仲有半年!!!

睇下日曆，原來仲有半年就行禮啦!

之前覺得好似仲有好耐，而家又覺得，好似好快，因為仲有好多野未搞!

墨西哥ceremony:
1. 婚紗: 買左，未改
2. 頭紗: checked!
3. 婚鞋: checked!
4. Sam爸禮服: 未買
5. Sam爸鞋: 未買
6. 機票&酒店: checked!
7. Out of Town Bag: 未買
8. 攝影師: 搞緊contract
9. Wedding package: 已落訂
10. Guests: Invite 左25個人連4 大天皇，14個confirmed
11. 姊妹裙: 未買

紐約reception:
1. 婚紗: 買左，未改

2. 頭紗: checked!

3. 婚鞋: checked!
4. 旗袍: checked!
6. Sam爸tux: 未買/租
7. 酒樓: 已落訂, 未寫菜單
8. DJ/MC: 未搞
9. MUA: 未搞
10. 喜帖: 設計搞掂，要quote 價
11. 餅卡: checked!
12. 攝影師:checked!
13. Guests: 要問人拎地址寄帖
14. Slideshow: 未搞
15. 婚網: 七七八八
16. 場地設計: research 緊
17. 回禮小禮物: checked!
18. 大相: 未決定...
19. 蛋糕: 未搞

仲有咩漏左呢????????

初一的禮物

晌紐約, 真係無乜過年氣氛, 唔去唐人街係完成唔覺過緊新年

不過今年初一收到婚照實物, 開心!! (真係等到頸都長...)

成個package 裡面包括左一本15寸相簿連一隻黑色型格皮箱, 一紅一白12寸相架連兩張送0既相, 仲有攝影師揀而整0既10張書簽, 同埋所有相0既cd

網上d 人話d 書簽唔一定係你揀左0既相, 只要係攝影師覺得靚就會整.

結果我地所有書簽都係揀左0既相... 即係我地都揀晒最好0既!

而家頭痛緊放大邊張做大相... 張張都好靚好鍾意~

咁多雪邊度黎架?

今年落雪真係落到我怕晒... 又落左成3－4寸...

一早起身無望過街就帶Sam豬出去，出到building 打左個突... 橫風橫雪wor，D 積雪已經過左我隻鞋，而懶惰0既Sam媽無著襪!!!

傻Sam一出門，伸長個鼻係咁索~

隻腳踏上D 雪度就好似啪左個制，係咁跳係咁跑，又將個頭'中'落D 雪度聞。

見佢咁開心，我都由佢扯繩。

跟住見到都柏文同佢個女主人，女主人問我有無時間等佢兩個响個park 度玩幾分鐘。有得俾個傻仔玩，我梗ok架~

另外一隻成日打招呼0既狗狗見到我地，見到兩隻狗响個雪地度玩，女主人都帶狗狗join。個女主人就唔放繩0既，因為驚佢會走路，但係都俾佢玩，最多自己跟住佢轉。

點知就响女主人行入park 0既時候，個地太滑，女主人sin 低左，pat pat 落地!!
佢自己起返身，跟住俾狗狗繼續玩，佩服佩服!!

玩左一陣，要走啦，輪到都柏文個女主人，成個人五體投地咁跌响我面前...

佢條脊骨有事架，好彩唔係pat pat 落地，唔係都唔知點算!!

Sam豬叫極都唔肯走，我要去捉佢，差D 都出事!! 好驚~

今年D 雪真係夠晒皮，都唔知邊度黎咁多雪，幾時先落夠???

牛年大吉!

恭喜發財!

心想事成!

身體健康!

東成西就!

狗兜常滿!

傻Sam與亞dick

Sam爸晌屋企某個角落搵到呢隻N 年前0既公仔...

Sam媽0既係加菲, Sam爸0既係亞dick

兩隻傻狗合照~

5 分鐘唔夠... 可憐亞dick 俾人施酷刑... 成條利就俾扯左落黎!

Sam媽唯有剪左利利, 補返個口, 等個傻仔可以玩多陣...

結果?

亞dick咪就係慘死咋嘛

福榮走了

福榮, 一隻14,15 歲，Sam媽好朋友0既貓貓，尋日走了...

Sam媽從小家裡就有養貓，黎到美國，第一隻玩0既貓貓就係福榮。

雖然同福榮相處0既時間唔耐，不過大學時間都算經常見到。

朋友A (男)說，當年養福榮，為0既只係捉老鼠，所以一直都不當養寵物咁養福榮。

但係，尋日佢同我講，佢好唔開心。一邊講電話，一邊我聽得出佢強忍淚水。

福榮上個星期開始唔多想郁，又唔太食野。朋友A 話佢不斷逼福榮飲水，福榮又好乖咁飲。以為佢會OK，結果尋日福榮完全唔食野，唔飲水，佢地即刻帶福榮去睇獸醫。

醫生說，福榮dehydrated 得好利害，同佢地講，不如俾佢走啦。

考慮左好耐，朋友A親手簽左同意書，但係唔想睇住福榮走，所以佢離開左診所。

朋友A話佢唔想福榮咁老都仲做手術，咁辛苦，所以寧願俾佢走。但係佢又覺得好似自己送走佢，好無良，內心一直掙扎，非常唔開心。

Sam媽一直安慰佢，一邊想... 如果有朝一日，SamSam 有類似0既事情發生，我會點?

再見啦福榮，希望你响彩虹橋上過得開心，唔再痛苦。



福榮呢件事，負能量好勁，Sam媽有2 個朋友生左BB 0既正能量都唔可以覆蓋到...

我要加油，踢走負能量!!!

快錢唔易賺

上個星期五又去左賭場搵快錢，今次係記者招待會，講新年活動加新賭法。

呢D真係快錢，自己拎半日假，有錢有得食有得玩，仲有得免費訓一晚~

不過唔係成日都有得賺，一來如果唔係個朋友做緊間Agency，佢都唔會幫我搵到份咁好0既野，二來本來係屬於另一個人做，佢唔得，我係後備，執二攤~ (呢D 二攤執得過!)

對上一次去係奧運，做左唔夠一個鐘就袋袋平安，今次無咁筍...

今次要講0既野多好多，亦即係話同一樣野廣國英講3 次。本來話英文唔使講咁多，結果，高層突然殺到，無prepare 到0既稿要即場搞掂。

又因為亞高層，做訪問0既時候要幫手翻譯... 我翻譯係勁唔掂0既... 中文表達能力差過5 年班!

搞搞下，由於個press con 响間名廚0既餐廳做，亞名廚又突然出現。訪問，簽名影相再玩翻譯... 玩死我!!!

之後，不停俾東森電視台個攝影叔叔捉住，因為佢地得一個人來，我要臨時拉扶，做埋新聞小姐舉牌做訪問...........

搞左一晚，妝都唔落，淨係換左衫，殺落賭場。我唔捨得賭，通常只會玩5 仙老虎機，不過都贏左20 蚊~

唔錯呀!


話時話，食0個餐真係好得，不過因為係做緊野，唔可以影相，只係偷偷用iphone影左呢個扒，大過我塊面! but 超juicy.............. yum!!!!!

press con 中段，有休息時間，有人approach 我，話對我有興趣，問我要唔要去佢地公司做... 一睇名片，哈，敵台!

話說，Sam媽退出江湖前，做過2 間電台(其中一間，而家都仲有掛名)。

而紐約0既電台情況就好似香港3 色台同其他電視台0既situatuion。

而approach 我0既係大台0既經理，佢仲介紹埋個總經理我識。

我個死樣而家都仲成日响雜誌度出現，你地咁都認唔到敵台0既人??

老實說，我好重情義，就算真係再做，我都一定會跟返一直帶我出身0既人(呢一刻，真係唔捨得放低Sam豬)。所以佢係咁問我要連絡方法我都係咁帶佢遊花園。

雖然無心做，但俾人睇得起，係開心0既~

今早Sam公公打電話黎，話尋晚响美東3 色台見到我個樣出現左1秒鐘!

1秒都唔錯呀~

Sam公公咁多年都未睇過我做0既function，終於都見到，佢仲開心過我!

Sam豬小時候 - BB 篇

SamSam生日, 驚覺時間真係過得好快...

帶Sam返屋企0個日, 用個盒仔就裝得住, 成程車冇叫過

返屋企第一日, 訓左晌廁所張地氈度好耐

好耐都冇見過0既乳豬全體~

BB 仔0個陣真係好乖~ 而家?

第一次去獸醫間診所, 傻仔勁驚

細細粒, 可以訓coffee table 底...

生日快樂, Sam第一個生日

Sam同我地過0既第一個生日~

買咁多禮物俾你都苦口苦面做乜丫?

Sam: 你顧住影相都唔係俾我玩, 點開心...

合作d, 笑下啦, 話晒你生日呀, 乖~

自己整0既生日蛋糕, 醜就醜d, 心意搭救

Sam: 又影? 俾我食啦.............

黎啦, 食啦!

我咬!

咬咬咬!

唔知係咪Sam媽功夫未到家, 定係傻仔食得太急, 食完半個鐘唔夠, 嘔返一大堆出黎...

寶貝仔, 祝你生日快樂, 健健康康, 聽聽話話~ Sam爸Sam媽錫晒你!!!