ET 育成記: 0Y3M

第2 到第3 個月，ET好似大得好快！
突然間個面仔開始好有肉，個car seat 開始可以塞滿～

我們繼續帶著佢四圍去，等佢習慣唔同地方，唔同聲音


2.5 月左右開始，正式戒夜奶，雖然仲係會整D 聲出來嘈醒我，但只要俾奶嘴就會訓返，唔再需要食奶

同時，亦開始轉P 牌2 號尿片。
突然有幾日，人奶產量狂跌，嚇到心慌，於是連續2 日"Nursing Vacation"追返！

餵人奶真係少D 決心都出事，寫緊心路歷程，另一篇blog 會交代～

某早上，如平日食飽奶在Sam媽床上玩，突然來個大吐奶，結果... 如圖！
枕頭，床單，ET自己一身，Sam媽一身濕透！！

於是全部換，搞一大餐


第11 週左右，又來growth growth 猛長期。

有一晚，食完7 安士，喊； 加2 安士，喊； 再埋身，終於飽飽

食量真係嚇死人

好彩，呢次只癲了2，3日就安然度過

 本月其中最大一個成績係眼光開始追隨人活動，識得望SamSam 



3個月check up，身高係74 percentile，重量係65 percentile，頭圍係48 percentile

樣樣都好好，身高數字基本解釋到點解3-6 個月衫衫都唔多合身！

問醫生，天氣開始熱，ET 仔又大汗，係咪可以沖涼多幾次？

醫生話3 次就最好，如果真係好熱要沖多幾次，盡量用清水就好。

又要打針，喊耐少少，但之後的反應沒有第一次打針咁大

另外問醫生如果要買防曬產品，買咩牌子好

醫生建議neutrogena

開始陽光多，我們又經常出街，買黑超俾佢，唔好搞壞對眼！



3個月仲帶ET 去JCPenny 影相，叫做紀念一下。

每個入鏡的人(叫sitting fee)要9 美金，我們一家3 口入鏡已經要27 美金，於是買個membership，29美金2年免sitting fee，另外有special discount 買相。

因為已經plan 好，起碼一歲會影多次，所以入會唔會白俾錢！

最後覺得，俾錢買hard copy好唔抵，用原價買CD，要149！所有影的相都有，自己返屋企可以慢慢揀同整幾大！

2 個禮拜後有coupon可以買CD 平，但因為係只可以影當日出示先得，無得price match，蠢了......







------

其他零星記事：

終於無積雪，開始有回暖天氣，Sam媽一個人帶2 個小朋友在附近公園溜溜～
 
因為驚SamSam 扯繩，Sam媽體力又未完全恢復，再要推住ET，都係戴個嘴繩安全！

第一次帶2 兄弟一齊出去，要就SamSam速度，又要小心推車，情況尚算可以，試多幾次會更順



開始會狂流口水，咬手指! 最愛右手大拇指~~~


Sam 婆一路都不停問我們擺唔擺滿月，搞唔搞百日， 真係唔想搞，好怕應酬，尤其仲要個新生BB 去俾人圍！

不過最後都決定當搞百日，兩家人坐埋食餐飯都好應該。

又因為就人，臨時決定幾時食，邊度食...

最後Sam媽叫做甜品師傅的朋友隨便整個蛋糕，叫做完滿做好件事！



雖然天氣唔算好熱，不過對於火爐仔來說，短袖衫唔係大問題
是日阿仙奴有賽事，兩父子一齊穿球衣支持


簡簡單單，希望ET 仔健康快樂成長就好！ 

Read More

ET 育成記: 0Y2M

以為經過第一個月，之後會順手點？No!

一個月檢查，醫生話tummy time 唔夠… 肩胛骨唔夠力

但係其實Sam 媽覺得ET 仔已經好厲害: 3個星期左右撞彩翻身2次，個頭仔又可以抬很高，仲未夠？家中4 大天王係咁話我咁早俾佢做呢d 動作，我反抗先有呢個程度…
於是每日都要同佢玩tummy time，就算1、2分鐘都好。記住唔好食飽做！

之前在醫院食開similac, 問醫生好唔好，醫生建議enfamil newborn, 3個月之後轉 infant


食enfamil 奶粉似乎ok, 於是去買ready to feed, 咁出街可以方便少少。尤其ET 仔肚餓發惡會好惡，ready to feed 可以快 d


點知就出事啦
第一次食完，大概有4日時間係狂扭計，唔清楚咩事

用古法，雞蛋包銀碌肚仔又試過

用橄欖油按摩又試過

到最後俾gripe water (類似肚風水) 就慢慢好起來。

Gripe water 有很多不同牌子，大家都標榜對Colic 很有效。我們就用醫生推介的，大約9 美元一樽。打開後要放雪櫃，1個月內要用完。（之前個post 有介紹過）


Colic，中文可解左肚風，腸絞痛，絞肚痛。

腸絞痛好發於新生兒，尤以出生後4～6週最常見。許多新生兒都曾有過腸絞痛，但一般等到2、3個月大時症狀就會逐漸改善，比較慢的則等到4～6個月時症狀就會消失。

在 嬰兒未滿四個月之前，其腸壁的神經發育不成熟，所以造成腸道蠕動不規則，容易蠕動過快，糾結一起而導致痙攣疼痛。據統計有八％到四十五％的嬰兒都曾有得過 嬰兒腸絞痛。其常見的症狀為腸道痙攣，腹部鼓脹，也就是「膨風」，而寶寶哭聲淒厲，非常躁動幾乎無法安撫。等到腸蠕動波消失，而有排氣才會緩解，寶寶才會 舒緩。發作時間有二個高峰，約是傍晚四時至八時，以及半夜零時前後。

一旦是腸絞痛的發作，寶寶常以高分貝的哭聲及握拳踢腿的肢體動作表達，父母可以先用薄荷油塗抹腹部作按摩，使其排氣。也可使用溫毛巾熱敷腹部，緩和腸痙攣的情形。
腸絞痛雖然目前仍沒有辦法確診，但仍可由一些跡象來判斷是否為腸絞痛：
 
*每天幾乎都在特定的時間點哭鬧，哭鬧頻率1天約1～2次，每次約可長達2、3小時。若非每天哭鬧，一週至少也有3、4次以上。
*嬰兒哭鬧時，肚子摸起來脹脹的、硬硬的，也常把腿部弓起來或是不斷拳打腳踢。
*沒有合併其他嘔吐、解血便、腹瀉或發燒的症狀。

曾經我都以為ET 仔是Colic，但他不是每天連續哭鬧2-3小時，和colic 標準的問題唔一樣！
到第二次再飲ready to feed，同樣症狀出現，幾乎可以肯定就是病發源頭！

當然，從此我們唔會再餵!
結果，開了2 樽，還剩4 樽，現在還不清楚可以點...
曾經有一日便便成綠色，嚇得Sam媽馬上打電話俾醫生。

姑娘代醫生回覆，新生兒綠色便便很普通，無需過分緊張。
第六週猛長期，臨睡前一餐，居然食7安士奶粉！ET 老細，你有無咁超前呀？

結果一晚起3次身餵奶，深夜1點，5點再早上8點。
這次猛長期足足玩了一個星期！ 而得著係，Sam媽上磅，還有15 磅就回到孕前體重！

第8 週，Sam爺Sam嫲去旅行，Sam媽一個人帶2 個！

第一天很辛苦，完全連去廁所的時間都沒有...

早上6 點多餵完ET，睡個回籠覺，10點起身，洗奶瓶，泵完已經1130。吃個簡單早餐，趁ET 小睡，帶SamSam 去back yard 玩一陣，ET 又起身玩。最後安頓好，午餐也已經拖到2 點。
再準備晚餐，帶2 個小朋友出去走個圈，煮埋飯就一日！

只可以嘆句： 全職媽咪唔容易～

之後2 日，情況比較好點，大概上手了。
第二個月check up，ET仔已經接近12 磅，高度係74%，高大仔！

問醫生，可以開始訓練routine 未？

醫生話，你可以試，不過45週前，小朋友其實都沒有記憶！過分約束，其實對媽咪唔好，還勸Sam媽放鬆點，唔好逼得自己太緊，反而會令自己唔開心。

唔理啦，照開始，不過就真係平常心。

就如母乳一樣，當自己決定放棄，放鬆面對奶量唔夠的問題，已經接近少之又少的奶量居然還回來了！

第一個星期訓練，基本上不錯： 夜晚11 點餵最後一餐，食奶粉； 哄睡用之前胎教的音樂，睡著後放小床。3，4點左右起身俾奶嘴，可以挨到5，6點才餵。

第二個星期訓練，轉音樂，repeat 同一首歌，拍住入睡，再loop 住過夜

跟住2 個星期都可以11 點最後一餐，12 點左右睡，3點會嘈，俾奶嘴就自己訓返，5，6點起身食。
但Sam媽自己就嘈醒後就居然唔慣，唔可以直接再訓返，所以都係起身會泵奶

------

其他零星記事：



2月27日，產後驗血糖同上2 個鐘課。因為妊娠糖尿變糖尿的機會比較大，上堂講以後應該如何keep
第二日收結果，完全過關！



6 週後回去婦產科醫生複檢，醫生話樣樣都恢復得很好，建議繼續食prenatal，BB 可以繼續吸收營養。

忘記問腰痛的問題，尤其係打無痛的位置。之後再打電話回去，護士話因為打脊椎，需要比較長時間復原... 只能用時間去heal，沒有shortcut。如果真係影響到生活就食止痛藥。

Sam媽開始做運動收腹，但因為腰痛，無辦法日日做，所以收得有點慢。



朋友之前回香港，Sam媽搭買粵語兒歌CD，開始得閒就播。

同香港，台灣，內地唔同，ET 仔返學後，英文一定唔會有問題。

反而見太多ABC 唔肯開口講廣東話，所以希望從小就灌輸ET 仔，就算唔識寫都要識講！



開始不停帶ET 仔出街，驚個頭亂郁，俾個枕頭夾住就好好多。

去買菜，去mall，去飲茶... 不過依然唔會俾街上的人碰！

好多人覺得咁細就帶出街，很荒謬。我們覺得，一直唔俾出街先荒謬！

一個生活在無菌的小朋友其實更容易病。

出街見人，一來可以social以後唔會咁怕生，二來可以接觸多點唔同地方，聲音，味道！



頭頭可以越抬越高，尤其用feeding pillow來訓練。

本來都擔心會唔會對脊骨有影響，問過醫生說沒問題！



ET 仔好喜歡我們食飯時間就起身，明明之前睡得好好地，都會一開飯就醒。

一個月前都可以抱食飯，但體重增加，好難一直邊抱邊食。於是買了rocker...

Fisher-Price Newborn-to-Toddler Portable Rocker, $42.99

食飯時，把rocker 放在身邊，簡直就是life saver（手的救世主）！

最緊要係，ET 仔肯坐，我地又可以撩佢，大家都舒服晒。

有時坐坐下，開住vibration，ET 仔會自己訓著添！

唯一嫌玩具架有點低，不過2 個月還未識玩，所以都無安上。


2 個小朋友第一張正經合照


某早上見到反訓的ET 仔，好似做緊體操咁

Read More