚阿sam 請食飯由於一味"葡國雞翼",Scotchie 一家尋晚黎左我地度開餐~老實說,搬左之後又養左SamSam,呢次係第一次有人黎我地食飯,更加係Sam媽第一次煮俾屋企人之外0既人食,巧驚哇!!手忙腳亂之際,一張相都無影到,不過可以透露下煮左D 乜:- 瑤楮炆冬瓜- 葡國雞翼- 椒鹽排骨- … Read More
  • 幫你咋, 無記性!繼續再上一個星期發生既事...星期五晚放工返到屋企,見到以下一幕,D 火'ham ham'聲標上黎!!個膠袋邊度黎架???我地平時雖然無手尾,但係膠袋一定會放好... 唔知條友响邊度搵到個出黎玩!!Sam: 咩0者,你地唔擺好D 野,咪話我啦! *YAWN*呢張carpet 最無辜.… Read More
  • 無腰骨~你地D 狗呢,會無唔會成日挨挨蹦蹦架??SamSam成日都好鐘意行到埋你身邊,跟住挨過黎,下一刻你就會感覺到佢將自己0既重量挨埋落你度!其實佢由細都鐘意挨埋D 牆呀,門呀...係咪安全感好D,好似人咁呢?? 某朝早我開住廁所門裝身,條友又挨住牆黎望我~注: 好明顯又係舊相... 張消防車carpet… Read More
  • 飄飄渺渺浮浮遊遊無無聊聊Sam媽真係weekday 返工先多時間update blog,有時候影埋影埋好多相, 但係無奈响屋企真係好少搞,咁搞到好多相擺左好耐都無機會放上黎...好似呢個星期落狗C,咁先有時間post 返再上個星期D 相!講緊係游水水0個個weekend... 返左去公公度,Sam爸要幫公公整printer… Read More
  • 意外自由行Sam爸今朝返工唔記得關閘, SamSam意外地晌屋企自遊行左一日!!!Sam媽放工返黎見到個閘, 嚇到O嘴, 即刻睇下個衰b 破壞左d 乜~有意外驚喜wor... 破壞情度遠遠少於想像!1. 新買既cusion 2 個晌地下, 但係完整無缺2. 書台支樽裝水落左地, 淨係撕爛左張招紙3. 餐檯放住… Read More

5 則留言:

  1. 我諗你平時更係用胸帶喇.......我唔會覺得你瘀........反而會覺得好危險.......所以就算唔係去參加比賽基本既服從訓練對日常生活都好重要架........
    [版主回覆08/05/2008 03:10:00]好多時朝早都只係用頸帶就行,所以就出事。平時係用呢個: Easy Walker Harness

    回覆刪除
  2. 星期日我帶完兩件煩友去游水, 瞓足一日呀, 最舒服就係呢一刻, 你得閒帶隻狗狗去游下水啦!
    [版主回覆08/06/2008 00:21:00]呢度好慘,無地方俾佢游水...

    回覆刪除
  3. 我帶佢地去狗公園咋, 如果你地唔係住新界就可能覺得遠D囉, 不過有得安排專車接送服務
    [版主回覆08/06/2008 21:55:00]張氏一家在紐約喔~

    回覆刪除
  4. P仔都係用easy walker, 我覺得ok ga…係spca的trainer叫我用的
    你都唔算瘀,放狗最繄要安全,佢地咁大力,真係要成日留心…我試過比P仔係班狗友面前拖到look地,真係瘀爆…
    [版主回覆08/06/2008 22:02:00]其實佢都會扯,但就唔會扯到我碌低或者整親先囉

    回覆刪除
  5. Antibiotics 要食晒成個 course 架播.  我有個舊同事個太太帶隻 lab 出街又係比佢扯跌,成隻手損晒。
    [版主回覆08/07/2008 10:31:00]個獸醫本來話開10日, 但係而家食多過10日, d 藥仲有一大排! 所以我停左冇俾佢啦

    回覆刪除

Comments


My Blog List

Followers